#رسائلكم
سلام عليكم
الوالدان مقبلان على الحج هاذ العام ان شاء الله ❤️، و لانه ليست لدينا ادنى فكرة عن المستلزمات و صرنا نوعا ما تحت الضغط😓 اتمنى المساعدة من طرفكم خصوصا من ذهب مؤخرا ( اغلب من نعرفهم ذهبو منذ سنوات يعني معلومات قديمة جدا)
1- الحقيبة : هل يجب اخد اغطية ، مناشف ، صابون الاستحمام… ام ان ما في الفندق يكفي ؟ ( بابا 🙄 ) ، الملابس هل يجب الاكثار ام 3/4 بدلات تكفي ؟ ماذا يجب ان لا ننسى؟ ( خصوصا الام )
2 – الاكل : هل هناك حاجات لا استغناء عنها يجب اخدها ،ام ان فطور الفندق و الاكل ف الخارج يكفي ( والداي ليسا من محبي الفاست فود كثيرا لكن بابا يصر على انه ” كلش يتباع ثم مش لازم ندو ‘ “😅 )
3- الادوية : قمت بوضع قائمة مسبقة ،يا حبذا الاضافة عليها.
4- ابي لم يسجل مع وكالة سياحة و قام بكل الاجراءات لوحده و قرر الذهاب مع دولة ، هل ممكن ان يتعرضوا لصعوبات هناك ام ان الامر تمام .
5- هل هناك تطبيقات يجب تحميلها و تساعدهم (باه نوريهم ل ابي، يقدر يسلك راسو ف هاذ الامور .)
… اي معلومات اخرى ساكون ممتنة لها ، ابي صعب المراس و الخوف الكثير على امي انها ستتعب ، سأقرا جميع التعليقات و اريه ما قد يغير رايه ، شكرا لكم جميعا مسبقا و جزاكم الله من فضله الواسع ❤️
مع السخانة و العرق يكثرو من التبديلات، حتى لباس الإحرام واحد ما يكفيش باش يغسل و يلبس
حج مبرور و ذنب مغفور بإذن الله
الاكل ثم الاكل ثم الاكل كلش غالي لتم و حاجة ما تنتكل
يدو كلش منا شوية خضرا لحضة معجنات طون فرماج طعام قهوة محمصة ملح سكر اومو صابون تمر
انا كنت مخلصة لعشاء و مكنتش ناكل ماكلتهم مرضتني
و الدوا يدو لكثرة تاع لاڨريب خصوصا سيرو تاع السعلة عسل تيزانات خاطش السخانة و داخل المسجد ليكليم يهلكهم
و اللبسة ما يمكثروش يغسلوا و ينشروا ثمثم ينشفو و اذا رايحين اوتال مكالاه مناشف كاينين بزيادة مام لفراش كاش ما نتفكر نزيد نقولك
بخصوص الأغطية والمناشف متوفرة في الفنادق. غير لكان يدي منشفة شخصية. الأكل يديو الأشياء لي متفسدش بسرعة و حلويات جافة سكر و حليب بودرة و قهوة سريعة.صحون و مغارف و فراشط تاع بلاستيك اللباس يديو 3/4 بزاف و كاين الات غسيل فالفندق يغسل دقيقة يشيح. حذاء مريح و كلاكيت. وأدوات الاستحمام. وباينة الىورو للمصروف لكل شخص 150 تكفي و توفي
صح كلش يتباع تما الوالدة مين راحت دات اكل قليل قيس اليامات الأولى و بعدها كلشي يشروه من فماك الأحذية لازم تكون خفيفة و مرييييحة لانهم راح يمشو بزاف و ديرلهم التقرحات في رجليهم يكترو دوا تع لاقريب الدياري حاشاك و دواهم إذا عندهم أمراض مزمنة ريزيستونس باش يطيبو
الأكل من الافضل يديو منا تدي معاها فاه تطيب قدرة وبراس والقهوة اذا كانو مدمنين عليها وريزيستونس ثاني خير من الماكلة تاع برا وزيد على حساب الام تاعي مايكلوش بزاف يلقاو رواهم مسڨفين على الماكلة
4 بدلات لكل شخص تكفي وتوفي وماكلاه الغطا لانو الفندق فيه و زيد غير يثقل عليهم ويديلهم البلاصة, تطبيقات كاين Bolt , ubber خاصة بالنقل يلي كيف ياسير , بالمناسبة ال bolt اقل من ubber و كيولو بش يهزو طكسي يقلو قبل ما يطلع على السعر لانهم يزيدو بزاف هو المفروض كل سيارة فيها عداد ولكن خدعة عيني عينك يدور بيك دورة كبيرة ما عندها حتى معنى و باعد يقلك 70 ريال انا شخصيا صراتلي , السوق مش بعيد على ثم اذا كشما خصهم , وقلهم دايما يحفظة الباب يلي خرجو منو في الحرم , طبعا قلهم ما ينساوش التطعيمات الازمة , كاين تطبيقات كذلك وحدة اسمها اسعفني و لخرى ابشر و كاين بزاف تلقاهم في اليوت يوب يعاونوها في حالة طوارئ او اي شيء , لماعن يدو حوايج لازمة و تجي لكلش , واذا عندهم الصوارد يشريو من ثم لانو كلش كاين و السومة عادي يلي ميسورين الحال
الاكل شخصيا نتاعهم يعجبني ياكلو بزاف الروز يعني تشري مصلا طبخ ب20 ريال فيه بزاف روز يكفي لشخصين وكاين اطباق اخرى بالنسبة للخضر والفواكه السعر نتاعهم رخيص ولكن الامور الاخرى المعلبة غالية , تقدر تزيد تدي حوايج معلبة من هنا والتمر ثاني يعاونهم و الرفيس والقاطو
مظلة نتاع شمس لااااازمة ضرورية الجو حار جدا كارطابل احبذها احسن من ساك لانها تحطها في ظهرك وخلاص تحط فيها الامور يلي غالبا يحتاجوها اما الدراهم و الاوراق الاساسية كاين يتباعو في السوق هذول الساك يلي تجي في الرقبة مليحة عالكيف , الصوارد ديما يقسموها في بلايص معروفة , شخصيا ثاني نفضل يشريو حاجة بش يولو ديما مع بعض مثلا خيط ويربطو كل طرف مع بعض او كذلك شيء يميزهم على الباقي ,
قلهم بالاكم تخليو قش في بلاصة لانو قادر يجيو يلي نظفو يرموها وخلاص , خصوصا كتدخل للحرم دخل معاك حاجة خفيفة يعني كرطابل ساك , كاين نعرفهم دخلو حاجة كبيرة شوي خلاوها رجعو ما لقاوهاش وكاين يلي مرات واحد يروح يتوضى يرجع ما يلقاش القش تاعو لذلك كرطابل تعاون , بالنسبة لشريحة المكالمات انا شخصيا نفضل الاثنين يشريو وحدة ولكن مثلا خلي الواحد يشري وحدة فيها انترنت و / أو مكالمات دولية اما الوالدة تشري شريحة فيها مكالمات فقط لانو لقدر الله وتودر واحد فيهم يلقو كيفاه يعيطو لبعضاهم
شفت تعليق على الدوا , مذبيك اديه بوصفة طبية بش في المطار ما يقلكش علاه جايب هاذو الكل وصحيح لازم الدوا لانو البر سخون في الحرم الله يبارك بااارد فمعرص للمرض لذلك من الافضل الدوا .
اوصي بحذاء طبي لانو لثم راح تتعب بزاف المشي
بالنسبة مرات واحد يقلك هدايا , ننصح ما يثقلش على روحو بزاف اولا الانسان رايح عبادة و مرات الانسان ماعندوش بزاف وكاين امور مليحة و لكن دايما اسال على السعر و كاين اسواق مش بعيدة على لثم ورخيصة و اسعار مليحة و الباقي يشريو من هنا .كذلك بالنسبة لتغيير العملة تقدر لهيه تغير مثلا لثم انا ما شفتش سوق سوداء كاين صراف تبدل فيه الصوارد ولكن زيدو سقسو لانو انا مثلا ديت معايا الاورو .
لذلك مثلا بدل من انو تشتري الصوارد من هنا اورو من السوق السوداء تقدر تبدل من لهيه بسعر البنك من الدينار الجزائري لريال السعودي وكتولي راحع الصوارد يلي قعدت غيرها للاورو بش كتجي هنا تستفيد
لانو هنا حتغير بسعر السوق السودا وغااااالي و تخسر بزاف بصح لثم بسعر البنك يعني نتوقع حتكون احسن والله اعلم ( هاذي مش تجربتي الشخصية وياريت شخص يقلي اذا راني صح ولالا )
وكشما حبيتي تسقسي ابعثيلي او يبعثلي في الخاص و نجاوبهم ❤️
اللهم تقبل من حجاج بيتك وارزقهم فضل يوم عرفة وأتمم نسكهم واجعل حجهم مبروراً وسعيهم مشكوراً وأجزل الثواب لمن سعى في خدمتهم
Dopa Mine
زيدي فكريني كشما نسيت
بعثتلك بريفي اختي
ربي يسهلها إن شاء الله
يدعولنا برك
الحج راح يبقاو شهر يعني لازم يديو دراهم بالكفاية و الاكل قد ما نقصو و داو معاهم خير لانو الاكل تما قليل لي يقدر ياكلو عن تجربة شخصية اتحدث و الادوية و الفيتامينات من زنك و فيتامين سي و الالبسة كاش خمس تبديلات و حذاء مريح او بالاحرى نعال مريح لانه الجو حار بزاف تما ومظلة تحمي من الشمس
كلش يتباع ثم: حقيقة
ريزيستونس بلاه ممكن ينحوه لهم في المطار، ثمنه تم كيف كيف
عملت عمرة في رمضان بصح مش كيف الحج، للنساء تاخذ ٣ لبسات كافيين راه الحرارة القش في ساعة يجف، كنت في غرفة مع جدتي وعمتي والاوتيل وفر لنا الفوط و لكن تلاقيت نسا في غرف فيها ستة وفي أوتيل آخر مكانش فوط في الحمام زيد مستلزمات النظافة الشخصية دوليبران دوا الإسهال وكريم للتقرحات، حذاء طبي مريح ، الأكل موجود تم بصح ياخذو معاهم حاجات مثل كاليط وحلوة ومكسرات شاي قهوة براد برس ، الخبز صراحة معجبنيش عندهم.
اللهم حجا مبرورا وذنبا مغفورا
حججت سنة 2019
الحج غير العمرة لا علاقة له ب العمرة
فيما يخص الأكل الأكل متوفر و بكثر في الحج ليس كما العمرة يعني فقط اذا هوما يحبو يزيدو
قضية الأدوية بالنسبة لي أدوية الزكام و الحمى و الصداع أدوية تاعهم أحسن منا بكثيير
فيما يخص اللباس يدي معاه زوج تاع إحرامات يبدل فيهم
و يدي معاه 3 أقمصة يكونو قطن و خفاف لان موسم الحج حار نوعا مااا يساعدوه بزاف…
أهم شي بالنسبة لي يدو نعالة تكون خفيفة بزااف و رطبة ف الملبس الحج عندك ما تتمشى ب الأخص رمي الجمرات كانت أصعب شي ف الحج حينها هي و المبيت في منن
الضيق بزاف ف مخيمات منن و تتمشا بزاف
أما الباقي كلش عادي و ب الاخص إذا يتمشو على كراعهم ما يحتاجوش الجرر
ب النسبة للوالدة أنا حججت برفقة أمي
تدي معاها أدوية تاعها إذا عندها مرض مثل السكر او اي مرض
تدي خمس او ست لبسات و زوج تاع إحرام
زوح تاع إحرام راني قلتها ب النسبة للرجل و المرأة
لانك تدخل ب التمتع ب الإحرام الأول تدير العمرة و تحلق و تتحلل و تنتظر يوم المبيت ب منن ل تحرم من جديد إستعدادا ليوم عرفة
الأكل أعيد و أكرر متوفر و بوفرة يعني ما يحتاجوش فقط يلا عندهم
الصابون متوفر و الغسيل و كل شيى
حقيقة واقفين على موسم الحج كما ينبغي
و إذا سؤال اخر تفضل نجاوب خوياا
و ربي يتقبل منهم يارب
و إذا يحتاجو شيئ إن شاء الله نلتقي بعرفة هذا العام
لبيك اللهم لبيك لبيك اللهم حج
Abd EL Wahab