السلام عليكم ..
حبيت نحكي اليوم على واش راهو صاري في ولاية تيبازة و القرارات العشوائية لي راهي دور ، يعني فصل الصيف لي ناس كامل تحوس فيه وترتاح من تعب العام كامل من العمل يخرجلك مسؤول بقرار عشوائي بمنع التجوال و التخيم فالغابات بسبب النيران ، يعني بدون دراسة هكذا نفحتلك ايا امنعهم !!! مخممتش ناس هاذي وين تروح !!
من حقك تخاف على الثروة الغابية لي حتى حنا نخافو عليها ولكن ماشي بالمنع ، ماهو دور اعوان الغابات !! يجو على 10 ويخرج على 11 هاذي هي خدمتهم ، مخممتش انو توفر في كل فضاء اعوان الغابات للمراقبة ؟ تخدم شوايات صغار فالغابة كيما دايرينها في تركيا و غيرها من البلدان المتطورة !!
بزاف ناس ملحقتش على الفنادق رجعو كامل لثقافة الكامبينڨ و الحمد الله طورت السياحة في بلادنا بشكل كبير نحو الأحسن طبعا ، يجي مسؤول بقرار عشوائي يكسر كامل واش بناو لي قبلو بتشجيعهم على السياحة الداخلية ، هكذا راك تقلهم روحو لتونس ، عيب والله غير عيب دولة بمساحة قارة سكانها يروحو سياحة لي بلد بحجم ولاية مع احترامنا لتونس ، مكان لا مشاريع لا فنادق لا والوا هكذاك وقلنا معليش المصاغر في كل مرة تحاول تمد اجمل صورة على بلادها كل واحد بواش يقدر من بعد يجي مسؤول لي نورمالمو خدمتو يوفر هذا شيء يكسر كل شيء والله غير الهدرة تلفتلي عيب عيب كبير نتمنى من مسؤولي البلاد يحبسو عليها هاذو القرارات ويخمو في شبابهم و عائلاتهم لي معندهمش وين يروحو ، انا معجبنيش القرار وحكيت عليه وكل واحد كيفاش يشوف القضية وسلام عليكم .
#نحن_ضد_القرارات_العشوائية_لي_تهدد_السياحة_الداخلية
البليدة ثان
في كل دول عالم ومنها كندا و أمريكا يتم منع تخيم في موسم الصيف ولي يعتبر موسم الحرائق وتصل حتى السجن إلى وجدوك مخيم في غابة ابسط مثال متنزه الوطني أوريغون بألاسكا يقفل كل صيف من جون حتى أكتوبر
يعني أمر هدا ميحتاج نقاش فيه وسبب واضح
مام هنا في سطيف دارو نفس القرار 💔
ايه عندهم الحق موش يجي واحد يحوس و مبعد يخلي نار شاعلة تلهب بلا د كاملة
و زيد جميع الدول تمنع التخيم في الصيف و اشعال النار
ماشي حاجة جديدة! من بكري عندهم هادي صادقة. غي حاجة ماتساعدهمش يمنعوها ديراكت -_- عوض ما يديرولها قوانين ويراقبوا تطبيقها 🤦🏻♂️
نهار يعود شعب تع غابة لتم يريحو فيها
هاذا تلقاه لابس كوستيم دومي مونش
داروها حتى يتمتعوا فيها وحدهم
عندهم الحق ريح ما تعرق قالو شوايات هبة ريح خفيفة ترفد الجمرة مع الغابات معمرين هيشر والله متزيد تحكم النار لا انت لا اعوان الغابات
نفس القرار داروه في تبسة.
قرار غبي جدا
باه مايعياوش الكليماتيزور شكون يتبرد فيه اسهل الحلول
الكهول لا دين لهم و اللي اتخذ القرار صورته راهي في اذهانكم 😔
رآهم متوقعين يشعلوها على هدية تأخذوا هدا القرار في كل ولايات
معليش رآهم بلعو تبا ة وفتوحو تونس 😂 راك فاهم
قرار جيد اغلبية الناس ليس لديهم ثقافة الكومبينق او النزهة في الغابات
من جيهة عندهم الحق لاخطراش كاين لي يدير شواء و يطفيش فحم مليح يجي ريجي يشعل الفحم و يصرا ما يحمد عقباه و يقولك خاطيني
مين تقرا التعليقات تعرف علاه السؤول يوفر على روحه عناء التوفير كيما تكلمت في المنشور و يخرج بقرار عشوائي و بارك الله فيك الاخ
ديما الشعب هو لي يخلص!! … كان من الأفضل زيادة عدد حراس الغابات و فتح مناصب شغل للشباب و تجنيدهم باحدث وسائل المراقب و النقل و الإتصال .. (استعمال الدرون و المروحيات “خاصة لحراس الغابات لا للجيش” الدراجات رباعية الدفع .. )
الجزائر كبيرة لازم جيش لحراسة غاباتها
🙂احسن قرار
أنا مع هذا القرار رغم أني أهوى الغابات والسياحة الجبلية أكثر من البحر ..غاباتتا اندثرت، ربما هذا حل مؤقت ريثما يتم إيجاد حل لهذه المشكلة
شعب تعنا يخمج ي يحرق و غير مسؤول اعوان الغابات ميقدروش يغطيو النساحات الكل و في كل الأوقات وراك شفت بسبب ناس مستهترة خسرنا الاف الاهكتارات
قرار صائب
عندهم حق شعب هدا تع بسينه ويقعد يعوم فدار ماشي تع غابات بلاد تحرقت عباد تحرقو حيونات تحرقت
عندهم الحق و اعوان الغابة ميقعدش يعس فيك كي تكمل يجي يطفيلك الجمر لي خليتوا و ماشي قرار عشوائي هذا اسمو الباب لي يجيك منو الريح سدو و استريح
ماشي قاع ناس كيما انت يخمم يطفي النار و يرفد زبلوا تاني ترجع خردة في كل دورة واحد شعل نار و مكانش منها قاع
معليش سؤال:
وقتاش حدث حريق كبير والسبب شواء في تيبازة؟؟!!
على اي مستند تبنى هذه القرارات؟!!
Kyn problème de moto : ايا منع الدراجات النارية
Kyn problème de forêts: ايا منع النشاطات الغابية
win kyn problème : منع
عديمي الحلول
عديمي النفع، عديمي المسؤولية، عديمي الأفكار و البدائل.
سياحة في الغابة .صحى دير تخييم وتخلي خماج وزبل ودير الشواء وخلي وخلي واهم وأخطر شيء النار. ومعندناش إمكانيات باش نواجهو النيران .الخلاصة خلونا من تشراك الفم بزاااف خاطر كل عام شوفو واش يتحرق وزيد مكانش مخطط وطني تاع التشجير حتى العباد في الحي ولا قدام دارو ميغرسش مالا هكا احسن حل
عندو حق قالو شوياة صغيرة شعب هدا كبابل تلقاه يقلع شجرة لي تم بش يشعل نار ثقافة 00 مكلاه يغيضط لحال هدي هيا حقيقة
المسؤول الجزائري يحذف المشكل ولا يحله
ما يحبش تكسار الراس و وضع خطة ممنهجة لتسيير موسم الاصطياف في الغابات
نفس الشيء في الباك يروح يقطع الانترنت ولا يحجب المواقع و ما يحبش يدير الالات التشويش في المراكز
المشكل ماشي كامل الناس لي تجي تدير كامبينغ تحترم روحها و تطفي النار لي موراها كاين لي يخليها هكداك و يتسبب في شعل الغابات. هاذو الغابات القلال لي بقاوً اذا كملنا هكذا يخلاصو في سنوات برك
ياو خلي يسكروها
قرار عشوائ ضد ناس عشوائين
شغل نفس القرار تع قطع الانترنت لمنع الغش في الباكالوريا ..قرارات عشوائية هكذا الكهل مايحبش يتعب مخو
بالعكس قرار مليح ..نتا راك تحكي على ثقافة التخييم .. كي شغل الشعب تعنا عندو هاديك الثقافة
تلقاهم يروحو يكومبيو بلاصة نقية و نظيفة يروحو لديارهم يخليوها زبالة ساشيات القراعي تا الما و بلا ما نحكيو على سهرات الشواء جمرة صغيرة ما تطفاش تقدر دير كارثة
ممكن تلقى واحد في الالف عندو ثقافة التخييم و صح يخمم على البيئة بصح الغالبية الكبرى لا علاقة يروح يخمج الدنيا و يخليها خامجة زبل تاعو لخر ما يهزوش
القرار مليح و نتمناو يكون قرار وطني يشمل كل المساحات الغابية مش غير تيبازة
قرار إيجابي
عندهم الحق رغم القرارات العشوائيه
نهار الشعب يكون منظم القرارات يكونو منظمين