# حوس_ بلادك
جيت للجزائر العاصمة و تلفتلك وين تروح ؟!!! تبع معايا :
🔴 الفترة الصباحية (8 سا / 14سا) :
– شاطئ القادوس عين طاية
– شاطئ لاكاسرول (لافيجي / الرايس حميدو)
– حجرة بونطاح (جزيرة صخرية تروحلها بالقارب من شاطئ الشط 1500دج ذهاب إيباب ل6 أشخاص)
– شواطئ كاب جنات (لي جاين بعد الميناء حتى لدلس)
– مسابح كيطاني باب الواد (100دج صغار / 200دج كبار)
– وديان حمام ملوان و مقطع لزرڨ (40دقيقة من العاصمة)
🔴 الفترة المسائية (15سا / 20سا)
– المسجد الكبير : يفتح أوقات الصلاة ماعدا صلاة الجمعة.
– حديقة التجارب الحامة : 150دج الدخلة + 100 (حديقة الحيوانات)
– ميناء سيدي فرج + جولة بالقارب 1000دج (5 أشخاص)
– حديقة الالعاب الصنوبر البحري
– حديقة الحيوانات بن عكنون
– مدينة الالعتب
– المركز التجاري باب الزوار
– المركز التجاري Garden City شراڨة
– جولة في القصبة مع وكالة سياحة
– ساحة الشهداء و مسجد كتشاوة العتيق
– حظيرة الشريعة / البليدة (ساعة من العاصمة)
🔴 الفترة الليلية (20سا حتى منتصف الليل)
– مقام الشهيد : ساحة و إطلالة على العاصمة + متحف.
-السيدة الافريقية : إطلالة رائعة على البحر خاصة في الليل.
– منتزه الصابلات
– واجهة البحر فوردلو (ميني صابلات)
– مثلجات محروسة (صالومبي ترفدهم و تروح للمقام)
🔴 مدينة تيبازة (45دقيقة من العاصمة)
– قبر الرومية Tombeau
– الآثار الرومانية
– جولة بالكايات في كورنيش تيبازة (الفترة الصباحية)
– جولة بالخيول في مزارع و شواطئ تيبازة (الفترة الماسئية)
– قرية تالين للمنازل الخشبية تيبازة
🔴 مدينة بومرداس (30دقيقة من العاصمة)
– مقاهي ساحة الدلفين
– واجهة البحر (بولفار و مطاعم مثلجات)
– حدائق الالعاب للاطفال في غابة قورصو
إحترموا السكان و حافظوا على نظافة المكان ✅
و شكرا
اكتب منقول من عند حوس مع الدقس – DuksTv89
مسروقة من عند الدقس
لوكان نحيتي (و شكرا)
العاصمة ماش تاع صيف
يعطيك الصحة اختي برنامج خير من برامج الوكالات السياحية
و الناس لي تلوم فالاخت و يتهموا فيها بالسرقة من عند الدقس هذا فايس بوك ماشي الديوان الوطني لحقوق المؤلف و الحقوق المجاورة و المجموعة فيها شروط للنشر ممكن لو كتبت مننقول و لا شاركت المنشور مباشرة من صفحة الدقس يرفض الادمن نشره
انا مثلا ماشي متابع الدقس راني استفاديت مالاخت يعطيها الصحة
اكتبي منقول من صفحة الدقس
برنامج جميل، شامل، أماكن جميلة و مختارة بعناية. لكن يلزمها حوالي أسبوع و ليس يوم واحد، لأن التحرك في العاصمة وحدها يعتبر من معجزات الصبر في آخر الزمان، ضف لذلك بومرداس و تيبازة و ضواحي العاصمة. مستحيل حتى خارج أوقات الذروة
الأمانة العلمية قول نشرتها من صفحة حوش مع الدقس
برنامج مليح تنحي منو حديقة بن عكنون ما فيها والو تعيي 😌
عجبتني تاع تيبازة 45 دقيقة من العاصمة
يا خويا من ساحة شهداء لعين طاية تدرب 2 سوايع
قرية تالين غلقوها
اذكري المصدر على الاقل
بومرداس تبعد عن العاصمة ب 30 دقيقة وكاب جنات تابعة لباب الواد مثلا فهمو الناس بالي كاب جنات ثان بعيدة على العاصمة ب حوالي ساعة
ممكن برنامج لواحد ما عندوش سيارة و معاه عايلة
فضلا
اكتب منقولة من صفحة الدقس
العاصمة في الصيف لا تصلح للسياحة
الى روحت لبلاصة برك في نهار راك مليح. 🤣🤣🤣 سركالة
نحي محروسة برك مادرناش صاحبي من لخر ياخو أرواح ليا لسيتي حياة عين نعجة ادخل برك نزهيك ذوق لاكرام تاع صح لي حب يجي مرحبا بيه ارواح و انا نخلصلك
كثر خير الدقس
مام مول المنشور كثر خيرو كي عاود نشرو
لا لسرقة المحتوى اودي 🤣🤣🤣 ، الدقس دك يهبل عليك
زيدي قولي منقول من عند الدقس من باب احترام صاحب الفكرة و المنشور
إيه احترموا السكان و السكان يحتارموا الضيف و شكرا
مرحبا بكم في الجزائر العاصمة 💕💞
دقس
درتها كامل والله ما عجبتني
يعطيك الصحة
شاطئ نظيف وعائلي في تيبازة ،ممكن اقتراحات؟
قاع شفناها عند الدقس 😂😂😂
قول منقولة عن الدقس و حط رابط تيعو
كملي منقول من صفحة الدقس
Parking
تاع صالومبي وكتاش يديرو حل للصعاليك اللي ثما
كامل رحتلهم تقريبا المنشور في القمة يعطيك الصحة لكن خص ذكر وسائل النقل الممكن استعمالها لكل بلاصة كاين اللي يحب يدور بلا سيارة..
ديري منقول
هادا جاء العاصمة و بعثتو لكاب جنات، شريعة، تيبازة، بومرداس…..
برنامج خطأ !
تاع الدقس هدي
كي تسرقو منشور، اكتبو المصدر.
وشكرا
نورمالمون تنحط بلي منقول من عند الدقس
منقول من صفحة حوس مع الدقس – DuksTv89
جام في طريقكم ….نحتاجو هذا المنشور
تيبازة 🤍✨ قبر رومية
هل توجد محطة ميترو بمطار هواري بومدين ؟
من الجي لكاب جنات تدير زوج سوايع خويا لعزيز والروتور اذا كنت بنهار الجمعة تلحق نهار السبت لدزاير
تعليقات كارثة مكانش لقال يعطيها الصحة كامل ركزتو على المنشور مسروق ايه وراه المشكل أنا وحدة من ناس استفدت من المنشور ماشي كامل الناس تبع الدقس سبحان الله دائما تشوفو الحاجة من زاوية سلبية ومغلقة وتلعبوها قاع فاهمين
يعطيك الصحة على البرنامج …صح شباب
بصح السيدة الأفريقية ماشي تاع ليل
ما خسرت والو كي تكتب منقول من صفحة حوس مع الدقس – DuksTv89
السيد تعب على المنشور على الأقل حط أسمو
شكرا على المعلومات، لكن كتجربة القصبة من الأحسن تكون في بداية اليوم خاصة اذا ستعنت بدليل ستأخذ وقت أكثر… شخصيا اخذت مني وقت كبير من عاشرة صباحا إلى الرابعة زولا و كانت جد قيمة.
و أيضا عندي ملاحظة عندما نخطط ليوم يجب احتساب وقت الطريق لأنو العاصمة و ما جورها من مدن معروفين مشكلة السير الخانقة (encombrement).
شكرا مجددا
شكرا
ههههههههه مكتوب غير لبلايص تاع صوصيال و الكعب إنشاء الله واحد ميدير عليه علاخطرش مهوش حيولي لدزاير
مكتوب يحوس العاصمة باعتينو ولاية بومرداس و تيبازة برنامج خطأ في خطأ