السلام عليكم،
قررنا انا و الزوج منديروش العرس و نديرو فواياج..بغيت نسقسيكم شحال يكلفنا بالتقريب فواياج ل تركيا بالفيزا بالتذكرة و كل المصاريف لمدة عشرة ايام مع العلم أنه ناويين نديروه في اواخر سبتمبر ان شاء الله. وإذا كانت هناك وجهة أخرى مشي غالية نوعا ما انصحوني.
شكرا مسبقا
تعديل:اكيد الوليمة تكون يعني يوم الفاتحة وين يكونو الاقربين من الرجال يعني حاجة صغيرة لكن العرس مكاش.
#1001_help
Posted in Forum
40 مليون
درتها ف 2017 اجمل و احسن قرار درتو في حياتي
40 مليون تروحوا رايحين.
التشهير هو شرط من شروط الزواج، على الاقل ديرو حفلة بين لافامي
يعجبوني لي يخمو هكا
مبروك عليكم زواج
40 w +
40 مليون وهي احسن وجهة للعرسان اخطاك من مصر ودبي سخانة والضغط
بارك الله لكما في هذا الزواج نسأل الله أن تكونوا زوجا صالحا لبعضكما وتكون لكما الذرية الصالحة احسن قرار انك ماديروش عرس وتروحوا تسافروا وتعيشوا اجمل لحظات حياتكم تمنياتي لكما بالسعادة
هيا مليحة ديرو عمرة امبعد تهبطو لتركيا ربي يرزقنا
أجمل تخمام
افضل من ديرو عرس لإرضاء الناس التي لن تسلموا من السنتها اصلا
ننصحك بوكالة Oryxvoyage
تعطيكم des devis مجانية حسب الميزانية لي عندكم .
ربي يكمل بالخير ان شاءالله
احسن قراااار والله 💙💙💙ربي يسخرلكم ويهنيكم
روحو ل Zanzibar 😍 احسن يبالي
سبتمبر ولا اكتوبر ننصحك بمصر برنامج فيه يومين القاهرة في فندق مطل على النيل و3 ايام الاقصر والاصوان وفي الباخرة خمس نجوم و4 ايام ف الغردقة تحربة ماراحش تنسايها
والفيزا الكترونية جواز السفر برك وربي يسخر الاخت والله يهنيكم
وتركيا في سهر سبتمبر تاني مليحة ونتي وش حبيتي 👌👌😊
افضل قرار درتوه ، نتمناو قاع يديرو كيفكم
و أخيرا عشت و شفت عروسة تخمم هكا 😍😍😍 50 مليون تكفي نوغمالمون على حساب أسعار الطائرة داك الوقت كفاه يكونو الله أعلم…بارك الله لكما ✨
أفضل قرار ، حمد لله كاين وحدين يخموا هكا❤️
ماشاء الله احسن قرار ربي يباركلكم إن شاءالله
نفرح كي نشوف كاين ناس تخمم هذا التخمام❤
ربي يهنيكم حبيبتي🥰😍
منقدروش نعرفو شحال تستقاملكم يعني على حساب نتوما كيفاه راكم حابين تعيشوها اذا راكم حابين نعيشوها مليييح لازم فوق 60 او اذا عادي 45 تكفي
ربي يكملكم بالخير
هي مليحة مي تبانلي كل حاجة فبلاصتها
العرس مرة فلحياة يكون عندكم البوم يكبرو ولادهم يشوفوه
والتحواس جاي جاي
احسن قرار ربي يهنيكم
تفكير ناضج جدا مليح كي تكونو متفاهمين فزوج تتخطاو التفاصيل الزيادة هاذيك والشكليات لي ما عندها حتى فايدة ..راه كاين ناس تخمم هك الحمد لله ربي يهينكم ان شاء الله ويبارك لكم فزواجكم ✨
هكا وليدي رايح يدير فكرة مليحة
روحو لكاش جزيرة احسن مالديف و لا زنزيبار 😍
ÃÊk Bõûchi
50 مليون تكفي و توفي بزيادة.
عشرين مليون تذاكر طائرة و الفيزا
عشر ملاين فندق ( اكري فندق يكون قريب للمواصلات مترو،ترامواي،حافلة) ننصحك بمنطقة بايزيد كاين فنادق بزاف
اكرو في فندق مايكونش غالي لانك رايحة نباتي فيه برك ، نخرجو صباح ماترجعوش حتى الليل .
و عشرين مليون تكفيك للتحواس كاين وكالات يديرو رحلات لعدة أماكن في تركيا
مثال هادي لي راهي فالصورة .
روحو مع وكالة سياحية خير اذا كانت مرة لولة تعكم
C le meilleur choix environ 400000Da takfikom
Ahmed Mrzd 😁😁😁😁
احسن قرار هي الناس لتعرف تخمم ربي يهنيكم ❤️
الله ابارك احسن تخمام على الاطلاق ربي اسهل
على حساب التدكرة ادا قعدت ب 85000دج و نوعية الفندق , تقريبا 20 مليون للواحد بالاكل و الفندق و التدكرة و دخول الاماكن السياحية, وننصحك ادا قدرتي ماجاهزيش منا تما تلقاي حوايج بنوعية جيدة و سومة معقولة .
نستعرف بيكم ربي يكمل ان شاء الله
قرار رائع بصحتكم
حوالي 50 مليون كلش مدة 15 يوم
ايواه انا هكدا نحب نتزوج بلا خسائر العرس تبذير برك هدوك دراهم نديروهم فواياج وأخيرا لقيت وحدة تخمم كيفي 😁
ربي يهنيكم ❤️
– تيكي من هواري بومدين … لاسطنبول 8 ملاين (لوكان تشري دك. … كل مايقرب سبتمبر يزيد يطلع) … (saudia … Air algerie)
– لوتال حاجة شابة 600 الف لليلة … ابارتمو 300 الف … (booking… Airbnb)
الماكلة وتحواس 300 الف لليوم (تزيد وتنقص على حساب وين رحت واش كليت)
احسن 👏
خير و خير ان شاء الله يباركلكم في زواجكم
فرحت ❤
ربي يهنيكم أحسن قرار