السلام عليكم سياحة #help
أود الاستفسار عن شراء تذكرة والسفر من الجزائر نحو هيوستن ، ذهاب فقط
أود الذهاب مع القطرية الجزائر – قطر – هيوستن
هل احتاج الى فيزا قطر عند التوقف في قطر .
هل بإمكاني الحصول على غرفة في فندق ، ام التذكرة لا تشمل ذلك و علي دفع ثمن الغرفة
كيف اشتري التذكرة ، هل يمكنني الحجز عن طريق تطبيق القطرية ، و دفع التكاليف عند الوكالة ، ام أتوجه للوكالة مباشرة . شكرا على المساعدة #help
Posted in Tourism
لا تحتاج الى فيزا ترانزيت عند المرور عبر قطر
شركة الطيران توفرلك الفندك اذا كان الترانزيت اكثر من 8 ساعات
تقدر تريزيرفي اونلاين او عبر التطبيق وتخلص في المكتب تاعهم في المطار ولا تروح للمكتب مباشرة في ولا تشوف كاش وكاله سياحيه تريها من عندهم
تقدر تحجز فتطبيق و تروح تخلص فبنك BNP Paribas
اذا كنت تريد الخروج من المطار فالفيزا لازمة.. اما اذا الترانزيت في المطار فما تحتاجش فيزا… نعم تقدر تحجز في التطبيق لمدة اقصاها 48 ساعة مجانية وتروح تخلص اما في الوكالة اما في المطار اما بتحويل بنكي لحشاب القطرية في bnp paribas… بالتوفيق
وضحولنا اكثر
ماتحتاجش فيزا وتقدر تحجز من التطبيق وتروح تخلص فالوكاله أما بالنسبة للفندق كاين صالات مخصصة فالمطار كيما المها تخلص 50 دولار فالمطار فيها وين تقعد وفيها اكل وكلش هدا اذا كان الترانزيت تاعك طويل بزاف أما إذا كان قصير مش راح تحتاجها اصلا لانك راح تقضي وقتك في اكتشاف المطار المبهر تاع قطر وكاين صالات مجانيه تقدر ترقد فيهم إذا عييت
Doct Tyma @alaeddine remli @kamel Tammany
شكرا لكم على المعلومات ،
لقد قمت بحجز التذكرة عبر التطبيق ، و دفعت ثمنها في الوكالة.
العميل هناك أخبرني انه بالرغم من أن مدة التر نزيت في قطر هي أكثر من 8 ساعات مما يتيح الي الاستفادة من فندق مجاني، لا يمكنني ذلك لان الفيزا القطرية حاليا غير متوفرة للجزائريين فلا يمكنني الاستفادة من فندق. قمت بحجز Lounge، و الرحلة ستكون يوم 29 جوان ، سعر التذكرة الاقل هذا اليوم حوالي 9.5 مليون بالمقاعد الاقتصادية. دفعت 10 ملايين و 4000 .
شكرا لكم