بعض المعلومات للي حاب يشري pc portable و راهي تالفتلو
اولا المعالج
المعالجات كاين نوعين كل نوع من شركة مستقلة Ryzen و Intel
اولا Intel
انتل عندها اربع فئات تبدأ بحرف ال i
( i3 / i5 / i7 / i9 )
و ايضا عندها ال core duo ضعيفه جدا اذا لقيتها فالمواصفات مكلاه تكسر راسك و تشريه
الفئات الاربع اللي تبدا بحرف ال i هي الافضل
الاربع فئات هذي عندها بعض الخصائص لازم تكون تعرفهم ، مش بالضرورة كل ما كان رقم فئة المعالج اكبر يعني اداء افضل
عندك زوج صوالح اضافة لرقم الفئة
*رقم الجيل ( اول رقمين امام فئة المعالج )
* الحرف ( نهاية اسم المعالج )
الاجيال تعني سنة اصدار المعالج و وكل ما كان الجيل احدث كان اقوى
مثلا i3 الجيل السادس اقوى من i3 الجيل الثالث
اما الحروف كاين H / HQ / U / Y تلقاها تاني قدام اسم المعالج
يعني كي تقارن i5
معالجات ال HQ :
مميزاتها : هي الاقوى و الافضل + تتحمل البرامج الثقيلة تلقاها فلابتوبات الالعاب و التصميم 3D …الخ
عيوبها : طبعا مدام قوية و تستحمل البرامج الثقيلة تستهلك طاقة كبيرة و تنتج حرارة عالية
و منه البطارية متشدش معاك بزاف ( لا انصح به الطلبة / الاساتذة / المحاسبين …الخ اذا حبيت تستعملو فامور ثقيلة كالالعاب لازمك تبقى مبرونشيه فالشارجار باه تستفاد من قوتو الكاملة لهذا اذا تتنقل بزاف و تستعملو للدراسة و ما شابه تقدر تقتصد فيه و تروح مع الفئات الاقل )
معالجات ال H :
مميزاتها : ايضا قوية لكن تبقى اضعف من ال HQ + ايضا تجدها فلابتوبات الالعاب و التصميم …الخ
عيوبها : تقريبا مكاش عيوب تذكر اكثر فئة متوازنة بين صرف الطاقة ، الحرارة و الاداء ( افضل خيار للطلبة …..الخ )
معالجات ال U :
مميزاتها : استهلاك طاقه قليل ، بطارية تدوم لمدة اطول ، حرارة اقل
عيوبها : اداء منخفض لكن تبقى مناسبه جدا للطلبه خاصة برامج office و تصفح الانترنت ، لكن اداء كارثي في برامج التصميم و الالعاب
اما ال Y سيئة ، لا تستحق الشراء الشراء حتى انها شبه منعدمه في السوق
الملخص
كي تقارن
معالجين من نفس الفئة : قارن الاجيال مثلا i3 جيل سادس »» i3 جيل رابع
معالجين من نفس الفئة و الجيل : قارن الحروف مثلا i5 الجيل 12 مع حرف H »»»»» i5 الجيل 12 مع حرف U
معالجين مختلفين في الفئة ، هنا شوي تتعقد الامور لانه مشي شرط i3 يكون ضعيف على i5
هنا تعتمد على جيل المعالج ، معالجات الجيل الاحدث اقوى من معالجات الجيل الاقدم مثلا i3 الجيل العاشر »»»» i5 الجيل السادس
لهذا لازم تروح لغوغل و تكتب ” اسم المعالج الاول مع الجيل و الحرف …الخ vs اسم المعالج الثاني تدخل المواقع و تشوف المقارنات بيهم تعرف وينه الاقوى
نفس الحكاية مع معالجات ال Ryzen عندهم يبداو بحرف ال r و فئات r3 / r5 / r7 / r9 و اجيال و حروف ….الخ
كتبت بزاف و شرحت سطحيا برك( تقريبا هذا وش تسحق كي تجي تخير معالج ) اذا لقيت مهتمين نزيد منشور نشرح فيه انواع التخزين / الرامات و اجيالها / كروت الشاشه / انواع الشاشات
و اسف على كاش اخطاء املائية منتبهتلهاش
#1001info
ملاحظة برك
HQ
حبسو فالجيل السابع
ولاو ڨاع H …رباعي النواه اداء عالي