السلام عليكم
حبيت فقط نحكي تجربتي في زيارة إسطنبول بالاك كاش واحد يستفاد.
اولا الرحلة كانت في شهر مارس. طلب الفيزا سهل الموعد يؤخذ عادي بالهاتف يوم من قبل يعني لازم تجهز ملفك و تعيطلهم يوم من قبل الموعد الي حاب تدفع فيه بالنسبة للتكاليف 27000 دينار للشخص الواحد الأطفال غير معنيين بالفيزا.
ثانيا تذاكر الطائرة كلفتنا بالتقريب 5 ملاين للشخص الواحد.
الفندق كان في منطقة الفاتح مطل على الجامع شامل فطور الصباح (ماشي حاجة فور) ب 45 اورو لليلة غرفة رباعية.
التنقل كان بالحافلة او الطرامواي (النقل عندهم منظم جدا و متوفر).
بالنسبة للاماكن السياحية الشي الي لاحظتو مقارنة مع اخر زيارة ليا في 2015 انه اسعار الدخول ولات تختلف بين المقيم و السائح و بنظري غالية بزاف مثلا قصر توبكابي للمقيم الدخول ب 150 ليرة في حين السائح 650 ليرة فرق كبير جدا و هذا في كامل الاماكن السياحية.
للأسف الطقس ماساعدناش بزاف لأنه اغلب الأيام كانت ممطرة.
برأي الناس الي تسأل اذا وحدك او مع وكالة افضل نقولهم وحدك خير و ماتتبحرش و تحوس خير من ما تروح مع وكالة و بتكلفة أقل.
فيما يخص الشوبينڨ مادرناش لانه الاسعار غالية و تقريبا نفسها هنا ف دزاير.
التكلفة الاجمالية للرحلة شخصين و 3 أطفال 70 مليون.
عندهم مارشي بالاربعاء و الثاني بالجمعة بزاف رخيسة الحالة ماشي كيما قبل الكوفيد بصح صح رخيسة مقارنة بالجزائر الدوبل ولا التريپل
انا تان رحت في مارس ولكن الجو كان عادي مرات ممطر بصح سبحان الله المطر نتاعهم حنينة ما تشمخش كامل … وصح كي تروح وحدك رخيس مقارنة مع الوكالات
عندهم نهار ولا زوج يفتح كيما كان عندنا بكري سوق الفلاح بصح فيه كلش وكلش رخيس من غير هكا غالي على هنا الأسعار 😂
علابالك خممت نروح وحدي مزية خرجلي ستاتي هادي
أنا نحيت متاحف من برنامج، بهاذ السعر فضلت و دخلت اكواريوم خير و خير ، و كي تقارن سعر طلع بسبب سقوط ليرة، ضرك 100 اورو راهي تجيبلك 2230 ليرة بتقريب، تسما راح يطلعو أسعار ، بصح تبقى من أفضل وجهات، صح الجو جد متقلب انا في ماي و حكمت عليا نو، و ديما مغيمة و باردة، بصح جميلة في جميع الفصول
زرت اسطنبول مرتين و انطاليا و فتحية و بودروم مرة واحدة بالنسبة لاسطنبول ما نلقاش راحتي فيها لم تعجبني كثيرا كشغل ما بدلتش بلاد (خاوتك يمشوا و يطيحو فالطريق ، يتبلاو فالناس و العنصرية طاغية)
الأسعار غلات بزااااااف من قبل كوفيد ل دوك خاصة الاكل و الملابس و المزارات السياحية