السلام عليكم
انا غير كيما عرست وحاب نروح نفوت نهارات فى جيجل واشمن شهر تنصحونى نروح فيه جويلية اوت سبتمبر للعلم معنديش سيارة وميزانية قليلة ونصحونى وين نكرى الشقة الى تكون قريبة لكل شئ
ومن فضلكم قولولى على المناطق الجميلة والسياحية الى نزورها من بارك ومن حديقة ووووو. ……… وشكرا
روح مع اليامات تع الباك مايكونش الغاشي بزاف ولا سبتمبر مام الاسعار يكونو نقصو شوية
Septembre
جويلية واوت في جيجل مش افار خلاص بالنسبة لعريس جديد خاصة مع الغاشي وحتى ارتفاع الاسعار
أفضل وقت بالنسبة ليك في سبتمبر تلقا راحتك حتى من جانب اسعار الكراء تنقص
روحي سبتمبر تكون لقراية مكاش لولاد وتنقص الاسعار والسركالة
جيجل كاملة ومعاها بجاية تقدر تدورهم كامل في نهار
سبتمبر
مادامك بدون سيارة راك رايح تتعب في جويلية و أوث لأن النقل ما يكفيش كل الغاشي و اصلا شهر العرسان هو سبتمبر أما عن المناطق السياحية و القريبة ما تتقلقش مازال الوقت مبكر كي تكون جاي تلقى كل الأجوبة
هادو ليامات مليحة مكانش لغاشي
ماي جوان الجو مناسب تقدر تحوس مرتاح مكانش الناس و الاسعار تكون منخفضة شويا بنسبة لشهور لخرين تكون درجة الحرارة عالية و الاسعار مرتفعة وراح تتعب فتنقل النقل عيان و ماهوش كافي
سبتمبر اذا كنت نتا و مرتك برك
ناس تكون روحت من تصياف و رجعو يخدمو ز يقراو
الكرا ينقص شويا و تلقى كلش متوفر بأقل أسعار و مكانش لي يديرونجيك
في سبتمبر و ننصحك بزيامة منصورية أو أفتيس
منصحكش بجيجل اصلا
معندنا لا مرافق لا حسن معاملة لا والو… بحر و خلاص.
جويلية و اوت تلقى اسعار الشقق زايدين و السركالة الغاشي ارواح هذو ليمات قبل عطلة التلاميذ و لا في سبتمبر و مدام ماعندكش سيارة أفضل مكان هو وسط المدينة
Septembre
هاك برنامج تاع اسبوع في جيجل لكن يلزملك سيارة باه تكون مرتاح او عليك و على يسير اذا كانت هذه الخدمة متوفرة في جيجل اما فيما يخص النقل ان شاء الله الإخوة من جيجل يفيدوك :
اليوم الاول : تلحق لجيجل مع الصباح حوالي الساعة 10h اضريها بعومه في لابلاج روج (نحكيلك كي تدخلها من بجاية) بعدها تفطر في كاش مطعم تم تروح للدار دير قيلولة (يا حبذا لو يكون في نواحي اندرو – روشي نوار – اولاد بونار و من الاحسن لو تكون متفاهم مع السيد من قبل) في المساء عندك عشاء برا و جولة في كتامة
اليوم الثاني : الصباح تروح تقضي (سواء كنت مع الزوجة او مع الأصدقاء) بعدها تفطر في المنزل و تهبط لشاطىء اوندرو أو تروح لجزيرة العوانة (بالقارب) جوز نهارك حتى للمساء تدخل للدار تتعشى و تخرج جولة لبومارشي في الليل مليحة القعدة فيها
اليوم الثالث : تنوض صباح وجد واش توجد فطور وجد مثلا سلاطة – قطع الفريت – جيب اللحم سكالوب كبدة فواكه و ما يشبه تحكم طريق الجبل و الغابة منها تحوس طريق شابة بزاف و راح تلقى اماكن وين تقعد دير شواية و افطر تم (حتى و تكون مع الزوجة ما تخافش) و دير قيلولة في الغابة حتى العصر تكون جبت معاك شويا حلويات و ما يشبه استكرم و اهبط جيبها في حديقة الحيوانات في اندرو حتى الليل ادخل تتعشى و ارقد
اليوم الرابع : نوض بكري و احكم طريق بني بلعيد (تلقاها مكتوبة خيري ولاد العجول) توصل للشاطىء الرئيسي تلقى فلايك يدوك حتى الشواطىء المعزوله (الرميلة – الساحل – العطاف 1_2 – اورار – بني فرڨان) جوز نهارك بلاصة شابة بزاف و خلويه خاصة إذا لقيتها فارغة طبعا تكون شريت مستلزمات تاعك من اكل و شرب كي توصل العشية عاود احكم طريقك للمنزل راح تكون تعبان من الاحسن تتعشى برا عفايس خفاف
اليوم الخامس : ما ديرش فيه عفايس بزاف لانه راح تكون تعبان شويا نوض بعقلك و شوف كيفاه تتجول في الكورنيش و خلاص و وين تلقى بلاصة شابة دير فيها تصاور و هي فرات و حتى الشوادا راح تلقاهم على الطريق (راك عطلة باه ترتاح ماش باه تتعب) و في الليل روح جيهة كتامة او بومارشي شويا مثلجات و شويا مكسرات و ادخل للمنزل
اليوم السادس : روح للكهوف العجيبة (إن شاء الله تلقاهم مفتوحين) و منها ادخل للواد حوس بلاصة مليحة و راك تبرد في عظيماتك (اذا كنت مع الأصدقاء اتوغل في الواد قد ما تقدر راح تلقى بلايص ملاح باه تعوم) في الليل شوف مكان مقابل البحر و راك قاعد
اليوم السابع : دير جولة في جبال جيجل حتى توصل لايراڨن مكان جد جد رائع ( الخلوي ) الفطور تحب تشري و تديه معاك او تحب دير شواية تم جيبها حتى المساء و اخرج منها قبل ما طيح الظلمة لان الطريق شويا صعيبة في الليل
اليوم الثامن : ترفد باڨاجك و ترجع لدارك الى اشعار آخر طبعا ما تخليش الدار موسخة حاول انك تنظفها
نذكر بعض النقاط :
فيما يخص الشواطئ ماش لازم لي ذكرتهملك كاين بزاف ابداها من لابلاج روج ، مارسيدي ، الولجه ، لي زافتيس ، الشالات ، روشي نوار ، لاكريك ، ڨرونفار …الخ و حتى الجبال ما عندك ما تقول جيبها من جبال اولاد علي في زيامة حتى الڨروش و زيد تتخلوى فيهم … فيما يخص الكراء يتراوح ما بين 2300 دج إلى 6000 دج لليلة الواحدة تختلف الأسعار حسب نوع السكن و المناطق و حسب الوقت لي تكري فيه …. اذا كنت مع العائلة من الأفضل انك تتفاهم مع مول الدار من قبل او انك تزورها لتفقدها قبل أن تأتي باش ما تحشالكش … فيما يخص الاكل و ما يشبه ما تشريش من المحلات تاع البحر ادخل لافيل و اشري حتى المطاعم راح تلقى الاسعار في المتناول و اذا كان فيكم لي يعرف يطيب مليحة في بعض الأحيان تقضيو و طيبو في الدار … فيما يخص التعامل كيما كامل البلاد كاين المليح و كاين الدوني (انا شخصيا لم يحدث لي اي مشكل) اعرف كيفاه تحكي معاهم و تجاوز عن البعض …. من الأفضل انك تزورها مع نهاية ماي بداية جوان أو في شهر سبتمبر يكون ناقص الغاشي و تنقص السركالة و حتى الاسعار تنخفض شويا مقارنة مع شهر جويلية، اوت أو نهاية جوان.
Rwah f Septembre yen9as el ghachi
جوان أو سبتمبر
سبتمبر
ننصحك بالقل في سكيكدة بلاصة مليحة ونقية ومحترمة وافضل من جيجل من ناحية الاسعار
village moussa
سبتمبر
Septembre ou juin
روحو لتلمسان بلاد الحضارة