زنجبار جنة افريقيا السمراء و مالديف أفريقيا غادي نعطيكم بعض المعلومات لي عرف

زنجبار 🇸🇨 🏝️
جنة افريقيا السمراء و مالديف أفريقيا
غادي نعطيكم بعض المعلومات لي عرفتها بعض قضاء 23 يوم في هذه الجزيرة الساحرة ستساعدكم إذا راكم ناويين تروحولها إن شاء الله .
زنجبار هي عبارة عن مجموعة من الجزر🏖️ تقع في المحيط الهندي تتبعة لدولة تنزانيا🇹🇿 و معروف عن سكانها أن الاغلبية من المسلمين لأنها كانت تحت حكم سلطنة عمان قديمًا .
تتميز زنجبار بمجموعة من أجمل الشواطئ الخلابة حول العالم .. بالاضافة أنه فيها أفضل مواقع الغطس🏊‍♂️ في العالم . و توفر لك جو من الهدوء والاسترخاء ممزوج بالسحر الافريقي ليس له مثيل😍 .

🔘تأشيرة دخول زنجبار ☑️

الجزائرين لا يحتاجون الى تأشيرة مسبقة للدخول إلى زنجبار ؛ عند الوصول تخلص فيزا سعرها 50 دولار في المطار
▪️حجز فندق .
▪️حجز طيران للعودة .

🔘الطيران إلي زنجبار✈️ ☑️

خطوط الطيران الممكن تسافر بيها زنجبار من الجزائر 🛫 ( الخطوط الفرنسية أو المصرية أو الخطوط التركية )🛬. أنا رحت مع التركية إيسكال في إسطنبول سعر التذكرة 10 ملايين
▪️تكلفة التذكرة تبدأ من 10 ملايين حتى 15 مليون ( من الافضل تشري قبل السفر بشهرين على الأقل باش تلقاه أقل .

🔘 الفنادق في زنجبار🏨 ☑️

فنادق زنجبار بتميز بالبساطة وبتعكس صورة عن التراث المحلي للجزيرة .
▪️متوسط اسعار الفنادق لي حجزت فيهم بين 30 حتى 110 دولار مبيت و فطور الصباح تاكل مليح محال تقدر تزيد تفطر موراه 😅.

🔘 الطقس في زنجبار🌦️🌧️☑️

درجات الحرارة في زنجبار مرتفعة طوال السنة لكن من الافضل ما تروحش ما بين مارس و ماي كاين تساقط للأمطار هذه الفترة. و كذلك جويلية أوت تلقى الغاشي و الاسعار تزيد بزاف الافضل تروح أكتوبر حتى فيفري تلقى الاسعار ناقصة في الفنادق و الرحلات.

🔘 العملة في زنجبار💰☑️

العملة الرسمية في زنجبار هي الشلن التنزاني .
▪️الدولار الامريكي الواحد💵 يعادل 2300 شلنغ تنزاني تقريبآ. و الاورو حوالي 2400 شلنغ ( ما تصرفش في المطار ما يعطوكش بزاف من الافضل تصرف برا كاين مكاتب الصرف في كل الجزيرة )

✅ اشري شريحة من برا و خلص الانترنت طيحلك وحد 20 دولار تكفيك باش تكونيكتي كل السفر و تلقى الويفي في كل الفنادق.

🔘 التنقل داخل زنجبار ☑️

الخيار الافضل للتنقل داخل زنجبار هو سيارات الأجرة🚖 تلقى الاسعار ما بين 8 حتى 35 دولار ( عندهم الطاكسي غالي ما تنساش تقاشح قد لي تنجم ما تحشمش 😆) ولا تكري سيارة بحوالي 25 دولار لليوم و تخلص 10 دولار باش يخدملك رخصة سياقة تاعهم ( دي معاك رخصة تاعك باش يخدملك عليها ) .

🔘 اهم الانشطة والبرامج الممكن نقوم بيها في زنجبار ☑️
💠 السباحة مع الدلافين🏊‍♂️🐋 ✅

💠 زيارة جزيرة السجن لي فيها السلاحف العملاقة و جزيرة الحب nakupenda 🏞️ ✅ حوالي 35 دولار للواحد ( يعطوك فواكه و المياه في الرحلة ) روح مع مجموعة باش تنقاملك أقل.

💠الاستمتاع بمنظر غروب الشمس🌅 ✅

💠 إستكشاف الجزيرة بالدراجة 🏍️🏍️ ✅

ممكن تستأجر دراجة و تحوس بيها الشواطئ القرى المحلية المجاورة . حوالي 20 دولار لليوم .

💠 الاستمتاع بالاطعمة في السوق الليلي و هذا سوق كبير فيه كل الماكولات موجود بستون تاون stone town في قلب زنجبار و سعر الاكل رخيص تما ✅
✅إذا ما عرفتش وين تاكل ساهل أدخل تطبيق google maps و حوس مطاعم الاقرب للمكان لي راك فيه يخرجولك كل المطاعم أدخل غير في التطبيق شوف قائمة الأكل و السعر و خير لي يعجبك ( ما تاكلش في الفندق غالي روح المطاعم المحلية الصغيرة بسعر جيد و كول الحوت 😆

‏✅mangroves و هي رحلة لنهار كامل من الصباح حنى غروب الشمس من أفضل التجارب لي عشتهم تماك يديك تعوم مع الحوت في المياه التركوازية و تروح لوحد المكان غابة في وسط الماء. فطور الحوت تاكل حتى تنتفخ و زيد طبق ما يكملش من الفواكه تاعهم عتدهم ذوق مميز و زيد تكملها بغروب الشمس في مكان روعة تنقاملك وحد 80 دولار للواحد فيها كلشي خالص يرفدك من الفندق و يعاود يحطك فيه.

✅ زيارة محمية الحيوانات تجربة رائعة يلا تقدر ديرها لأنها شويا غالية أنا خلصت 350 دولار ل 3 أيام داخل فيها الامل و المبيت و النقل و الدخول للمحميات تجربة مميزة تشوف الحيوانات في الطبيعة .

☸ في الختام نتمني أني كفيت و وفيت ليكم صورة متكاملة بطريقة مبسطة عن زنجبار . أي استفسار مرحبا أسئل و نجاوبك ان شاء الله في التعليقات
#زنجبار_zanzibar