الفرق بين الصور هوا ماشي نفس المكان و أيضا ماشي نفس التخمام 😆
هنايا في الاطلس البابوري سد ايراقن هملة كيوت … خفيفة تقدر ديرها مع أطفال متلا و لبسة عادية و حياة حلوة …
الصور الأخرى، في قلب الاطلس البليدي ،الشريعة ،نوع هملة ماشي كيوت ، لازم تكون ديجا موالف تمشي و موالف التمرميد على الاقل موالف شوية روندوني و عندك لباس خاص و طاقة بدنية تسمحلك تتحمل المشية في التلج غامق لاخطراش رح تستهلك طاقة اكتر و اكبر ،،، و لازم تكون تعرف الطريق لاخطراش تقدر تتبحر الخ …..
الهدف من هاد الشيء كامل انو كي تشوف بلاصة في المواقع و تحب دير نفس الشيء … ما تزدمش برك ،، خمم و شوف و اوزن و معامن راك رايح … ايذا تقدر و لا لالا ، ايذا عندك تاويلها ولا لالا ، انت تعرف نفسك جسمك و قدراتك واحد ما يقرر في بلاصتك … بصح ماشي تزدم و تقول ساهلة من بعد تحصل …
#هملة
Posted in Tourism
🗻😍
و اذا كان سمك الثلج قد هاك كيفاه
دبرتيها والله😍
جميل وشراكي تقدمي من معلومات. ماشي غير صور ولكن معلومات دقيقه مهمه جدا وما يعرف قيمتها كان اصحاب هاذي الهوايه . واصلي
نشوفك نحس الطاقة الايجابية يخصونا بزاف عيباد فبلاد هدي بتخمامك المنفتح باش نتقدمو ربي يحفظك ❤🌸
Hèmla.dz une adresse svp pour acheter le matériel nécessaire pour sa?!
والله غير تمرميدة كحلة كي تروح ساهل مي كي تولي تحصل حصلة تع 🐕🐕🐕 4سوايع غير باه حبطنا من الشريعة لبليدة طريق مغغغلوووقة مع العلم انو يوم من ايام الاسبوع ما ننصحش الناس تروح الويكاند
هدرة موزونة