السلام عليكم حبيت نشارك معاكم تفاصيل رحلتي الى لندن مدينة الضباب نبدا بالفيزا:

السلام عليكم
حبيت نشارك معاكم تفاصيل رحلتي الى لندن مدينة الضباب 🇬🇧
🔷️نبدا بالفيزا: تستقام تقريبا 19000da تاع 6 أشهر في Tls
🔷️تذكرة الطيران: رحت مرتين معا British airways فالحقيقة المرتين لي روحت فيهم دارو بزاف الروطار و كاين لي مالحقوش لي فاليز ديالهم، سعر التذكرة الأخيرة 64000da شريتو 15 يوم قبل الرحلة علابيها كان شويا غالي
مدة الرحلة 3h
🔷️اللغة: كيما يقولو مايدوم غير الصح و انا نقولكم ماتدوم غير الانجليزية و العربية،الانجليزية خاوتي تسحقوها بزاف فالعالم كامل ماشي غبر انجلترا
🔷️في المطار: لاباف يسقسوكم شحال و وين راح تقعدو ادا تخدمو ولا لالا جاوبو كيما فالformulaire de visa
فالحالة ديالي قتلهم بلي انا طالبة نقرأ فالجامعة و جيت في نهاية السنة الماضية و نقعد عند العائلة و يسقسوكم اسم المكان تان، المهم
🔷️بالنسبة للمبيت عندي عائلتي لتما يسما ماكنتش في
فندق
🔷️العملة ديالهم الباوند: £250da=1 باوند (£) بدلوه هنا
فالجزائر خير، لتما تخسرو فيها
🔷️من المطار للوجهة ديالكم كاين underground لداخل وكاين ال bus كي تخرجو
🔷️المواصلات: عندهم في كل وقت و دقيقه bus,underground
اشرب بطاقة oyster card دير 6 باوند و كل خطرا عمروها
سعر bus أرخص 1.65 باوند و underground من 3 حتى 5 باوند على حساب عدد المحطات لي جزتو عليهم و بالنسبة للتاكسي غالي بزاف و كاين uber
🔷️الاكل: كاين حلال في كل بلاصا اتأكدو برك من قبل ما تكومونديو لانو صرالي موقف لي فريت و ماشي حلال مزيا كونفيرميت 😆
مشهورين بال fish and chips يدير£ 12,5
🔷️بالنسبة لشريحة الانترنت: كاين بزاف عروض شريت تاع 15Go دير 15£، هوما لتم وين تروحو تلقاو الانترنت،
ماتحتاجوش بزاف Go
🔷️الأماكن للزيارة:
– ◾️اليوم الأول روحت ل big ben , London eye قراب لبعضاهم اونفاس برك مالتم مشيت ل British museum المتحف باطل كاين لاشان فالدخلة مي ماطولش
-◾️history museum & the museum of science بيناتهم 2 خطوات تقدروديروهم في نص نهار لازم booking ف السيت ديالهم قبل ماتروحو كي تدخلو يسكانيو code QR
-◾️قصر الملك Backigham palace على الساعة 10:30 / 11h يتبادلو الحراس الناس لتم تروح تشوف العرض هداك قدامو كاين حديقة تقعدو فيها شوية
-مالتم رحت لoxford street, leister Square،China Town كايين تقدرو تقولو طريق طويلة فيها المحلات تاع الحوايج،الماركات،الماكلة…..
-◾️المركز التجاري westfield هوا لكبير فلندن فيه كلش من primark ل tesla
-◾️Tower Bridge
– ◾️كاين sky garden كيشغول حديقة فالسطح جايا فالطابق36 تشوفو كامل لندن منها، باطل بصح لازم booking عندهم ديروه نهار تشرو البيي باسك دايمن كومبلي، ادا حابين تعيشو هاد التجربة و هيا قريبة ل tower bridge درتهم ف نهار واحد
-◾️كاين تانيcamden Town من أشهر الأسواق الشعبية فيه الماكلة و حوايج تاع الروك
-◾️و تيليفيريك وسمو up to the O2 جاي ف Greenwich ب 5£ vu شابا كي تطلعو فيه
هاد الأماكن لي معروفين في لندن
-plateforme 3/4 تاع هاري بوتر
جايا ف king’s Cross Station
🔷️ بالنسبة لواش جيبو شوكولا و ليكادو للعائلة اكو تعرفو ولا ليكم كاين ماركت وسمو pounland يبيع رخيس تقريبا كلش ب 1£ ابروفتيو فيه 😂
🔷️كاين security و الشعب مرحب ناس ملاح انا كنت نخرج وحدي ادا تلفتلي بالmaps نسقسيهم يوجهوني
8 ايام من نقل و اكل و مشتريات تستقام حوالي400 باوند

ان شاءالله كامل تزوروها

ادا عندكم أسئلة تفضلوا نجاوبكم و شكرا