السلام عليكم جماعة
🔴 انا و صحابي (3 عباد) حبينا نروحوا 5 ايامات ل سكيكدة
🔴 اسكو نلقا شكون يكريلنا استوديو اللولاد فقط … ؟
🔴 اسكو راح نلقا ترونسبور للشواطئ المعزولة … ؟
🔴و اذا مالقيتش استديو قداه الأسعار تاع المراقد …؟ و شكرا مسبقا 💖
#1001_help
#1001tourisme
#1001_سياحة
Posted in Forum
……
..
وين حاب فسكيكدة باش نعرف نجاوبك كل بلاصة و كيفاش
اشرو طونت و ادو معاكم صوالح ارقدو فالبحر
جوزو يمات جامي راح تنساوهم احسن بكثير من كراء المنازل
ارواح بريفي
المراقد معمرة
كراء ستوديو الاحسن مدينة القل 400الف لليلة طريق الميناء وطلع جيهت البطيمات ناس مشاء الله يكرولك ويعسو عليك
الشواطئ المعزولة كاين واد بيبي تركب من القل لتمالوس و من تمالوس تشد فورڤون تقربك لبحر بصح تزيد تمشي حوالي 30 دقيقة
السفينة المحطمة ڤرباز طريقو اسوئ طريق تروح من سكيكدة لافيل يدوك وحد 2500 وكي تكون قريب توصل تلقا هيليكس يهبط للبحر السعر الله اعم
شاطئ لقبيبة ماشي بعيد على منازل القل حوالي 20 دقيقة وطريقو ساهلة
غابة تيزغبان طريق حواليً45 دقيقة
شاطئ وشلال قنواع حوالي 40 دقيقة و كي توصل كاين هيليكس يهبطو ب 6000
وكاين شواطئ القل ثاني الله يبارك
وبنسبة للكراء ننصحك بالقل امام مسجد الخلفاء كاين من ميزانية 2000 وطلع .
سكيكدة الله يبارك جنة وكل شيئ مليح فيها عندها مشكل الطريق
خويا انت وصحابك لي رايح معاهم مول دار يشوف لعبد يميز اذا هاذو تع مشاكل ولا لالا
اذا يشوف عباد نظاف وخاطيه مشاكل يكريلك نورمال والعكس
النقل خويا روح لفيلاج لي قريب لشواطئ معزولة واكري بابور ورايحة وبصحتكم مسبقا
مادامكم اولاد الدراهم لي راح تخسروهم فالكراء اشريو لي طونط على قدكم و باتوا فالپلاج سكيكدة آمنة 🤷 أما الطرونسبور راك قلتها شواطيء معزولة لازم تكري بش توصللها
Ida konto bien roho l el marsa ykriwlkom w prix mlih w les plages isolé haway w cup de fer tokhrej mdar telga floka tdikom b prix mlih
Lkan jayine bela tonobil ma 3andha hata ma3na pske transport makanch
بلا طوموبيل ماتقدرش ديبلاصي
تصرفهم كامل فالطرونسبور
الشواطئ المعزولة لازملك سيارة ضديقي اما بالنسبة للمراقد كاين بيت الشباب 500دج لليلة
لعام لي فات رحنا في 12 كرينا فيلا ف كركرة ب 7 ورق ( بصح هاد العام زادلها ولات مليون ) و كنا بلا طونوبيلات.. هبطنا للقل باش نروحو ل تمنارت لتم عرفنا واحد السيد عندو كواستر دانا ل تمنارت امبعد ولا هو شوفور تاعنا كي نسحقوه يدينا وين نحبو.. سينون شواطىء سكيكدة المعزولة كامل تقريبا بالفلايك خو تسما مام تلقى طرونسبور دير ف بالك راح تزيد تركب فلوكة.. مثلا تروح ل بن زويت الشاطئ الرئيسي تحكم فلوكة يدوك وين تحب كاين كتر م خمس شواطئ معزولة لتم اجملهم ڤرابلو وكل بلاصة و سومتها
Ammar La فيدنا خويا انت تعرف البلاصة مليح
: )
يا صاحبي نتوما ولاد برك ادي معاك طونت و صوالح الي تعيش بيهم فالبحر والله ماراح تندم متحتاجش طونوبيل كاين الشاطئ الكبير (grand plage) ملييح بزااف من حيث كل حاجة (الأمن) اهم حاجة
Achriw les tetnts khir w khir w bato 3la chet lbher wela f wast lghaba
ارقدوا فالشط .. اشروا لاطونت وارقدوا … نصيحة مني .. بالصحة والهناء وماتندموش عليها
Mouloud Boulahlib Yasser Khelassi
الشواطئ المعزولة من الافضل تباتو في الخيم افضل تروح و تولي وقت يروحلك فطريق
المرقد تاع مدينة القل راه مقابل البحر بالضبط لكن الحجوزات راهي كامل حتى يوم 20 اوت وبالنسبة للكراء تما يوجد انا ريحت 10 ايام كرينا عادي هادي الصورة من المنزل للي كرينا فيه 🌷 وعندك الشواطئ المعزولة كاين بزاف كل يوم في شاطئ مش راح تكره 👌
Y’a pas de transport mn ismha bayn plage isolée , sauf si troho les plages mn stora tetfahmo m3a wahd ywasslkm par bateau w yarj3 likm.
مكانش للاماكن الامعزولة
الكراء كاين مي النقل مكاش لازمك سيارة باش تتنقل للشواطئ المعزولة
ارقد فالشط مليحة
بدون سيارة مكالاه تجي اخي والله رايح تتعذب وتتمرمد ايماجيني اطول شريط ساحلي في الجزائر يعني باه اتروح من شاطئ إلى آخر لازمك بزاف اتمرميد 💔💔💔💔ولكن ولاية شابة ♥️🇩🇿
!
نصيحة من عندي ، أخطيك من سكيكدة ، حاجة ما تصلح فيها غير الشواطئ المعزولة تعها و فقط ، لا إستقبال جيد ، لا مرافق جيدة لا معاملة حسنة
تلقي الأستوديو
الشواطئ كاين لي فيهم النقل ( مي ماشي ديركت معناه فيها تغير الحافلة او السيارة )
عندنا زيارة سكيكدة هذا الاسبوع ان شاء الله تكون اجمل مما اتصور
روحو لبيت الشباب
هذه دكتورة نفسية لمن يحتاج لمساعدة قامت بمبادرة فتحت هذه الصفحة على الانستغرام لتقديم علاج نفساني أون لاين؛ تابعت معها بجلسات اون لاين
https://instagram.com/psychologue_en_psy_clinique?utm_medium=copy_link
Youcef Cheriet اقرى كمونتار ماقبل تالي