السلام عليكم ،
لبارح فتحت حساب بالدينار والأورو في بنك البدر BADR، وعندي عدة أسئلة لي تعامل معاهم ماذابيه يجاوبنا.
أولا البطاقة: حبيت نطلب بطاقة وحاب نعرف العمولة لكل شراء شحال، وإذا تفعيل PayPal يكون جزئي ولا كلي، وإذا تقدر تسحب أموال في الخارج بيها.
ثانيا: إذا كنت تخدم مثلا فريلانس وتحب تخرج دراهم، إذا تخرجهم أورو 100% ولا صيغة أخرى.
حبيت نعرف الجواب تاع هاذ الأسئلة ولا أي معلومة إضافية.
Posted in Tech
اقتطاعات بزاف
في ما يخص تفعيل بايبال مانظنش صرات لصاحبي وما قبلهاش
Abdellah Abdelkafi درتهم ااا🤣
مفروض تسقسي قبل ما تفتح…
بايبال ما يتفعلش 100%
كي يدخلوك دراهم يطلبو إثبات الدخل يعني فريلانسر أخطيك….
و تقدر تجبدهم ورق من داخل بالعملة المرسلة
أما الشراء ينحو 1% على كل عملية دفع
تقدر تتصل بلبنك او تسقسيهم
بطاقات تاعهم خردة
تقدر تسحب دراهمك بلاورو
يقدرو يبعثولك دراهم عادي لكن كي يكون مبلغ كبير يطلبولك اثبات
ياخويا انا نقلك حاجة راني من 2009 وانا مع البنوك الالكترونية
مدامك فريلانسر شوف بايونير هو البنك الوحيد لي ثابت منذ سنين
واحسن اختيار راك اخترتو ( حماري ولا عود ناس )
بنوك العالم كامل يطلبو اثباتات دفع وكامل يدو عمولات يبقى المشكل في بايبال اذا تتعامل بيه ياسر
هاهم ناس كانو يضلو ينفخو في بايسيرا وبلا بلا بلا وراك تشوف وش صرالو
و وايز لي راهم ينفخو فيه شوف الماضي نتاعو قبل تغيير الاسم تفهم
..
معلومة لي عندي PayPal مراحش يتفعل كامل بيهم لا استقبال ولا إرسال
لا اعتقد ان عندهم بطاقة اصلا اخر مرة سقسيت قلك مكاش حتي وكنت نشوف في البوستر يقلك غندنا بطاقة مكاش عندي اهتمام كبير بها لانني علبالي لا تفي باي غرض ان وجدت
بالنسبة للسحب تسحب اورو 100% عندي سنوات معاهم بدون مشاكل فقط مرة واحدة وتحل من الفوق منين تكلهم بالهاتف وتشرحلهم المشكل يعطولهم من العاصمة يريقلو رواحهم فقط لازم تصر علي السحب اورو فقط واكيد اذا كان مبلغ كبير تجيب اثبات ولي هو بسيط عبارة عن فاتورة
فريلانسر استعمل بنك بدر بش تسجل في بايونيير