بونسواغ ليكيب الحمد لله يا ربي التلج راهو مزهي البلاد و الطبيعة و الجبال … …

بونسواغ ليكيب 😋

الحمد لله يا ربي التلج راهو مزهي البلاد و الطبيعة و الجبال …
و كاين بزاف اللي يحبو بخرج يباتو و يجربو bivouac تخييم في الطبيعة في التلج خاصة ، و بزاف اللي عندهم خيمة tente مليحة و sac de couchage كيس النوم مليح بصح يحسو بالبرد ؟؟ و ما يفهموش علاش 🥶

لانو برد كبير يطلع من الأرض اللي تكون راقد عليها🙂🙂🙂

أنعم ايه يطلعلك و الساك ديالك ما يديرلك والو ايذا ما كانتش عندك ماطلا عازلة مليح أملا اللي ما علابالهمش بهاد العفسة اقراو مليح هاذ الموضوع راح تستفادو عجب 😁

شكون يعرف R value 🤔 واش الفايدة ديالها :

زمان كانو الماركات كي يخرجو les matelas نتاع التخييم متلا عندهمش référence نتاع قوة العزل على الأرض، يعني كل واحد يدير مجهود و يجرب ماتريالو و لا يمد للناس االي تبات برا باش يجربو إلى آخره بصح هادي ما ساعدتش الناس المحترفة في الاختيار …
في 2020 l’outdoor industry association خدمت مع ماركات كبيرة حاجة اسمها R value باش الناس تقدر تعرف الفرق بين الماطلات و تقدر تختار بطريقة سهلة ( و تلقاوها مكتوبة في الصاك نتاع الماطلة)

كيما راكم تشوفو في الصور كاين ماطلات بزاف ولكن كل وحدة و قوة العزل ديالها …
في الصيف متلا ماطلة نتاع : من 0 => 1,5 تكفي مليح
اما في التلج الهدرة تبدا من 4 فما فوق ….

و باش يكون في علمك بزاف ناس اللي يدو ماطلة خشينة (intex ) و دير في بالهم بلي مليحة ( الخشانة نتاع الماطلة ما عندها حتى علاقة مع قوة العزل ) 🙂

و الحاجة المليحة انو تقدر دير زوج مطلات باش تطلع الدرجات انا متلا عنديle matelas mousse اللي موالفين تشوفو ه في التصاور نديرو في الصاك من برا و نزيد matelas gonflable trek 500 و لا Mt 500 على حساب البلاصة اللي نروح ليها و نربح زوج درجات و نحمي الماطلا نتاع في النوم من الشوك ولا الحجر اللي نقدر ما نشوفوش…

لازم تعرفو بلي كي تكونو راقدين، sac de couchage ما يحميكش من البرد من الجهة اللي تكون راقد عليها و هنايا الماطلة العازلة اللي تلعب دور كبير …

يعني راني اختصرت قد ما نقدر باش ما نعقدهاش عليكم و تقدرو تختارو الماطلة قبل ما تشرو يا جماعة خيرو الماتريال دايما على حساب الاستعمال ديالكم الشخصي ، و الوزن ، و volume, و القاعدة المهمة ( الماتريال ما يتسلفش شخصي و خاااااااص)

ايذا نسيت كاش حاجة نجاوبكم في التعليقات و اللي عندو معلومة اضافية مرحبة 🙂 اقراو بؤك واش مكتوب في الصور للاستفادة .

#هملة