تلاقيت بكثير من الفيديوهات لناس يزعمو انهم دخلو الملايين في اول شهر ويشرحو في مواقع هو بعد مش عارف كفاه يخدم الموقع هذاك.
مثلا لقيت الكثيرين يشرحو في موقع Fiver ويوهمو في الناس انو دخل بيه دراهم بكل سهولة!
موقع Fiver هو موقع خاص بالناس لي عندها مهارات مثل: البرمجة، الترجمة، التصميم، صناعة الفيديوهات…. الخ + انو لازملك وقت باش تقدر تجيب الزبون الاول لكثرة المنافسة.
من بعد يجي خونا يقلك دخل دراهم بكل سهولة.
متصدقوش اي حاجة تلقاوها في الانترنت لأنو الكثيرين يكذبو من اجل ديرلو Like وإكسبلور .
Posted in Tech
نحير في ناس لي مزالو يصدقو تاع دورات تجارة إليكترونية
تحس يخمو من جهة خلفية
100 ملبون في ساعة 😂😂😂😂😂
واشنها الخدمة لي راح تقدمها للعميل تديلك ساعة تاع وقت وتخلص عليها 5000 دولار؟ 🤔
خاصة فالتيك توك ناس كارثة علاجال المشاهدات غير يتيريو برك تسمعهم يهدرو تحس روحك مشك بنادم هههه جاب ربي لعبد عندو شوية عقل🤣
عندك طريقة ندخلو بيها دراهم من الانترنت بما انني ما لقيتش خدمة بتخصص تاعي قلت ندخل في هدا المجال و نشوف اذا نقدر ولا لا
الهنودة في فيفر قادر يطورلك تطبيق يتحكم في دوران الكرة الأرضية ب 5 دولار
ونسيت بلي يزيدوا يقنعوهم باش يشروا دورات تاعهم
ب 6 و 7 ملايين 👉😂
لوكان جت بهاذيك السهولة متلقاهش يتبهلل فالتيكتوك
لي راهو يدير فالدراهم ماهوش محتاج يحط فيديو في يوتوب يجيب 1 مليون مشاهدة باش يخلص عليه 60 مليون
راهو جا في بالي ديراكت السيد لي راك تهدر عليه 🤣🤣🤣🤣🤣
خخخخخخ السيد كي يدي مليار فشهر لاه يقولنا كيفاه ندوها حنا ثان؟
أصلا fiver
موقع فيه منافسة شرسة من الهنودة والنغلادشيين انت وين طيرلك معاهم
انت تحط خدمة تاع 10 دولار وعلابلك بلي ذيك هي سومتها
يجي هندي يخدمها بربع المبلغ 🤣🤣🤣🤣
الفريلانس او العمر الحر يتطلب مستوى مهارات ممتاز باش تقدر تنافس وخصوصا عالميا و تزيد تصبر اشهر ربما باش يجيك اول زبون و ماشي دايمن يطيحو عليك لكن كل شي ممكن
نزيدك
سيد لي يهدر هكا اسمو عبدو
ماشي غير جزائريين، عبر العالم، حتى أمريكيين ونفس الشي، تلقى عندو ملايين المشتركين تحسبو حاجة، وهو ڨعرة في ڨعرة، يدخلو الدراهم عبر الثرثرة عن تدخال الدراهم.
اما ثاني نحوس طريقة بصح جامي لقيت بطالة
تاكل الشعر مع الهنودة 😏
ـ Fiverr و خمسات خدمت بيهم جوايه 2013 كانت فيه خدمة مليحة بصح كي غزاوه الهنودة وباكستانيين مستحيل تخدم معاهم يخدمو بزاااف ومحترفين و بأسعار أرض
مليح لي يطلب خدماتهم بصح باش دير فيه دراهم ماتقدرش
غباء طرق صيدهم واضحة اصلا
دخل 100 مليون فنهار و يتيكتوكي و يشرح راك فاهم و يطلب في ابوني و اكسبلور ملفوق
ديجا موقع صهيـ.ـوني
Kach solution stp 😓
الهنودة غزاو كلش
زيدلهم جماعة تاع تداول
ك نتفكر بلي راني حطيت 300 الف في نيوفيزيون الجنب يرڨدلي
همهم لايكات برك
+ حنا كجزائريين منقدروا نافسوا الهنود وباكستانيين في فايفر واپ وورك والمصريين في خمسات بغسك حنا قليل وين تلقى عبد يبخس بروحه ويخدم بزوج دورو
هذوك يبيعو الدورات برك