سلام الجماعة الزينة شوية معلومات صباحية باش تسهللكم الخرجة الجاية في التلج : …

سلام الجماعة الزينة 😋

شوية معلومات صباحية باش تسهللكم الخرجة الجاية في التلج :

✅️كي تخرجو للتلج في الشمس ما تنساوش الكريمة الواقية للوجه خاصة الناس اللي عندهم بشرة حساسة راح تتحرقو

✅️النظارات تم النضارات خاصة الناس اللي ما يحملوش الشمس في عينيهم كيما انا … ديرو في بالكم بلي الشمس كي تضرب في التلج تولو ما تقدرو تحلو عينيكم يعني لازم نظارات اللي تحمي من اشعة الشمس ماشي نتاع تبياش 😁

✅️من المستحسن وجدو سندويش من المنزل خاصة الناس اللي دير روندوني في أماكن باردة ، كي تحبس لمدة طويلة و انت توجد راح تنحي يديك من القفازات و راح يتجمدولك، كي يكون واجد تاكل في وقا قصير و يديك يبقاو دافيين

✅️تفاداو اكل السكريات ( yaourt ,jus,gâteau) هادو من بعد نهدر عليهم بدقة باش تفهموني بلي صح ماشي ملاح و يهلكوك انت اصلا رايح باش تفيد جسمك و دير العكس

✅️الاكل لازم يكون فيه البروتينات لانو les protéines راح ينقصولكم من الاحساس بالبرد .

✅️البرد يخليك ما تحسش بالعطش و هنايا طيحو في piège 🥶 يزداد الاحساس بالبرد … تسما لازم تشربو حتو و ما تعطشوش

✅️ادي معاك مشروب ساخن، آتاي و لا حليب بالشيكولة و لا تيزانة الحاجة اللي تحبها راح تساعدك باش تحس بالدفاء

✅️ملابس اضافية في السيارة ولا في sac à dos باش ايذا تشمخت تقدر تغير و تحس بالراحة في طريق العودة خاصة ايذا كانت بعيدة

✅️تفادي لبس الطالون 🙈🙉🙊 يا مادام الطالون يرفدك بردخة تشوفي النجوم من بعد تجي تكتبلي علاجال صوركم طحت 😂 و بردت و حساباتلي التلج لعبة ( انا خاطيني)

✳️الناس اللي تدوش بالماء السخووووون و الحمامات و تموت على الدفاء الزايد و يلبسو بزاف الخ …. احساسكم بالبرد راك يكون اكتر من الإنسان اللي ولف الجسم ديالو شوية برد … متلا انا هنايا كنت لابسة تريكو واحد فقط و ما نحسش بالبرد غير كي نحبس شوية نزيد la veste… علابيها نقلكم الاحساس بالرد يختلف من انسان إلى انسان ، حتى النوم يلعب دور و الاكل ،،، كاين بزاف تفاصيل نجهلوها و من بعد نحصلو و نبداو نشكو 🙄 اللهم اني بلغت 😄

و بصحتكم الهملة في تلوجي شموسي 😋

و هنايا رانا تحت قمة تابابورت 🤩

#هملة