السلام عليكم
أنا اليوم (الجمعة) نضت صباح درت هاديك تاع إعادة التعبئة المؤقتة ف ADSL أيا كي شعلت المودام (عندي مدة تقريبا شهر مخدمتش بيه) مكانش كونيكسيون + كي ندخل نحوس عليه فالتيليفون مالقيتش الاسم تاع الويفي أيا لقيت وحد الويفي DJAWEB كي دورت المودام لقيت بلي هو نفسه لي مكتوب فالمدام يعني تبدل الاسم و ولا كيما كان أول مرة شريت المودام ز حتى كلمة السر هاذيك تبدلت و لقيت بلي ولات هاذيك Key لي تكون ورا المودام أول مرة تشريه يعني كأنو المودام ولا لحالتو الأولى
المشكل أني رغم أني فعلت خاصية التعبئة المؤقتة لكن مكانش كونكسيون و حتى كي سييت نعاودها قالولي (لا يمكنك لقد استفدت من العرض مسبقا)
كاش واحد عندو الحل خاوتي؟ و بارك الله فيكم
Posted in Tech