السلام عليكم ….
حاليا تم ربط الحي لي نسكن فيه بالفيبر أوبتيك و راهم دايريين بروموسيون مودام ب 200 الف بصح خويا عندوا الفيبر في داروا مهبلاتوا بالتقطعات و أنا عندي لين قديمة adsl جامي نواتني خفيفة و ماتتقطعش و بينغ هابط ….ضوك حرت بين نحدث للفيبر أوبتيك ول نبقى في نفس الخط مالغري مخلص غير تع 10 m و الفيبر 20 m بنفس السعر تقريبا و بدون رسوم الهاتف
رايوا عليا و اعطولي تجربتكم مع الفيبر أوبتيك مع العلم نستعملها باش نلعب pubg ….شكرا مسبقاا
#1001help #1001_help
Posted in Tech
لالين القديمة يامات او يڨلعوها معناتها غير بروفيتي ركب الفيبر خير من تروحلك البرومسيون
.
حسب بعض اصدقاء لي شهر لول كونكسيو شابه . ومبعد تولي تعييك.
انا تان كيفك باغي نبدل وكي قالولي اخطيك بطلت
Amine Meickel
ديرها و ابروفيتي مالبرومو السرعة ننصحك دير 15 ميغا ب 2000 دج ولا 50 ميغا ب 3000 دج هاذو هما لي يبانو دي زوفر شابين
و زيد حنا كي دارو فيبر 2 سمانات نحاو قاع ADSL
المشكل الوحيد هو الموديم تع فيبر الويفي تاعو كارثة
فهذه الحالة المشكل فالمودام الخردة بتمدهولك ALG TELECOM يعني ابروفيتي لوكازيون ومضيعهاش