السلام عليكم حابة نسقسيكم عندي كونت انستغرام صفحة تاع خدمة بنفس الاسم فاتحة صفحتي فالفايسبوك ….
تالمون راني جديدة فالانستا قلت نشري ليزابوني يبان شويا طالع و نخدم عليه نحط خدمتي و يا ليتني مادرتهاش و مزيا ربي رحمني ماشريتش لصفحتي تاع الفايسبوك…
رحت شريت 5000 ابوني يا خاوتي هادوك العيباد مافهمتش منين جابهملي السيد تاع التمويل 😞🤢 ملتم ما دخلت لصفحتي و كل يوم نحي بالشويا و ما لحقتش و كل ما نسوبريمي يعاودو يولو كي تواصلت مع السيد قتلو حبس ما تزيدلي و نحيهم قالي ماشي انا شغل اوتوماتيكيا كل ما ينقصو يزيدو 💔 قالي و باش يحبسو رجعيه كونت بريفي 🥴
كفاش ندير😞 و مرانيش حابة نديزاكتيفي لكونت فاتحاتو بايميل الخدمة و اسم الصفحة تاع الفايس ….يعني كون نحيه و نفتح وحدوخر اكيد ما يقبلوليش نفس الاسم وانا ما حبيتش نغيرو ……طولت عليكم كاش حل اخر ؟ لي يعرف ينورني رجاءا
خليهم
بدلي إسم الحساب بأي إسم مغاير باش مبعد اسم الصفحة يولي متاح كي تحلي حساب جديد و نحي إيمايل تاع الخدمة منو و افتحي حساب جديد بنفس الايمايل و الإسم
رشقلك متابعين من الهند و بنغلادش 😂😂
الحل: روحي ديري الغاء تنشيط الحساب واصبري يومين ولا ثلاثة يحبسو هذا مكان
اول مرة نسمع حكاية بيع وشراء
علاش شريتي كون درتي سبونسور و تهنيتي هذو لي شراهملك م الهند و دول ٱسيا عليها يزيدو بلا ما يحبسو كامل!!
اكبر غلطة انك تشري متابعين ، حلها ديزاكتيفي الكونت وحلي واحد جديد مكاش حل اخر
قبيل شفت واحد يبيع في كونت اينسطاغرام 48k ب 300 الف
أول مرة نسمع أن المتابعين ينشراو.أستغفر الله العظيم
دارلك متابعين وهميين كليوم يطيرو ويزيدك أشري صفحة فيس أحسن مكاش كيفاه يزيد فيها
مهومش متابيعين حقيقين هوما روبوتات فقط من نيتك تشري اشتراك تاع انسان حقيقي بدون موافقتو
بدلي الاسم تاعو و اسم المستخدم لي يبدى بـ @ و اغلقيه, باه مبعدا تفتحي واحد بالاسم لي راكي باغياتو…
و تحبي هذا رجعيه كونت بريفي و ابداي تصفي فيهم بشويا
ادا كانو بزاف الي زابوني قبل ماتشري ديزاكتيفيه مؤقتا وادا ماكانش فيه بزاف فتحي باجة جديدة و باه طلع ليزابوني لازم تنشر بزاف تبارطاجي بزاف ودير سبونسور