السلام عليكم خاوتي عندي استفسار حول طريق من الجزائر الى تيماوين ومن تيماوين لتين…

السلام عليكم خاوتي عندي استفسار حول طريق من الجزائر الى تيماوين ومن تيماوين لتينزواطين هل فيها طريق مليحة ولا نو ولا اي معلومة على الطريق الله يحفظكم شكرا لكم
صحا فطوركم

46 Comments

  1. Yacine Menouer dňa أبريل 7, 2022 o 8:28 م

    تينزاواطين ماكانش كيفاش تروح لازم تمشي فالواد بالستايشن (حسب صديق لي يخدم تما)

  2. Adi Ben dňa أبريل 7, 2022 o 8:29 م

    من تمنراست لتينزاواتين كاين 500 كلم تقريبا 200 طريق معبدة و 300 بيست

  3. Abdou Zouareg dňa أبريل 7, 2022 o 8:37 م

    عندك خويا متشوف سورتو من رقآن البرج باجي مختار

  4. Hichem Bouleghlimat dňa أبريل 7, 2022 o 8:41 م

    فيها قطاع الطرق. حذاري تروح وحدك

  5. Walid Belkacem dňa أبريل 7, 2022 o 8:42 م

    طريق ماشي مليحا روح قطع واد فتمنراست تروح معا لي رايحين و لا شوف تجار من سطيف يخدمو تما روح يدوك معاهم

  6. زكريا خاضر dňa أبريل 7, 2022 o 8:43 م

    الطريق من رقان الى برج باجي مختار غير معبد يعني رايح تمشي في الرڨ لي هو عبارة عن رمل وصعيبة لي جامي فات منها. احتمال الضياع وارد لازم تمشي مع الكونفة مجموعة شاحنات لنقل المحروقات.تكون معاهم سيارات الدرك الوطني ايام الخروج غالبا ما تكون يوم الاثنين ولا الثلاثاء
    الصورة في رقان

  7. Rabeh Mel Mellah dňa أبريل 7, 2022 o 8:48 م

    قبل عين صالح ب 150 كيلو تكره حياتك مابالك الباقي

  8. Abd Elhak Chennouf dňa أبريل 7, 2022 o 8:50 م

    الطريق عيانة خويا بزاااف

  9. Abd Elhak Chennouf dňa أبريل 7, 2022 o 8:50 م

    من تامنراست واهبط كامل عيانة بزاف ومهيش آمنة

  10. Mohamed Elmadani dňa أبريل 7, 2022 o 8:51 م

    تركب للادرار و من ادرار لرقان لتم تلقى 4×4 يدوك للبرج باجي مختار بلاصة ب 500 الف حوالي
    و عام هذا دارو حافلة من ادرار للبرج
    ايا من بعد تزيد تركب للتيمياوين و لتم راك في الحدود مع مالي
    ربي يسهلك

  11. Abd Elhak Chennouf dňa أبريل 7, 2022 o 8:53 م

    هاذ لبلايص مافيهم حتى حاجة تصلح وماتشوفهمش خير من تشوفهم

  12. Samir Benmouffok dňa أبريل 7, 2022 o 8:54 م

    الطريق من تيمياوين إلى تين زواتين ماشي معبدة و فيها قطاع الطرق و نفس الشي بالنسبة للطريق من تمنراست إلى تين زواتين أنا نعرف مليح الطريق تع تمنراست تين زواتين علا خاطر مشيتها بزاف

  13. Nasro Doudou dňa أبريل 7, 2022 o 8:59 م

    محمد الشيخ بالحاج

  14. Yassine Aissaoui dňa أبريل 7, 2022 o 9:03 م

    سقسي كاش عسكري ثما يشرحلك مليح و يعطيك الطريقة الامثل باه تروح

  15. Mokdad Tahadi dňa أبريل 7, 2022 o 9:03 م

    انا ننصحك حاجة وحدة برك وما تسقسي حتى واحد من بعدها واش شفت نشرات تاع الثمنية منقبل أقلبهم بالعكس و أتوكل على ربي

  16. Adem Didou dňa أبريل 7, 2022 o 9:05 م

    Ou9sim billah ghir tri9 sehra cauchemar , t3iyi grv , ki ta3 Alger illizi ki alger ain guezam 🤦🏻‍♂

  17. Bouzouada Abdelrhmane dňa أبريل 7, 2022 o 9:06 م

    من تمنراست لتين زواتين عيانة كاين 480 نص طريق نص بيست (رمل وصاي ولي ميعرفش طريق يتيه ) من تيمياوين لتين زواتين عيانة ياااسر

  18. Slimani Leva dňa أبريل 7, 2022 o 9:09 م

    كاين زوج طرق
    الاول قصير و صعب جدا :وهو انك تفوت على ادرار ثم رقان ثم طريق تنزروفت الخطير جدا بطول 650 كلم (احتمال الضياع وارد جدا) نحو برج باجي مختار ثم تمياوين
    الثاني أطول نوعا ما : تفوت على تمنراست ثم سيلت ثم طريق خالي على مسافة 300 كيلو كذلك خطير لوجود المافيا وقطاع الطرق
    اذا راح تجي وحدك دون دليل لا أنصحك بشدة
    كشما تحتاج معلومات حول تمياوين راني ثما

  19. Aboubaker Essiddik Ghettas dňa أبريل 7, 2022 o 9:13 م

    أخطيك صاحبي

  20. Zennani Mokhtar dňa أبريل 7, 2022 o 9:13 م

    الطريق نحو المجهول.نصيحة يجب اصطحاب دليل من اهالي المنطقة او مرافقة معتادي هذه الطرق ومن الاحسن إستعمال جهاز ثريا

  21. Laid Otsmane dňa أبريل 7, 2022 o 9:13 م

    الله اعلم مابين تمنراست او لتينزاوتين كاين طريق مشي مخدومة بيست

  22. Abdelhalim Foudi dňa أبريل 7, 2022 o 9:14 م

    طريق صعب جدا واذا يكون معاك الزاوية فاتكل على ربي وماتخافش Maldini Papino

  23. عبد الرؤوف عراب dňa أبريل 7, 2022 o 9:15 م

    روح فطيرة

  24. وليد حمايمي dňa أبريل 7, 2022 o 9:18 م

    طريق خطرة جداً، اغلبها ترابية،، صعبة دون مرافق من أهل المنطقة،، قابلية التيهان كبيرة،،، طريق عصابات التهريب و نهب الذهب،

  25. Madjid Boussalah dňa أبريل 7, 2022 o 9:23 م

    مشيتها في 2013 حتي لتيمياوين، الطريق العبد يحبس في رقان من لتيمياوين بيست و لازم تمشي مع ليعرف الطريق

  26. Walid Sahraoui dňa أبريل 7, 2022 o 9:29 م

    ارواح الجي تمنراست/ تمنراست عين قزام / عين قزام تين زاوتين مليحة طريق شوي

  27. Amine Tahri dňa أبريل 7, 2022 o 9:29 م

    طريق حتى تمنراست فيها شوي تكسار و مبعد ل تنزاواطين صعيبة بزاف…

  28. Yakoub Meh dňa أبريل 7, 2022 o 9:34 م

    رد بالك قطاع الطرق راهم دايرين حالة في المسالك من برج باجي مختار – تيمياوين- تين زواتين
    قطاع الطرق ماشي بالموس و لاكوست
    تلقاهم راكبين دراجات نارية ولا سيارات دفع رباعي ملثمين و مسلحين بكلاشنيكوف 🙂

  29. Kamel Torki dňa أبريل 7, 2022 o 9:45 م

    من هذا الرابط ستعرف نوعية الطريق و مخاطرها
    https://m.facebook.com/story.php?story_fbid=436861108059200&id=100052059435217

  30. عبدالقادر الامير بوعلام dňa أبريل 7, 2022 o 9:48 م

    غير ماكان له تبع gps في طريق الصحرة

  31. Aboudi Abedssalam dňa أبريل 7, 2022 o 9:48 م

    بالنسبة لواحد يسقسي على هاذي الطريق فالفيس بوك ننصحك خويا متمشيهاش خير لك
    احكم طيارة احسن لك وبعدها كاين فرود نتاعها ابناء المنطقة في قطع الواد روح معاهم احسن لك واأمن لك

  32. Gamaz Ibrahim dňa أبريل 7, 2022 o 10:03 م

    الا اول مرة راك رايح تروح لصحراء بسيارتك الخاصة غير مكلاه ،كاين طرق خالية، و ريزو مكاش …

  33. Medrous Khaled dňa أبريل 7, 2022 o 10:05 م

    من رڨان و روح عظم الله اجرك اسوء طريق في العالم

  34. Bouchra Lyna dňa أبريل 7, 2022 o 10:19 م

    احسن من يدلك العسكري مسكين، ربي معاهم

  35. Lin Da dňa أبريل 7, 2022 o 10:22 م

    لازم ترفد معاك سلاح ملخر

  36. Zola Pharm Amia dňa أبريل 7, 2022 o 10:24 م

    نصيحة غير اخطيك .واعرة واعرة طريق. والا حبيت تغامر ارواح لتمنراست كاين ابناء المنطقة يدو ليها في سيارات رباعية الدفع. هم ادرى بالمنطقة

  37. Khaoula Farsi dňa أبريل 7, 2022 o 10:27 م

    الصحراء يليق guide
    جامي تبع ابليكاسيو

  38. Sayoub Noufi dňa أبريل 7, 2022 o 10:28 م

    مرحبا بك خويا خطوة بخطوة .. يا خويا الى معول تروح بسيارتك انصحك بمرافق من المنطقة ام إلى رايح في وسيلة نقل واحد اخرى … تواصل معي نعطيك اللي يقدر يوجهك… الصحراء خاصة تينزاواتين ماهيش لعبة يا حبيبي… سال لمجرب

  39. Moh Nemamci dňa أبريل 7, 2022 o 10:29 م

    ادرار .رقان. برج باجي مختار تيمياوين. ادلاك تين زواطين حوالي 1500 كلم فيها 1000 كلم بيست

  40. Boumez Ess dňa أبريل 7, 2022 o 10:42 م

    Attention tena3 l’application f sahra tmachik 4h bah tel9a trig mbal3a

  41. Salah Fatah Fatah dňa أبريل 7, 2022 o 10:57 م

    اخطر طريق ادرار برج باجي مختار تمياوين تين زوتين

  42. Abdelmoula Abel dňa أبريل 7, 2022 o 10:58 م

    واعرة اذا كنت مدني و أنصحك بعدم المجازفة وحيدا !!

  43. Salah Fatah Fatah dňa أبريل 7, 2022 o 11:02 م

    نصيحة روح ف طيارة ادرار برج باجي مختار

  44. Kriss Ahmed dňa أبريل 7, 2022 o 11:14 م

    طريق الله لا يشوفك فيها خصوصا من رقان لبرج باجي مختار

  45. Houssem Bechar dňa أبريل 7, 2022 o 11:18 م

    تخرج من المنيعة تمشي جوايه 200 كم و مبعد تجيبها تمشي دوزيام

  46. De Broyen dňa أبريل 7, 2022 o 11:23 م

    انا لي حيرني واش رايح دير ثم قرية صغيؤة فيها غير العسكر

أترك تعليق