🔴 درت إستطلاع حول عرض الدرون في إفتتاح الألعاب الرياضية العربية باش نشوف اذا أعضاء المجموعة عندهم فكرة على التقنيات التي يتم من خلالها التحكم بالدرون…
🔵 بصفتي طالب إعلام وإتصال.. كان هدفي من الإستبيان هو قياس المعرفة التكنولوجية والتقنية في أوساط المجتمع الجزائري (خاصة الشباب) وكان الموضوع فرصة مواتية..
🔴 وإذا بي أتفاجئ بعدد كبير من الأشخاص يقومون بإضافة خيارات لا علاقة لها لا بسبر الآراء ولا بموضوع النقاش.. بلا ما نحكيو على التعليقات اللي كلها تنمر وسلبية وعشوائية..
🔵 لهذا كان ولا بد أن ننوه أن هذه المجموعة متخصصة في مجال التقنية وكل ما يتعلق بميادين التكنولوجيا.. وليست مجموعة سياسية أو إجتماعية أو فكاهية كما يبدو للبعض..
🔴 صدقوني بوجود مثل هذه العقليات السلبية الإنهزامية اللي تشتكي من كلش وتضحك على كلش.. لن نتقدم خطوة للأمام.. ولو وجدت ألف صفحة مثل TECH 💔💔
الشعب هذا تونس بيه و مديرش عليه
الله المستعان
لأنه لا توجد قوانين ردعية في التواصل الاجتماعي
اغلقوا النشر في الڨروب مؤقتا وبداو تصفيو 🙄
المشكل تاعنا ولينا نحرشو و نتمرو على كل شي حتى الدين والله المستعان
يا اخي وين يكون حدث دولي تنظمو دزاير تلقا الحكومه تصرف الملايير و توفر في حوائج نحن كشعب نحلم بها على غرار الانترنت او اي شيء …بلادنا تحب تبان راهي لباس عليها قدام الجيران لا اكثر و بعد هذه الاحداث و الدورات نرجعو للكهوف و انقطاع الكهرباء و الانترنت و…الخ …لذلك نقلك رانا بعاد على العالم بياسر
شحال كرهت كلمة كهول
رجعو يستعملوها في أي موضوع يا جدك
صدقت… أصبح الناس يجعلونا من الفائدة ضحكا و من الضحك مهااازل … لا تطور في الذات و العقلية… لا نعلم إلى مدى ستنمو بنا هذه البذرات الفاسدة…💔
يا خويا المجموعة هذي بقا فيها غير الاسم، تشوف المنشورات والتعليقات تحلف ما تزيد تنشر ما تزيد تعلق تشوف بعينك وتسكت ومام يوجعك قلبك تتحمل وتبلعها.
بصح هنا نتا ايضا راكي تشكي من الطبقية الفكرية الموجودة … المجموعة تحتوي على عدة اشخاص بافكار مختلفة و كل واحد كيفاش يبدي اهتمامه بالموضوع هدا … مثلا شخص ماعندوش فكرة على التقنية بطبيعتو راح يخرجلك من الموضوع و نورمالمون ماشي اول مرة تصرا حتى تتفاجئ يعني
بيت القصيد اذا عندك معلومة حول التقنية لي يتحكمو بيها في عدد هائل من الدرون و يعطيك هاد الصور شاركها معانا
جيل لا تربية لا ثقافة لا هوية و لا حتى شيئ الا من رحم ربي همه الوحيد الجياحة لجلب الأنظار اليه
المجموعة هذي ماعادتش تاع تقنية .. راهي تاع جياحة وغمالة
كما يقال ..الإنسان عدو ما يجهل.بعض المكعبات كي يشوف حاجة ما يعرفهاش او غالية عليه بزاف او بعيدة على مستواه الفكري و الاجتماعي.يبدا يضحك و يتشقلب في التعليقات. للأسف أُبتُلِيتْ الجزائر بهم
Koun teblokiw ga3 el k3ab w el foukahiyin yen9oss el groupe b 30% bessah yweli hayel w bezaf tafa3oul psk noss cha3b ma ycommentich psk 3labalou yji ghamel yetlag 7lawtou
في هذا الڤروب تشوف كل شيء الا التقنية ،
التقنية الي تشوفها هنا؛
تصوير القمر بالهواوي و السامسونغ
التطبيل لايلون ماسك
اشهار لهواتف بوكو و شاومي بادراج كلمة الوحش
المقارنة بين صور اي هاتف يخرج مع هواتف اپل
خويا نت يعطيك الصحة و راك مشكور على العمل وخليك من الحثالة الانهزاميين المتخاذلين ونصهم ولاد بيجار يعشقون كل ماهو خرنسي و يكرهون كل ماهو جزائري
ماشي عقلية انهزامية لالجيريان كعبة
في طريقة التفكير تاعو كعبة
حتى ولو كان متمكن علميا يخمم تخمام كعب
شعب ميؤوس منه. نتا راك تهدرلهم على الاستبيان و واحد راهيقلك حرية التعبير حاسبها برلمان و لاخر يقلك الدرون خلعاتك تسما الاستبيانات يندارو غير على الدرون . صدقوني بهاد العقلية القروب ولا تاع الكعب و فرات.
Mansour Zer
شاركو معانا التقنية لي تنفع ماشي مخلفات تاع الناس عندهم سنين وين داروهم شاركو معانا أفكار تاع الذكاء الإصطناعي لي راه جاي بقوة شاركو معانا أفكار تاع مونتاج تاع تصميم شروحات تاع الحواسيب كيفاش تجمع حاسوب يفيدك فيما هو قادم يعني حوايج نحتاجوها فالحياة اليومية
سبحان الله السؤال هذا تبادر الى ذهني اليوم صباحا
كيف يتم التحكم بمركبات الدرون عن بعد ؟
استبعدت الاحتمال عن طريق الموجات اتصال اللاسلكي لأن الارتفاع الذي يرتقي اليه الدرون مرتفع جدا ، ثم الدرون يتحرك بدقة رياضية مدروسة …..هذا على حد علمي 🤷♂️
راه رجع الاحترام كامل مكش تسقسي على حاجة تلقاهم يضحكو ويتنمرو ويحكو في امور لا تعنيهم .. الحظر ثم الحظر
يااخي هذو كاريينهم ماشي تاع دزاير
حبشة تبقى حبشة
حابهم يهتمو بيك !
هل انت شابة صباح ! لا
هل انت شيراز ! لا !هل انت رديء ! لا !
اذا لا يوجد سبب لاهتمامهم
نحن في زمن الرداءة
هذه هي الفئة السرطانية لي تحارب تقدم المجتمع تهدر باش تهدر و خلاص
مزلت طالب برك هذا واش خلاك مزال حاب تخدم ، كي تتخرج و تحكم البالا نهار اللول تولي تهدر كيما هوما و تعرف الحقيقة ، يعني مزال مفهمتش واش راهم فاهمين هوما .
مثل هذه صفحات تحتاج افى تصفية دورية من طرف مسؤولي الصفحة وكذلك من الاعضاء الواجب عليهم تنبييه الادمن للتعليقات التافهة والمسيئة
وش دخل الإنهزامية في الهزل؟! نورمالمون نتا لي تلوم روحك داير إستطلاع مفتوح ماشي تبدا تشكي و تبكي