سلام انا صباح في البيرو جا وحد يسقسيني اي فكرة على مشروع يديرو بديبلوم باراميديكال معتمد
قتله
١ تروح بي للخارج تخدم
٢ تحل بيه لي يبيعو برودوي باغافاغماسوتيك
٣ تخدم انفيرمي و ديبلاسي
هو خرج حاليت تلفون تاهي لقيت هادو و مدرتش اي بحث عليه من قبل و لا خرجلي قبل
1اعلان عن محل بارافارمسي
٢ صفحة حاطة واحد خصو معلومات على البارافارماسي
و هادي سمانة جيت فايتة على ماشينة تاع قهوة براس قلت فراسي لازم نشوف فاليوتيوب عليها كيفاش تخدم و كنت وحدييييي قريت اسمها
حليت فايس لقيتها فماركبلايس
انا الصراحة خفت
اي تحليل
هل وصلت تكنولوجيا هدا الحد من الترويج او التجسس او مادا
Posted in Tech
نزيدك حاجة، تخمم في حاجة تدخل للفيس تلقاها قدامك وتحتها اعلان ممول 😁 هدا السحر الاصطناعي ماشي الذكاء الاصطناعي
Up……
نن جوست كي تخمم في حاجة و مبعد كي تدخل شغل الحاجة لي كنت تخمم فيها هي لي راح ينتبهلها مخك و تجي لولة بين عينيك فقط 🧟
هوما نفس الحوايج يخرجو دايمان بصح كي نديروهم في راسنا راح ننتبهو ليهم🐸👊
ارقدي ، راح الحال .
انا نخمم فيها بيني و بين روحي نلقاها 😅
انا راني في مرحلة نتفكر بنادم نتلاقاه في هديك اللحظة😅😅 والله اعلم كاين لي راه تصرالو
🔴نزيدك حاجة ممكن تبانلكم بيزار او مايصدقهاش لعقل نوعا ما ولكن شخصيا توجور تصرالي لي هي:
تيلفوني في جيبي. ايا راني نتمشى برا بعد مرور 24ساعة نجي نشعل ليدوني ندخل للمواقع لي عندي فجأة نلقى العباد هاذوك لي شفتهم فالشارع يخرجولي ليكونط تاعهم (طبعا نتذكرهم من خلال تصاورهم دايرينهم پروفيل) مع العلم انا مانعرفهمش. وهوما مايعرفونيش.
ومنه توجد عدة احتمالات منها:
شبكة الجوال تعمل كرابط بين اجهزة الجوال فتقوم بحفظ تلك البيانات ايا كي تشعل ليدوني تولي الخوارزميات تنتقل بين الناس كي شغل هاذو ناس پارطاجاوها بين بعضاهم بالبلوتوث.
الخوارزميات تتجسس علينا يا صديقي جورج.
مجرد رأي شخصي فقط.
انا العكس هذا الشيء سهل عليا الحياة كلش نلقاه حتى و تكون خممت فيه
مقهمتش واش عندكم تخافوا عليه