إقتراح 🤔🇩🇿🔥
لماذا لا تقوم وزارة السياحة مثلا، بعمل برنامج للترويج عن السياحة في الجزائر من خلال:
1️⃣دعوة و استضافة يوتيوبرز عالميين 😍🌍🌎🌏
وذلك مثلا بتقديم التسهيلات في التأشيرة والتنقل وكراء اسبوع مجاني في فندق لهم🏨مقابل قيامهم بالترويج السياحي لبلادنا
2️⃣ بالاتفاقيات تعاون بين الوكالات السياحية والوزارة من خلال جلب ودعوة السياح الأجانب الأوروبييين خاصة للجزائر وتحصلهم من اعفاءات ضريبية سنوية و امتيازات أخرى كتسهيلات الأولوية في حجز التذاكر مع الخطوط الجوية الجزائرية او دعم مالي كهبات للدعم والتشجيع وغيرها من الاساليب 😊
1001 | سياحة 🌎
#نقاشات
نجاوبك كيما قال المجاهد لخضر بورقعة الله يرحمه معلقا على امكانية استضافة المطار الجديد لعدد كبير من السياح : ” و هذو وين إبولو ” !
علاه يجو باش يقابلوا لابوبال منين يروحو خليهم في بلادهم نهار نظفوا ارواحنا نهدرو
الدولة مارايحة تربح والو بما أن جميع سائح اجنبي يدير الشونج تاع العملة الصعبة تاعو في السوق السوداء مباشرة.
أول خطوة يجب القيام بها هي إلغاء التأشيرة او جعلها إلكترونية أو عند الوصول
و هل الدولة الجزائرية غير قادرة على الترويج للسياحة !؟ هل تغيب هذه الأساليب عن الحكومة !؟
منيش عارف علاه راكم تحرصو على الاجانب حوس انت بركات واش هي الفايدة كي يجو السياح الاوربيين ؟ هذي الارض طاهرة ولا للسياحة الاجنبية في بلد الاسلام هذا رايي انا يخصني ، ثانيا لو يفتح المجال للسياح فالمواطن البسيط يصبح اكثر المتضرريين سترتفع الاسعال في كل شيء والخزينة العمومية تتضرر بسبب الدعم للمحىوقات والمواد الاساسية
هذا لي راك تهدر عليه خو اسهل و اخر مرحلة فالسياحة
البلد غير جاهز من كل النواحي
المشكل ماراهوش في الترويج ، قادر يجيب نجوم عالميين بصح مبعد كي يحب واحد يجي مايعطيوهش فيزا
من ناحية هادا ڤروب سياحة مليح ترويج لسياحة بالرغم أنو البلد غير جاهز حتى لسياحة المحلية بلا ما نهدرو على الفيزا كيفاش دير ترويج ونتا ناس ما يقدروش يدخلو ليها
ثانيا من ناحية المصلحة العامة للبلاد السياحة هي آخر حاجة نفكرو فيها حاليا
الناس لي تحكي على لابوبال والمرافق والطرق هيه ومنبعد ياك رانا من دول العالم الثالث ومراحش نبنيو البلاد من كل النواحي فنفس الوقت ابدا بالدرجة حتى توصل للقمة مش تبدا بالقمة باه تهبط للقاع السياحة راح تدخلك عملة صعبة وووو وانت ماشي وتحسن فالبنى التحتية و وووو وطبعا لازم نحسنو تفكيرنا وتعاملنا كمجتمع إذا حاب يدخلوك سياح
_لابوبال فالطرق احنا لي درناها هذا ابسط مثال .
تبدا الدولة توفر شروط الضرورية كيما نقولو الاولويات من مكاتب صرف وامتيازات من حيث الفيزا واسعار الفنادق كل حسب قدرته المالية. ومن بعد نروحو للامور الكبيرة واكيد فالبداية مراحش يدخلوك 10 مليون سائح فالنهار .
رابح غير اليوتيوبر يدي تحويسة باطل و مادة مجانية لقناته… شحال تعرفو تخموو. ياو قضية السياحة فالجزائر قضية سياسية. الفيزا تاعنا من اصعب التأشيرات باش يجيبوها الاجانب و الحزائر مصنفة اخطر من افغانستان عند امريكا و دول الاتحاد الاوروبي يوصو رعاياهم ما يروحوش للجزائر الا للضرورة القصوى و نتوما تخممو فاليوتيوب.
غير ليوتيوبرز الجزائريين بزايد يقدرو يديرو محتوى ترويجي للسياحة فالجزائر مع الوزارة يجي روعة
كي يسمحوا للدرون يفوت من المطار مبعد ساهل 😏
حاب نفهم وش هي الفايدة كي تجيبوا السياح الأجانب ؟!
المعاملة بالمثل الجزائري تان قيمتو كبيرة علاه ميديش هو الفيزا تاع اوربا ؟ والجزائر تمدلهم الفيزا لا يا صديقي