السلام عليكم فيما يخص الحديث عن ليجيغا ويسرقو ووو خاصة في عروض اوريدو الاخيرة (80 جيغا)…حبيت نمد رأيي في الموضوع:
تاع تسرق لي جيغا مكاش منها وتقدر تشوف الاستهلاك تاعك في اعدادات الهاتف وتطابقها ولا تطلع تطبيق دايتا يوزيج وتلقاها هذيك هي وشخصيا في حياتي مزال ملقيتش جيغات ناقصين ومهمش ف الاعدادات وطبعا احتمال يسرقولك ليجيغا مستحيل جدا ،جيست الانترنت مؤخرا فيه تحسن كبير في التدفق والسرعة خاصة اوريدو (عمموا 4 جي + في اغلب المناطق)وبالتالي كي تكون السرعة حيدة يمشيو الفيديوات بجودة عالية خاصة تيك توك وفيسبوك ومنه ملي تكون تستهلك 1 جيغا فاليوم تولي تستهلك 2 جيغا
الحاجة الوحيدة اللي الشركات معلباليش يديروها بالعاني ولا كاين خلل هو الاشتراك التلقائي في بعض الخدمات كيما رنتي و موبسوند وغيرها وتولي غير تفليكسي ينحولك دراهم الاشتراك (حسب استفساري سابقا خبروني انو بعض المواقع لي فيها اعلانات تؤدي لتفعيل الخدمة تلقائيا…منيش عارف كيفاش وعلاش ولاه محبسوهاش ووو )
80 جيغا ذو جيبهم من وحد تطبيق واقيل..
كفاش نجيب عرض 80 جيقا عندي اوريدو هايا زعما نقدر ول؟
معليش خو فهمني في هادي صراتلي مع جيزي كل شهر تقعدلي +45 جيغا من 60 لي كانو يعطوهالي في هايلة بزاف باصكو تقريبا ندير طلة خفيفة مرة على مرة مانستعملش كنكس بزاف، رمضان لي فات نخدم من السحور للفطور و مور الصلاة نريبوندي على شوية لي ميساج و نتفرج فيديو خفيف ولا زوج و نرقد في 9 أيام خلاصتلي، شفت كونصوماصيون ديالي فتلفون و لقيتها بالتقريب 8 جيغا درت ريكلاماصيون و عطاوني جورنال تاع كونصوماصيون ديالي و حسبناها كيفكيف لقيناها نفس الشي بالتقريب 8 جيغا فهمني دوكا كيفاش راحت 52 جيغا هاديك 😐