تعقيب حول الاختيار الاول
عندما يصبح الممثل يجري وراء الدورو $$ لا تتعجب مما تشاهده… السينما فن و لا قيمة لها سوى انك تقدم للمشاهد موهبتك سواءا في الدراما أو الكوميديا أو تراجيديا… لكن ان تلحق بك وين تمثل مسلسل رمضاني بين قوسين وانت كممثل تعرف انو رمضان راح يكون كل ما يعرض فيه على طاولة النقاش الأكاديمي الفني
تسمح لنفسك تشارك في سيناريو فارغ لا حكاية لا يوجد ترابط بين الاحداث من حيث طابعها الزمني رضا اخ فوزي كيف ذلك اين المنطق ترابط هنا كيف طارق صديق ل رضا ومن هو قرنيط كشخصية ذات خلفية غامضة لاحبكة لا يوجد ترابط بين الاحداث من حيث طابعها السببي بما ان قرنيط شخصية رئيسية ما سبب مرضه لماذا تم حصر الشرطة فيخمس افراد يقومون بكل شيء تحقيق مطاردة متابعة مروجي مخدرات ….. ما دور سيليا كنزة مرسلي في كل ما هو حاصل … ما سبب ثراء رضا المدينة ماذا يعمل ما طبيعة عمله التي لم نراها …. ما دور ابن رضا في المسلسل وجوده من عدمه لم يكن يؤثر على سير المسلسل …. كثير من الشخصيات التي كان من المفترض ان تبقى ثانوية نراها مرة على مرة تم تكرار وجودهابدون تأثير على مجريات الأحداث…. سالي التي مات ابنها كان يجب ان نراها مرة على مرة و هي مريضة في الحي الشعبي كان وجودها سيزيد المسلسل حزنا ….. المسلسل يحكي من جهة اخرى عن تجارة المخدرات لماذا لم يتعمق في هاته التجارة ما شفنا والو بر سمعنا بلا بلا بلا …. المسلسل كان يحكي على تجارة بالاعضاء وفجأة تغيرت القصة 180° درجة لا صراع بين الأطراف فقط هناك فوضى… اكيد مسلسل يلقي ضوء على عدة قضايا لكن هناك قضية رئيسية اهملها كان يجب ان يتمحور حولها المسلسل… كذلك المسلسل عالج لينا ظاهرة التنمر سمينة وتناول الاطفال للمخد رات بطريقة عفوية ؟؟؟؟ هي يا تحكي عليهم يا م تحكيش عليهم اين هي ام السمينة من باقي الحلقات و لماذا لم تزر انيا ام صديقتها السمينة بعد خروجها من المشفى!!! … كل مسلسل أو فيلم يبنى على صراع بين الخير و الشر صدقني ما عدة اعرف ما هو الخير وما هو الشر في المسلسل سيناريو عمر قد ما تقدر وخلاص يا لوكان …..
نتا من نيتك يخدمو عمل فني يصلح في دزاير باينة مسلسل هذا مخدوم 15 يوم قبل رمضان صوروه كامل في يوم واحد باينة يجي مكرفس كيما هاكا
من نيتك حاب تناقش و تنتقد عمل كيما هذا 😂😂 يا خويا هاذو تشغيل شباب برك جماعة فارغين شغل حابين يعقبو شوي وقت دارو حاجة هكذا برك واحد فيهم ماعلابالو واش راه يدير 😂😂😂
نتا هذاك الدامة لي كثرو عليه الهدرة وظهر مكاين والو سيرتو النص الثاني بلا نحكيو على النهاية لي ماعندها حتى معنى
سيريو هادا تفرجتو ودرتلو قيمة وراك تحكي عليه؟؟
جاب كامل الظواهر و حطهم هكاك برك
الإكتئاب ميجيش هكاك برك ، و اللي يهدر على بيع الأعضاء يوضح انا بسيف بش فهمت ، و زيد سليا هاديك زايدينها هكا شباح ، الوغ لا زعما كيخدع مرته
و بنت اللي ولا تدروgي شعب عايش في هموم مراحش للمخدرات
+ الجانب الديني وين راه من هادا كامل ، كانوا قادرين يديروه فقضية الانتحار هاديك
و زيد هداطارق حكايته وحده ، و فوزي زعما حب يديروا فبلاصة هكاد التونسي ، ورضا الغني تع العالم ، موين الترفاه هادا كامل
عجبتني حكاية الطفل كي مات ، خاطر يماه أدت مشهد بزااف شباب ، بصح لوخرين والو
المقال تاعك هذا أطول من السيناريو تاع هذا المسلسل المجهري ديجا كي تلقى رضا سيتي 16 في أي حاجة مكالاه تكسر راسك بيها
بغا يدير شحال من مسلسل في مسلسل واحد و هذه هي النتيجة 🙃 روينة 🤣🤣🤣🤣 كي شغل كيما منين كنا نلعبوا عشة فالزونقة نجيبوا من عندنا و صايي 🥴 المهم هاذوك اللي شافوه باش يضحكوا و لا اللي شافوه من باب الفضول و لا اللي شافوه باش يسبوا كلهم دخلوله دراهم على تفاهته 🤣
ياو السيناريوهات الجزائرية كلها حتى اللي شكرتوها عندهم مشكلة فالقفلة دائما تبحرلهم من تالي و يجيبوها من سوق الحميدية بركاكة ديجا يكملوا قبل ما يكمل رمضان ديما
منكم سيريو تهدرو على مسلسل تاعو سيد لاعلاقة له باتمثيل وبالاخراج وبلغناء بالعربية هذا لا علاقة له بالفن وهو راهو يحتم في روحو باسيف
هي كامل المؤشرات تقول بلي نتا ماشي تع صوالح هذو دير كاش كومارس ولا حرفة وخلي راسك
تشفا كي دار هذيك التجربة الإجتماعية و كل حلقة يحكي على أحد الظواهر الإجتماعية . .
دار نفس الحاجة لكن هذه المرة جرب يديرها في سلسلة كل حلقة عندها علاقة مع أخرى ، لكن لم ينجح لأنه لم يأتي بأهل الإختصاص في كتابة السيناريو …
سمعت وحد قالهم مسلسل اختيار خير من حداش حداش 😂
هاذ النص لي كتبتو وخسارة فيه
وانسى نضيع انترنت على مسلسل جزائري
Tafah
و هاذوك الناس لي يسكنو فالبرارك ما دورهم فالقصة !!🫤🫤
هذا المسلسل نورمالمو يجي معاه كتاب صغير باش تفهم كيفاش يمشي
مايستاهلش تعيي روحك وتكتب مقال على مسلسل جزائري
متزيدوش تغلطو و تتفرجو اعمال رضا هو كلون و حاب يفرض روحو بدراهمو حشاوهالنا الممثلين ليجابهم جاب الممثلين المحبوبين و هاد الممثلين جابوله الانتقادات و زادو بينو شحال هو فاشل كان مخبي في اعماله السابقة لانه مكاش ليحوس يتفرج عليه
هذا بنادم حمبوك 🙂
بلا ما نكمل نقرا الخطأ راهو فالجملة الأولى. من وقتاش ولا رضا سطاطاعشر ممثل؟
كي تعطي لواحد حابس في الليسي سكتبلك سيناريو