رحلتي الى #سريلانكا PS:البوست قابل للتعديل كاش ما نتفكر نزيد نحط في رمضان كنت

رحلتي الى #سريلانكا

PS:البوست قابل للتعديل كاش ما نتفكر نزيد نحط

في رمضان كنت في الخدمة كاره حياتي غالبني رمضان ، جيعان ،فشلان 😆 حليت متصفح و بديت نخرب و دخلت Google flight و بقيت نخير في بلدان خخخ تحسب باسبوري تاع ديبلوماسية 😁 أيا قلت نخير افضل 4 بلدان قريبة من اقامتي (الدوحة) و ندير هدة في اجازة العيد. كنت محتار ما بين بالي او تايلاند ، سنغافورة او سريلانكا، المهم درت قرعة و طحت في سريلانكا 🙌.🇱🇰🇱🇰.

المهم بعد بحث غير طويل قررت نرفد ساكادو و نروح نعيد في بلاصة مانعرفهاش و ثقافة جديدة و جو جديد.

حجزت في الخطوط العربية ترانزيت في شارقة ، ذهاب اياب حوالي 600 دولار.
رحلتي كانت الدوحة الشارقة كولومبو ، شوية طويلة و متعبة لتغيير الوقت دايما نحو (الشرق تعبك و نحو الغرب عادي ) و الجو و أيضا رحت صايم آخر يومين في رمضان 😮‍💨

المهم تعريف وجيز للمنطقة : جو استوائي حار و رطب و ممطر بشكل غريب، سريلانكا هي جزيرة كبيرة جاية تحت الهند جنب المحيط الهندي ، تمتاز بالتنوع العجيب و الغريب سبحان الله ، تلقى كلشي جبال ، غابات ، بحر ، توعية اشجار غريبة تمتاز بمياه المحيط الزرقاء و شواطىء عذراء ،عندهم تنوع بيئي خرافي، الحيوانات عالم ثاني تقدر تلقى كل أصناف الحيوانات لي في خاطرك تشوفهم مهم حية و صاي 🤩 .

سياسيا و اقتصاديا المنطقة عندهم اقتصاد متدهور و تضخم كبير يعني واحد دولار يساوي تقريبا 340 روبية و ذللك راجع للفساد السياسي و أيضا السيطرة الصينية على معظم المناطق الحساسة في بلاد بغرض الاستثمار .مما ادى الى وجود قرى كبيرة تعيش على أقل من 2 دولار في اليوم .

المنطقة تزخر بمناطق خرافية و عجيبة من غابات و صخور كبيرة للتسلق و غابات من اشجار الشاي التي تعد الاجود عالميا و شواطىء روعة و معابد للديانة البوذية و الهندوسية و أيضا مساجد المسلمين.

المهم رحلة كانت شبه ماراطونية يعني في 8 ايام شفت 60 بالمئة من البلد و استمتعت بالتسلق في صخرة الاسد المشهورة في مدينة sigiriya
زيارة المدن الكبرى مثل Kandy , colombo and Galle
زيارة و جولة في السفاري مع الفيلة و الحيوانات البرية مثل النمور و القردة و التماسيح في مدينة uduwala
زيارة مزارع الشاي الكبرى في مدينة nuwara elya حيث الجودة و أيضا رؤية الشلالات الكبرى و الحياة البرية
اخذ افضل رحلة قطار في العالم آلة مدينة Ella و تعرف على عادات و تقاليد الشعب سريلانكي.
نزولا جنوبا الى المدن الساحلية الخلابة كمدينة mirissa و استكشاف البحر و الجزر الصغيرة التي تتمتع بافضل غروب شمس
أيضا رؤية السلاحف الكبيرة و كيفية الحفاظ عليها من الانقراض .
مرورا بمدينة galle التي فيها برج كبير منذ الاستعمار البريطاني و الهولندي.الة استكشاف سوق الاحجار الكريمة من الؤلؤ و الاصفهان و احجار اخرى بألوان عجيبة.

السفر لازم في أوقات ما بين ديسمبر الى افريل او جوان اما باقي الإشهار فيها اضطرابات جوية مثل الاعاصير و الامطار

السفر كمجموعة افضل من سفر وحدك ،انا رحت solo traveler و عانيت ههههه ، المهم مليحة للعرسان الجدد ( فقط الاماكن السياحية ) او جماعة من 3 الى 5 و يهبلو بالمغامرات 😁

مهم لي باغي يزورها يخبرني نعيطه برنامج جيد مع التكلفة و النصائح .

دك نزيد نعدل الموضوع تجربتي عن طريق التعليقات ان شاء الله