آورار 》 واد الزهور 》قنواع 》مقيصبة بو النشم الزمامرية 》تيزغبان 8 أيام و 7 ليالي
تفاصيل الخرجة من الإنطلاق إلى العودة
تكاليف الخرجة كنا 3 سقامت 6.750 دج للواحد
المعدات اللازمة : خيمة ماطلا مخدة ملابس دافئة كاسكيطا باراصول طابلة كرسي مقلة كسرونة مرميطة صفاية الريشو(شوف الصورة الأخيرة) + 4 قرع غاز كيسان طباسا مغارف فراشط مواس تاع كوزينة 2 بريكيات الشمع حبل شوية مساسك ليان صغير بلاستيك grillage تاع شواء 2 قفات وحدة للأواني وحدة للمواد الغذائية و كل حاجة تشوفها ضرورية للخرجة ماتكثرش برك و عندك القضيان لي لازم
بعض الأدوية بيافين برونزاج بيتادين قطن سبارادرا باراسيتامول كزيدول دواء الإسهال العنبر تاع الناموس و كل حاجة تشوفها ضرورية، المهم دوكا ديماراج آااا سي
أول محطة آورار، ديمارينا من العاصمة أوطوروت حتى الدخلة تاع ميلة تحكم طريق الميلية كي تفوت سد بني هارون قريب تلحق حدود ولاية جيجل و سكيكدة كاين دخلة على اليسار شواطئ بني فرقان و شواطئ واد الزهور تلقى بلاكا آورار تبعها الطريق piste فيها 7 كلم تقريبا باش يكون علابالكم الطريق ماشي مخدوم يعني piste تراب و شوية حجر في نهاية الطريق كاين parking تحط سيارتك و ماتخاف والو و من تم تدخل لشاطئ آورار روح على اليسار تحت الجبل ولا تمشي حتى ڨلتة الغار ، دير حسابك مع الصباح الشمس تخبط فيك مباشرة ومن الزوج للفوق كاين الظل تحت الجبل كيما سطالينا حنا شوف الصور بالنسبة للماء كاين source للشرب فقط ممنوع الدوش فيها جاية قبل الباركينغ و كاين براكة صغيرة فالطريق يبيع الماء بارد و حتى جامد ، على حسب رأيي الشاطئ هذا تريح فيه ليلتين على الأكثر خاصة إذا كنت بالسيارة تبدل خير الشاطئ جميل و الماء تاعو نقي مع الصباح تقدر تشوف شروق شمس رائع الغروب صعيبة باش تشوفو بالنسبة للأمن ماتخاف والو لا سراقين لا حلوف لا ذيب عندك النمل برك يهبلك شوية
المهم و الأهم كي تكون رايح أرفد فضلاتك معاك خلي بلاصتك نقية
المحطة التالية واد الزهور و التفاصيل في المنشور القادم
اورار قوة غير الخميس لي فات كنا ثما ممكن تلاقينا
الزمامرية 💔❤
بصحتكم لكيب جنة والله
بصحتك خيو
بصحتكم
بصحتكم علاش ما عيتوليش علاش يا حكيم
Abdelaziz Laïssaoui, Abd Esslem, Zakî ChêBlî
وصيهم حبيبي يعسو الكوزينا من البقر معا صباح
بلاج بزاف شباب كالم ونقي … والناس ثما الله يبارك ما تحسش كامل فالطريق …كومبيت فيه وحديsolo كلي بايت في داري الله يبارك مع ليلة قمر ….المهم بصحتكم
Wail Toumi
Abd El Wadoud
نديروها وقيل راهي رخيسة هههه
ياخو هذيك تع فورنوا وين نلقاها؟ و شحال دير؟
Harazi Aymen hahi palasa chaba ❤️🥵🤷🏽♂️
مابيعنا معاك والو 🤣🤣🤣🤣
سيف الاسلام بن شاطر Mouh Pitzaro Nassim Y Bellagoune @Adel ben