السلام عليكم ,تفاصيل جزء من الهملة اللي بارتاجيتها معاكم لبارح اليوم الأول :

السلام عليكم ,تفاصيل جزء من الهملة اللي بارتاجيتها معاكم لبارح

اليوم الأول :

الوصول إلى العاصمة كاتموندو. رحنا ل hotel حطينا صوالح، ريحنا، خرجنا درنا شوية

اليوم الثاني :
درنا رخص التريكينڤ (arround annapurnas trek) و ( Nar-Phu Valley ) زرنا المدينة، الحي الشعبي Thamel و المعابد….. الخ ,نهار تع découverte.

اليوم الثالث :
على الستة تع الصباح حكمنا 🚍 من كاتموندو حتى ل beshisahar طبنا فالطريق 12 ساعة من بعد الطريڤ متنجمش حتى تسميها la piste لازم 4×4،نيڤوصينا مع واحد طلعنا، درنا 4 ساعات، المهم وصلنا ل Darapani مكرفصين، لقينا ghest house حطينا صوالحنا و ريحنا بدأت النو تصب 💦

اليوم الرابع :
من هنا مكاش طريڤ، ڤاع الباقي مشي 🚶

Darapani 1860m > koto 2600m

نضنا بكري لان الحال يكون مليح فالصباح و بعد الظهر تتغيم و طيح النو

اليوم الخامس :

Koto 2600m > kyang 3100m

اليوم السادس :

Kyang 3100m > Meta 3560m

هنا بدات توعار، الثقل تع الصاك 19كغ و زيد مع الارتفاع الأكسجين ينقص بدينا نحسو بصعوبة في المشي و فالليل مرڤدناش مليح (اعراض عادية بيلاما الجسم يتأقلم مع الارتفاع) و زيد البرد، كي تكون تتمشا عادي بصح غي توصل و تريح تجمد بالبرد

اليوم السابع :

Meta 3560m > phu 4100

وصلنا لواحد القرية معزولة عن كلش، عايشين في عالم أخر (راني بارطاجيت فالڤروپ الصور) ضربنا فيها Dal bhat🥘 طبق تقليدي تماك و خبطناها برڤدة

اليوم الثامن :

الصباح كي نضنا درنا شوية في هذيك القرية درنا شوية صور و حكمنا الطريق

Phu 4100m > kyang 3100

بتنا تما باش غدوة نطلعو للجهة الاخرى تع هذه la vallée

اليوم التاسع :

Kyang 3100m > nar 4100m

فالطريق فتنا على واحد monastère مدينا زيارة 😂

اليوم العاشر :
نورمالمو نطلعو kangla pass 5300m بصح الأحوال الجوية ما ساعدتناش، اللي تما ڤالولنا بلي عندها اسبوع و هوما اللي يطلع يرجع. و هنا مشكل لانه لازم نفوتو هذه القمة باش نزيدو نكملو l’étape الجاية تع trek مكانش طريڤ وحدخرا ،تسما لازم نعاودو نرجعو للبداية 😥koto و من تما ندو jeep توصلنا حتى للمرحلة اللي كانت مور الجبل اللي منجمناش نفوتوه باش نزيدو نكملو trek تاعنا.
ديسيدينا نديروها في نهار واحد، تمشينا حوالي 35كم حكمتنا النو فالطريق، تمرميدة كحلة

اليوم الحادي عشر:

Koto 🛻🛻🛻 manang 3519m
اليوم الثاني عشر:

Manang 3519> Yak Kharka 4000m
اليوم الثالث عشر:

Yak Kharka 4000m> Tilicho lake 4919m > Yak Kharka

أعلى بحيرة فالعالم، كانت جامدة كلشي ابيض

اليوم الرابع عشر :

Yak Kharka 4000m > Thorong Phedi 4500m

المشكل تع التنفس ما ولاش عندنا والفنا الارتفاعات و الجسم تأقلم بصح مع البرد ما بغاش يتأقلم 😂

اليوم الخامس عشر:

Thorong Phedi 4500m >Thorong la pass 5400m > Muktinath 3664m
و كانت هذه أصعب مرحلة منطقيا لأنها الأعلى و لأنها طويلة اليوم
السادس عشر :
Muktinath > pokhara

10ساعات تع 🚍 في la piste ڤلبك يخرج ڤعدنا عدة أيام في pokhara للاستجمام و الراحة من بعد رحنا ل chitwan درنا صافاري فالأدغال 🐘🦏🐆 تجربة روعة للناس اللي تبغي السفر هاكا و راني متحمس وينتا نعاود رحلة كيما هاذي 😍
#مغامرات
#هملة
#معلومات