السلام عليكم
عندي تذكرة لتركيا بمدة 20 يوم في شهر جوان القادم ان شاء الله
وأود زيارة كل هذه المدن اسطنبول بورصا ازمير انطاليا انقرة كابادوكيا و طرابزون
لمن لديه تجربة هل مدة 20 يوم كافية لزيارة اهم المعالم السياحية في هذه المدن ام لا واذا كنت لا استطيع زيارتها كاملا ماهي المدن الجديرة بالزيارة وماهي وسيلة النقل التي استعملها للتنقل بين المدن (طائرة قطار حافلة ) و الفندق احجزه من هنا او عند الوصول لكل مدينة وكم هي التكاليف بالتقريب بدون احتساب تذكرة الطائرة من الجزائر لاسطنبول
وشكرا مسبقا اخواني في الله
مع علمكم مسافر لوحدي
Posted in Tourism, Uncategorized
.
في اليوتيوب تلقى التفاصيل للوصول و التنقل داخل كل مدينة
Izmir akhtik makan walou
اسطنبول-انطاليا تذكرة الطائرة رخيصة ، خلصتها ب 17 اورو
و انطاليا رائعة ، لكن 4 ايام تكفي فيها
Programme très intéressant
اسطنبول و بورصا كاين الفيري اسهل واسرع وسيلة نقل بناتهم و السعر في المتناول مدة ساعة و 45 دقيقة
Istanbul kbira bzaaf une semaine matkfich tkmlha
إذا حاب زيارة خفيفة نورمال لكن في الحقيقة ليست كافية، اسطنبول وحدها دير فيها عشريام تالمون معمرة مناطق سياحية، لكن تقدر دير مثلا ربعيام في كل مدينة، وكاين مدن مافيهمش بزاف مناطق سياحية كيما بورصة مثلا مناطقها قلال تقدر في يومين تكملها، طرابزون فيها بزاف مناطق وهايلة ديرلها ربعميام ولا خمسيام، أنقرة نحيها مالحساب راهي مجرد عاصمة سياسية للبلاد مافيهاش حاجة كبيرة، ازمير فيها البحر برك وتاع صيوفي ديرلها يومين برك (المهم هكذا يكون التوزيع اسطنبول اكبر عدد من الايام، تليها طرابزون، ثم كابادوكيا وانطاليا بنفس عدد الايام الباقي زيارة خفيفة تاع يومين واللي قتلك عليهم نحيهم ما يستاهلوش الزيارة).
بالنسبة للتنقل تختلف بين طيارة وحافلة حسب المنطقة، كيما من اسطنبول الى بورصة الحافلة لأنها قريبة، لكن اسطنبول لطرابزون وانطاليا ولخرين لازم الطيارة.
حاجة وحدوخرا لزيارة طرابزون خاصة لازملك تكريم سيارة تقدر تحجز مالموقع وترفدها من مطار طرابزون عادي، الحافلة ما تساعدكش باش تحوس فيها لأنو أغلب مناطقها جبلية وغابية وجاية على برا يعني لازم طونوبيل
عندي عام هنا ، و ما كفانيش 😂
…
نصحك ب اسطنبول انطاليا كابادوكيا و طرابزون
تذاكر الطيران بين المدن التركية خير لي تكون صباح بكري ولا آخر الليل لأنها رخيسة مع شركات anadulejet او onur
حتى الباصات تاعهم مليحة بزاف
الحصة الأكبر خليها لإسطنبول
انطاليا مدام فترة تاع صيف انصحك بزيارة منطقة belek
طرابزون مناطقها الريفية في منتهى الروعة .. خاصة اوزنغول اودان
كابادوكيا لتجربة المناطيد و المناطق الصخرية
اسطنبول خياراتها عديدة عندك ما تحوس فيها
ما طولش فالأسواق الشعبية وحدك لأنو ياڨريسو فيها العرب
Redoanu
Khadidja Manallah
نورمالمون تكفيك أو يفضلولك يومين أرواح كملهم في زيمة
نحي أنقرة من البرنامج
و اسطنبول ديرلها اغلب الوقت و مابين اسطنبول و بورصة كاين النقل البحري.
بعدما تكمل اسطنبول اهبط ب الطيارة ل مرمريس وحداها فتحية و أنطاليا و هادو كامل مناطق تاع بحر و استجمام يومين يومين ل كل منطقة تكفيك اذا كنت من الناس اللي ما تتصورش بزاف. و و كابادوكيا روحلها بالطيارة احسن فيها مغارات و كهوف و تركب المنطاد. ساوم مليح على المنطاد
و عندك طرابزون فيها طبيعة هايلة مع ريزا بصح وقتهم مش جوان تقدر تروح تشوف عادي
في طرابزون و ريزا أكري سيارة ب تدور
في فتحية ما تنساش تجرب القفز المظلي تجربة روعة.
البنزين راه غالي بزاف لهذا أكري سيارة غير ف طرابزون باسكو تعمرلها pleine راه ب 850 ليرة و أكثر
التكاليف عندك ركوب المنطاد راه من 80 اورو وواكثر
القفز المظلي أيضا بصح ساوم مليح
تقدر توصل ب تكاليف ل اكثر من 1000 اورو