السلام عليكم،
حبيت نجبد دراهم من حسابي في بريد الجزائر و هوما قالولي مالازمش تفوتي 20 مليون ( توقعت نقدر ندير طلب و نفرغ الكونط مرة وحدة ) . أيا ماعليش قلت نجبدهم على مرتين.
زيادة قالولي لازم تفوتي 24 ساعة باه تقدري تزيدي تجبدي ولا تعملي أي عملية.
سؤالي: صح لازم نستنى 24 ساعة ( مثلا جبدت على 15:00 اليوم ، لازم نستنى 15:00 تاع غدوة )
ولا العملية لازم تفوت نص الليل فقط ، يعني غدوة الصباح نقدر نخرج دراهم ) .
خاطر مزروبة و نحتاجهم قبل 15:00 .
Posted in Tech
وي لازم 24 h
Avec la carte il faut attendre minuit
اجبد دوك بالدارجة 100.000 و مور طناش زيد 100.000
اها مع تفوت 12 صاي
Tjbdi doka w ghodwa ela 7 tae sbah nrml lsl nhar jdid
تدخل دات جديدة على 00.00 تقدري تجبدي عادي
عادي غدوا الصبح تقدري تجبدي واذا صح مزروبة روحي لكاش بريد اخر باه تضمني سير العملية
من فظلكم حابة واحد متأكد ، يخدم في الميدان ولا جربها قبل 😊
Membre anonyme اذا عندك بطاقة ذهبية اجبدي مالموزع الالي 5
و زيدي من ال tpe 5
و من بعد 20 من الشباك
و بالنسبة لسؤالك تقدري تجبدي الصباح ماشي شرط 24 ساعة
تفوت 12 تاع ليل برك متأكد عن تجربة
لا، يجب ان يكون الفارق الزمني 24 ساعة على الاقل.
تفوت 12 تاع ليل برك
تقدر تجوز لكاش واحد عن طريق بريدي موب تجوزلو 20 مليون حد أقصى . ومن بعد يخرجهالك هو عن طريق الشيك باسمو. ونت تزيد تخرج 20 بالشيك
الحد الاقصى للسحب اليومي من الشيك هو 20 مليون النهار
الفرق ما يلزمش بالضروره يكون 24 ساعه فقط يكون في نهار جديد حد علمي
اذا حاب تخرج اكثر في يوم واحد عليك وعلى البنك المركزي في ولايتك
مش متاكد من حكاية انو تقدر تخرج من الموزع للآلي بعد ما تخرج ال20 المسموح بها يوميا ممكن يكون واحد جربها وله علم اكثر مني
انا كان عندي حساب في بنك الخارجي. وعندي مبلغ 160 مليون في بريد الجزائر. درت طلب فرسيتهم كل للبنك ومن بعد رحت جبدتها كلها بشرط تجيب رولوفي كونت
24 ساعة قصدهم تفوت 00:00 يعني يدخل يوم جديد
تقدري تجبدي 20 مليون و تقدري تزيدي تجبدي 5 من الموزع الالي
تقدري تبعثي لاشخاص من عائلتك و تجبدي من كل واحد بالطاقة الذهبية 5 ملاين
او تقدري تروحي للبريد المركزي و تجبدي اكثر من 20 مليون
يعيوو
واحد عندو سفر ولا محتاج 50 مليون لازم تبقى رايح جاي عليهم كل يوم و تدير ف طلب و منعرف وش
نعم بعد 12 تاع ليل
معندكش ذهبية؟ خرجي 5+ حولي 5 لبريديموب وخرجيها بكارطة اخرى+ حولي من الموزع 5 لبريديموب اوخر و خرجيها بالبطاقة
غدوة يفتحو المكاتب تقدري تجبدي
فوق 20 لازم 24 ساعة
اجبد من شحال من مركز بريد….من كل مركز اجبد 20مليون..عادي..درتها من قبل
نهار جديد يكفي
هذي مجربها انا ف الموزع الآلي تاع سحب بدون بطاقة
جبدت على 11 ليلا و عاودت جبدت على 1 ليلا
نورمالمو مام الشاك هكداك
اجبد من الموزع الآلي ثم اجبد بالصك البريدي تفوتلك عادي
بدلي لابوست نورماملو تقدري في نفس يوم .
خرجي بالشاك وبريدي موب و بدون بطاقةوحولي لكونت اخر وانت فريتيها
كاين طريقة ..تبعثيهم طول لحسابك البنكي ..
سقسيهم عليها ..يتهزو بعدها ضربة وحدة
يفوت يوم جديد فقط ماش لازم 24 ساعة بالضبط، عن تجارب عديدة متكررة….
تفوتي نص ليل فقط لما يتغير التاريخ وان شاء الله على 00:01
نص الليل
يفوت نص ليل برك
40 مليون قادر تجبدهم في يوم واحد
تجبد عشرين مليون و ابعث لكاش واحد 20 يزيد يجبدهملك سوربلاص
من المفروض دير طلب مسبق على المبلغ و 24 ساعة من بعد تروح ترفدو ، دوك تسقيف تاع 20 مليون صح داروه بصح الله اعلم اذا في كل الظروف ولا خاطي كي تكون داير طلب مسبق
Ghedwa Men Dék a 8h Tedjebdihom normal