السلام عليكم خاوتي عندي 7 ملاين حبيت نخرج نحوس انا و الزوج و ولادي حتى 5ايام مع …

السلام عليكم خاوتي عندي 7 ملاين حبيت نخرج نحوس انا و الزوج و ولادي حتى 5ايام مع العلم ماعنديش طونوبيل تكفيني ولا نشد بلاصتي اللي نقولو على المبلغ يقولي مايكفيك في واالووو لكرا وحدو اكثر من 7 ملاين حبيت يشوفو ولادي لبحر 🥺🥺

34 Comments

  1. Sator Andrei dňa مايو 20, 2022 o 8:46 ص

    نورمال شوفو كاش سكن يتكرا بالليلة في وادكنيس ولا airbnb
    وخايرو البلاصة تكون قريبة من المرافق ودو معاكم حوايج اخرى لانو المناطق الساحلية اغلى شوي

  2. Houssem Ch dňa مايو 20, 2022 o 8:46 ص

    تكفي بصح لازم في اوقات مفيهمش الغاشي يكون الكراء رخيس مثلا ماي ولا سبتمبر

  3. Mousaab Ameur dňa مايو 20, 2022 o 8:47 ص

    مستغانم تموشنت بجاية جيجل سكيكدة ❤ سمانة تكفي و تفضل

  4. Raouf Zein dňa مايو 20, 2022 o 8:48 ص

    تقدري تصيبي كراء ب700 الف لليلة ت حتى 800 الف تقوشي بينڨالو ×5 ايام طيحلك 4 ملايين
    تبقالك 3 ملايين نتي و كفاش تصرفي و برنامج تاعكم

    ان شاء الله تكفيكم يا ربي و يفرحوا لولاد.

  5. Oussama Mehamedia dňa مايو 20, 2022 o 8:48 ص

    Kheireddine Laib انصح الناس

  6. You Cef dňa مايو 20, 2022 o 8:50 ص

    5 ايام تكفيك فووور ثاني إذا حبيتي تقعبي يامات ملاح و ماتعياوش من الأحسن تكريو طوموبيل تتحركو بيها و تزورو أماكن ملاح
    تكري طوموبيل ب 450 الف طيحلك زوج ملاين و 250 الف
    تكري دار على 400 الف طيحلك زوج ملاين
    نفرضو 300 الف ايسونس
    عادت 4 و نص تبقالك زوج و نص مصروف

  7. Djamel Lassassi dňa مايو 20, 2022 o 8:51 ص

    يكفيك و تفضلي عادي و تستمتعي كيما يحب الخاطر

  8. Amara Yacine dňa مايو 20, 2022 o 8:52 ص

    تقدري تروحي عادي شوفي أقرب ولاية فيها بحر في جيهتكم، و حوسي على كرية تع شقق راهم من 3000 دج لليلة حتى 5000 دج، تلقاي في وين تطيبي يعني مطبخ باش تستقاملك رخيصة خير من تاكلي برا، بهذا الطريقة تقدرو تجوزو 5 أيام حتى أسبوع
    فيها النقل 10000 دج الكراء 20000 دج و تبقالك 40000 للأكل و الخرجات
    ما جاتش في شحال عندك دراهم جات كيفاش تصرفيهم لأنو كون نتبعو هاد العقلية حتى 30 مليون ما تكفيش كون تكري سويت في فندق 5 نجوم
    ما تبعيش السلبية تع الناس كاين لي يهدر غي بالسلبية و يهبط المورال للناس، السلبية طغات على المواطن الجزائري و ولينا حتى حاجة ما تعجبنا و فرطنا في التمتع بحياتنا و حياتنا تمشي و حنا نضيعو فيها

  9. Oussama Bou dňa مايو 20, 2022 o 8:54 ص

    7 ملاين تكفيك خير و بركة
    تقدرو تدبرو كراء 600 الف لليلة تطيحلك 3 ملاين و 4 تصرفوهم تجوزوها قوة سورتو اذا كنتو تطيبو فالدار

  10. Ibrahim Nachef dňa مايو 20, 2022 o 8:54 ص

    يكذبو عليك والله تعيشك غاية دزاير كاين كلش عندك مليون تحوس بمليون عندك مليار تحوس بمليار . تكري دار اذا هبلت ب 400 ولا 450 . والباقي ماكلة ميتين الف للنهار توكلكم . برك خيرو بلاصة مليحة للمواصلات والافضل منطقة قريبة ليها بزاف مناطق مثلا تموشنت تحكمو قاع سيكتار تلمسان تموشنت وهران . تكرو في سكيكدة تحكمو عنابة سكيكدة جيجل . تحرو في جيجل تحكمو بجاية سكيكدة . كي تكونو ماتعجزوش على النقل نورمال والله ماهي مشكل . ومام الطرونسبور راه خيرات ربي في كل بلاصة . المهم 7 ملاين قادر تكفيكم أكثر من 5 ايام . امر كراء السيارة مانوافقش عليه لأنو سومة كراء سيارة يعادل ليلة في منزل او فندق ولي مايعرفش الاماكن ومايفهمش في الماب راح ينغبن شوية .

  11. Nour Kamar dňa مايو 20, 2022 o 8:55 ص

    6 تكفيك ف جيجل بلا طوموبيل تفطرو برا وتتعشاو فدار

  12. Youcef Nouri dňa مايو 20, 2022 o 8:57 ص

    مالڨري معطياتك ناقصين من عدد الأفراد و وين تسكني (قادر النقل وحدو يديلك ربع المبلغ) مي تقدري تقسمي هاديك 7ملاين بين النقل ذهاب وإياب و مع الكراء و الاكل و كيما تقدري تنقصي الايام من 5 إلى 3 أيام متلا و يكفيك المبلغ بالمرتاح

  13. Saal Azzou dňa مايو 20, 2022 o 9:01 ص

    7 millions yakfok f jijel Wala Skikda djawziha bien smana top

  14. Chou Aib dňa مايو 20, 2022 o 9:03 ص

    جيجل لن تندمي

  15. Noureddine Abbad dňa مايو 20, 2022 o 9:03 ص

    كاين ديار الاخت في بلايص شابين ونجيبهالك سومة رخيسة نعاونوك ماكاش مشكل تقدري تفوتي 7ايام روعة

  16. Sarah Ahmane dňa مايو 20, 2022 o 9:04 ص

    يعتمد الأمر على الكراء و على الأماكن التي ستقصدينها. يعني في جيجل مثلا يظهرلي يكفوك. اختاري شقة بسيطة متكونش غالية و طيبي في الشقة متاكلوش برا باذن الله تكفي

  17. Slimane Abdo Lkdar Zarkaoui dňa مايو 20, 2022 o 9:06 ص

    تكفيك وتفضل خويا لعزيز ربي يوفقك

  18. Samir Catalonia dňa مايو 20, 2022 o 9:08 ص

    علاه رايحة لنيويورك حتان 7 ملاين متكفيكش شعب هذا يحب غير يزيد عليها الله يهديهم مكافيهم والو

  19. Walid Belabed dňa مايو 20, 2022 o 9:08 ص

    ننصحك بجيجل تقدري تكري ليلة بي 300 الف الى 400 الف واشرو ماكلة طيبو في دار حاولو تستمتعو قد امكان مهم تكونو عائلة مش مهم كاملة مدامك مع زوج و اولاد من احسن تحوسو على رجليكم باش متسقامش نقل بزاف مجرد راي

  20. Midou As dňa مايو 20, 2022 o 9:12 ص

    ارواحي ل سكيكدة زوج ملاين تكفيك والله

  21. Group member dňa مايو 20, 2022 o 9:14 ص

    اللي يعرف كرا بسعر معقول يدلني لانو اللي نبعثلو يقولي 800الف الليلة من فضلكم اللي يعرف يخليلي تعليق نتواصل معاه ربي يفرحكم خاوتي

  22. Wafa Mendes dňa مايو 20, 2022 o 9:15 ص

    شوفي انت واش من ولاية راكي.. ف مستغانم نكري شقة ب 5000دج لليلة تطيبي وحدك ي ماشي مجبورة تشري ماكلة من برا تهبطي للبحر تمشي عشر دقايق تروحي لحديقة الحيوانات وااتسلية موستالاند تمشي عشر دقايق فيها بزاف ألعاب شابيين اسعارهم تتراوح بين 100دج الى غاية 1000دج العاب الاطفال معظمهم 100دج والا كانو كبار شوية كاين العاب هايلين ب 200دج و300دج العاب vr بزاف شابين 😍😍 وفيها غابة ومساحات شابين تقدرو تدو ماكلتكم وتتعشاو تم ولا تتقهواو .. وكاين بحورات وحدوخرين تركبي ف طاكسي ب 30دج والا كورسة تكون عند 300دج الواحد برك يعرف كي يتصرف ف دراهمو 7 ملايين تكفي وتتزايد

  23. Unbrea Kable dňa مايو 20, 2022 o 9:17 ص

    اختي الكرية راهي غالية في الغرب روحي للشرق شفت في جيجل سكاني قراب للبحر ب 2500 حتى 3000 متسحقيش لوطو انا تبانلي في جيجل تكفيك و يبقى

  24. وليد بودبزة dňa مايو 20, 2022 o 9:30 ص

    يااااو اهبط لجيجل تعيش بيها برانس خويا لعزيز ، الليلة ب 250 ماكسيمون فبلاصة اونفاص لبحر ماتختاجش حتا ثرونسبور شحاال هاي مليون و نص ، و ديبلاصي فلبيس بيسك لبلايص لملاح في جيجل توصلهم لبيس ديرها مليون ، اشري شواية و قلاسيار بمليون و مليون سلعة هاي ماوصلتش حتا خمسة ملاين
    ومليون نقولو ديرو باش تدخل لبلايص و لولاد يلعبو و بصحتك سماانة طووب حبيبي

  25. Bi Bicha Bi Bicha dňa مايو 20, 2022 o 9:35 ص

    3lh hata maykfikch yekfik nrml kon tekri dar b 400 test9amlk 2m 5jr w ba9i tesrfo bihom

  26. Bader El Islam dňa مايو 20, 2022 o 9:35 ص

    7 ملاين تكفيك

  27. Imad Boukhet dňa مايو 20, 2022 o 9:36 ص

    7 ملاين مدة 5 أيام تكفيك و كلش

  28. Minou Nerium dňa مايو 20, 2022 o 9:37 ص

    روحوا لجيجل مليحة وشابة و اسعارها في المتناول اعرفوا برك كيفاش تصرفوا

  29. Hamza Kebabsa dňa مايو 20, 2022 o 9:41 ص

    كيفاه خمس ايام ماتكفيش سبع ملاين؟؟
    سبحان الله بركاو مالدراما يرحم والديكم
    نفرضو تكري دار في جيجل مثلا الليلة ب 500 الف
    تجيك زوج ملاين ونص
    وتصرفو فالنهار 500 الف تتقلشو حتى تشبعو
    تولي كلش خمس ملاين
    وزوج ملاين ديريهم حق الترونسبور
    يشبعو ولادك بحر باذن الله حتى يكرهو منو
    والسلام عليكم ورحمة الله

  30. زهرة العلا dňa مايو 20, 2022 o 9:46 ص

    يكفوا ولاباس اكري في سوق الاثنين مثلا ابرتومو بكل لوازمها حتي التلفزيون والطباخة وبعض الاواني ولفراش تدي النظيف افضل واذا حبيت طيبي في الدار خير وديري قهوة وحليب وطيبي السردين وقتوا ورخيس وروحي لشاطيئ تيشي اذا ماغلطتش ماشي بغيد ارذبعة او خمسه ايام وربي ورحمتو

  31. Walid Dhk dňa مايو 20, 2022 o 9:53 ص

    Rohi l Dellys 6000 da la journée mliha 3and la plage

  32. Isl Em dňa مايو 20, 2022 o 9:55 ص

    عندك القالة 4000 دج اليلة على البحر وكلش قريب ليك متحتاجوش كامل سيارة ،

  33. Selsabil Bentabi dňa مايو 20, 2022 o 10:01 ص

    Jijel matst9amch khti

  34. Lina Tahdecht dňa مايو 20, 2022 o 11:33 ص

    7 ملايبن تقدري تجوزي بيها 15 يوم او اكثر

أترك تعليق