الإثنين لي فات أول أيام العيد مع جوزت العيد وحدي مع هذيك الوحش تع لبلاد و العائلة قاع مجمعة حكمتني شوية القنطة حوست نشري تيكي باش نجوز ويكند في لبلاد مع العائلة صبت التذكرة تقريبا 600£ واحد 15 مليون .. شفت للمغرب صبت 7 شركات يروحو لمراكش ( Ryanair , British airways , easyjet , wizzair , Arabia , Maroc air Royal , Tui fly ، شفت لي يساعدني و شريت لمراكش ب 60£ ( 3 سوايع طيارة ) هبطت بالجمعة و وليت البارح و اليوم صبحت خدام !! حنا في لبلاد باش تنوي تخرج ويكند لكاش بلاد لازملك ميزانية دولة .. تيكي لأرخص دولة لتونس ب 200أورو ( ساعة طيران ) مع هذيك الشركة .. أيام دوك وعلاش حنا ما نهبطوش لبلاد نحوسو ويكند ب 60£ كيما قاع الناس !! و كي تهدر يقولك ما عجبكش الحال ماتجيش و ماشي خسارة في والديك …… إلخ ، الجزائر حبس كبير و واش راه يصرى و حق ربي غير نقدرو نصفوه جريمة ضد الإنسانية ، حقك كمواطن باش تخرج تسافر ما تقدرش .. ( لي ما عجبوش الستاتو ما يعلقش و شكرا 👌)
اهم سبب هو تضخم عمال الشركة ارتفاع اسعار التذاكر السبيل الوحيد لدفع اجور ابناء المسؤولين العاملين في تلك الشركة
لي مايعجبوش الستاتو يا إما راه مستفاد ولا هو قلبو مريض مايحبش ناس تعيش
الاغلبية راضية بالظلم و العوج و كل واحد يقول تخطي راسي
المواطن ما عادش عندو كرامة و لا إيمان بحقوقه
تهدر برك على السفر و كأنك تهدر على الخيال ، الاغلبية عايشة باه تاكل و تتكسى و يا ربي .
الفِكر مُغيب و الحقوق مدفونة و العقلية مستسلمة و راضية بالفتات
و الله عيينا من التضييق في كل المجالات
بخدمتك و ما تعيشش في هاد السجن 😫
شركة توظف بالمحسوبية و بالتوريث …. و مبدأها جهوي بحت …
الحل في كل الميادين هي المنافسة مكاش كيفاش شركة واحدة تتحكم ف مجال معين والمشكل هنا الجزائر كل ميدان كاين واحد متحكم فيه اذا لاتنتظر حاجة مليحة بل غير النيڨاتيف
كي ما يلقاوش سبب، يبداو يهدرو علا العاطفة… و ماشي خسارة و هادي … يغطو هادا بهادا ،كلش معوج
نتيجة التسيير تع الكعب و صحاب نجيب دشرتي معايا تخدم ……….
كو.ريا الشمالية أرحم
خاطر كاين بزاف ديناصورات عايشين برا و محسوبين على شركة الفرافارات للطيران لازم تبقى شهريتهم تمشي 🤑
لوكان تكون المنافسة منين تدخل الدراهم باش يخلصوهم!؟
و مزالت ناس تقدس في ولي الأمر و تقولك حنا قوة و ضرك تتريقل بلاد الشعر. صدقني انا في أقصى الجنوب و باه نروح للدار يصرا فيا الباطل.
I hate this country so much
مكانش لي ميعجبوش السطاتيو غير لي خدام معاهم… حرمونا نشوفو حبابابنا.. ربي يشوقهم فالجنة
برافو
شفت عقلية مكعبة كي طالب بحقك و ترفض سرقة يقلك مش خسارة فلبلاد و تشوف والديك . هوما لوكان ينقصو تيكي المغترب يصرف اضعاف سعر تذكرة هنا .بلاد شواكر
يعطيك الصحة.. حبس كبير غير هوما لي يخرجو منو
شركة نورمالمون تمشي بعدد معين من الخدامة و هي مخدمة تقريب تريبل على واش تسحق مين يجيبو باه يخلصوهم من جيوبكم
عندك الحق في كل ما قلته، حقيقة مرة …صبرا جميلا و الله المستعان
حقك كمواطن باش تعيش مكانش ربي يجيب الخير مع لبلاد هاذي برك
اول عيد غربة و تصبح خدام
ايماجيني ماتسمعش صح عيدك و اول واحد تغافرلو على 6 عشية
ارخص تيكي 600 ذهاب برك
الدولة الجزائرية
نثمن مجهوداتكم
الكهول هاذو راهم دايرين فينا مزية كي خلاونا نعيشو هنا
ربي معاكم أخي و الله ما ساهلة سورتو لي جربها ، هدرو على هاد القضية في إجتماع مجلس الوزراء (ماشي مجلس الوزراء تع البارح ، لي قبلو) و على بعض الحلول لي ممكن تحل الأزمة ، إن شاء الله تكون حلول واقعية ملموسة ماشي des salades كيما موالف
تروح فارغة و تجي فارغة و ميديروش billet ب 60€ راهم في خسارة على خسارة بصح مكانش plan économique يمشو عليه حتى و راهم ب le dettes
وولاد الدشرة كيفاه حبيتهم يخلصو راهم في بزاف بلا فايدة
ولي معجبنيش في الستاتي تاعك انك تحلف بغير الله
نظن انك ماتعرفش معنى حق ربي
مادام كاين البترول، لبلاد ماتتصقمش
عندي 6 بيي A/R ل 6 دول منها 5 اوروبية والمغرب
وعندي بيي A/R الجزائر
البيي تع الدزاير اغلى منهم مجموعين و 5 من هذه الدول ابعد من الجزائر
ف ولايتك ماتقدرش تحوس اللهم تسافر حنا يسمحولنا كي رانا عايشين و راهم موفريلنا البطاطا بعشرلاف و الحليب الناس بالمخدة قدام الحوانت يسناو ف شكارة حليب رانااا لابااااس
ربي يقدركم انتم فالخارج ويقدرنا حنا فالداخل مدام كاين مايربطك بهذي لبلاد راح تبقى تعاني الله مستعان
فعلا واقع معاش للأسف
صدقت
عندك الحق 1000% و لكن وين راه الحل … ؟ مع الأسف رانا في حبس و خلاص ربي يجيب الخير .. المهيم وين رانا رايحين بيها الله اعلم
انا كي نركب في الخطوط الجزائرية نحس موتور مركب نتاع تراكتور وكي نركب في نتاع الفرفارة نتخيل قصة عباس بن فرناس 😭
ربي يفرج
فرق شاسع
هههه و بواش يخلصوا مقران طويل النيف
كاين الي هبط الدزاير باباه مريض ب 4000 دولار ذهاب و عودة من ولاية انديانا
وزوج نعرفهم دفعوا 3000 دولار تذكرة ذهاب فقط للجزائر واحد لطارئ وفاة الوالدة من ولاية الينوي و الاخر حاب يهبط قلق .من واشنطن
بغيت نعرف غير عفسة
بغيتهم يخرجو هاك فاص آ فاص فالتلفزة يقولونا علاش التيكي غالي !! ليسونس زاد و لا tva تاع طريق و لا شوالا لي خلاكم ديرو هاك شغل زكارة فينا
فالجزاير باش تطلع من الصحرا ( ادرار تمنراست تندوف) تعيد فالدار و تولي لازم تسلك 100£ و ساعات كتر .. مادارو لخير فلي عايش فيها ماداروه فلي خرج منها..
ياحلليل ولينا نحشمو نقولو l client شحال راه billet 😥
الله يجيب الخير خاطر شركة وحدة يخلو الخاص يخدم هوما لالا حاكمين كلش وكيلهم ربي
والله يجيني client نحشم نقولك السعر
الله غالب، لي يعيطلك يقلك وقتاش تجي تحسب المطار كيما سانتيفي تاع جنان الزيتون، 😂😂 كون جات عندنا اسعار كيما تاع الجيران كل شهر نهبط.
المشكل راه في كل الميادين و عارفين كلش و ساكتين تقدر تقول حنا سباب مشاكلنا للأسف كامل نشكوا بصح ولا واحد يحاول يغير هذا المنكر
كوريا الشمالية تاع لافريك …رضينا بالهم والعم ما رضاش بينا
لالا واش راك تقول كامل صحيح، المشكل كذلك ان الحدود مقفولة تقدر حتى تجي على المغرب وتدخل عبر الحدود البرية
قلتها واعيدها مدام أصحاب الدشرة شادين هاد الشركة مراهيش رايحة تتسقم وزيدلها الأيادي المرتعشة نتاع الحكام مراحش رايح يتغير شئ تسقسي طفل في الابتدائي يقولك يلزم نقسو من اليد العاملة ونديرو تخفيضات في الأسعار لزيادة المداخيل وتفادي القروض من الدولة كل عام شركة تجارية تخدم ضد المنطق تخدم باش تخسر والدولة دعمها بالقروض كل عام
اولا من حق اي واحد يهبط لبلادو ويكند ماشي كلش اسود او ابيض، يقدر الانسان يلقى روحو ومستقبلووفي بلد آخر ويحب يزور بلادو واهلو في كل وقت،المغاربة مثلا فهمو هذا الشي والدليل ثمن التذكرة،يعني الجزائري دايما مقهور
ثانيا: حتى الناس لي ساكنين هنا من حقهم يخرجو يتنفسو ويشوفو العالم بلا مايحسبو الف حساب ويبقاو يلمو بالشهور. في معظم البلدان حتى الطالب الجامعي يخرج يحوس عادي حنا عندنا مساكن التحواس من ولاية لولاية هو اقصى مايستطيعون فعله. من جهة الكناش لي عندنا مايخليناش ندخلو لمعظم دول العالم(هذي صعيبة باش تتبدل) ومن جهة اخرى اسعار التذاكر خيالية. عمري ولا شفت حتى منافسة على الاسعار وعروض مغرية في اي مجال من مجالات الحياة، الجوية الجزائرية مثلا مدايرة المنكر وحتى ولو يدخلولناles comapgnies low cost اكيد الاسعار تبقى عالية مقارنة بالبلدان الاخرى، العلاقة بين المدخول والاسعار في الجزائر غير مدروسة بتاتا
حسبنا الله ونعم الوكيل أختي ماقدرتش تهبط مع ولادها وزوجها غير على جال الغلا تاع البيي
و لي تغيظك ماكانش لي يهدر على المشكل هدا .. كامل ساكتين لا شعب لا نائب لا مسؤول لا وزير لا والو .. وينراهم عايشين كيفاش يخمو منعرف
واحد الاتجاهات راهي فوق 120 ملين 3 سنين خدمة بلا ماكلة ولا لبسة باه تلحق
الله يحرمهم الجنة مثل ما حرمونا والدينا
حسبنا الله ونعم الوكيل 😓😓😓