السلام عليكم خاوتي
أريد السفر مع الزوجة من وادي سوف الى مستغانم بسيارة ذات محرك ضعيف نوعا ما
وبما أني لست مستعجل والسفر بغرض السياحة، اريد تقسيم الطريق على يومين
هل من نصائح حول الطريق الذي اختاره: الذهاب من بسكرة ثم الطريق السيار أم الذهاب من جهة الجلفة والدخول من جهة الطريق العادي لمستغانم ، وهل من نصائح حول المكان الافضل للتوقف فيه والمبيت في اليوم الاول
وهل يوجد طريق سهل على سيارة صغيرة -ALTO K10- للدخول الى مستغانم
شكرا لكم
Posted in Tourism
اخرج على ال2 تاع ليل احكم طريق تقرت مسعد افلو تيارت غليزان مستغانم طريق مليحه تمشيها صباح وحده وحده انا قبل مشيتها باتوس خرجت عل3 تاع صباح 19 تاع لعشيه لحقت لمستغانم ومشيه عادي 100 راجع سيارتك ضعيفه معندك ما تدير بالسيار سيار يروحلو واحد يمشي يسرح مليح
نعطيك فكرة مليحة و تساعدك ..
ارواح على بسكرة و روح لسطيف ( هذي الطريق تجيك زايدة حوالي 100 كم بصح مليحة و راح بجيك برنامج هايل تاع سياحة )
في سطيف راك تحوس و تبات ( كاين ليزوتال بزاف و اسعار مقبولة كيما بارك مول )
و من سطيف تحب تدخل للطريق السيار مباشرة لمستغانم حوالي 600 كم ..
و الا تدخل للطريق السيار و تتوجه لدزاير ( حوالي 270 كم طريق سيار يعني حوالي 3 ساعات ) العاصمة تفوت اليوم الثاني ثم و تبات ( العاصمة غنية عن التعريف مرافق و ليزوتال و كلش )
و اليوم الثالث تتوجه لمستغانم ( كاين حوالي 300 كن بين دزاير و مستغانم كلها طريق سيار يعني 4 ساعات تكون ثم )
هذا رأي .. اما طريق بوسعادة و الجلفة مافيها والو
اخي الكريم ، alto k10 سافرت بيها ماشاء الله من عين الدفلى الى تونس 1150 كم يعني تمشي بلاك عادي و تتوقف في محطات الخدمات كل 3 او 4 ساعات
فما يخص الطريق كاين 3 ، شوف انت وين راك حاب تقسم الطريق ، تقدر تبكر الصباح على 6 صباح تروح تيبازة على بوسعادة البرواقبة شفة تبات تبدل جو و غدا باذن الله تحكم الطريق السيار شرق غرب تدخل على الطريق الجديد حمادنة مستغانم ماشاء الله
طريق السلامة المهم في عين الدفلى مرحبا باخي الكريم
باقي تحوس وسيارة ضعيفة معنتها ما تروحش على الطريق السيار
أخي أرواح الواد تقرت القرارة بريان الأغواط، بات والصباح عاود الأغواط آفلو تيارت غيليزان مستغانم، هذا أحسن اقتراح وعن خبرة، ربي يسهل
كيما قالك السيد، يا إما تبات في الأغواط، يا إما تبات في تيارت، و الأحسن تيارت إذا كان عندك القدرة و ما تعبتش وما نعستش، كلما قربت مليح.
طريق الواد بسكرة بوسعادة عين أفقه حد الصحاري عين وسارة تيارت غليزان معسكر مستغانم
ديماري على 2 تع صباح من الواد
بإذن الله تعالى المغرب تصليه في مستغانم
جامي حطيتو المنشور تاعي