سلام جماعة الخير من فضلكم نحتاج مساعدة
شوفو انا عندي زوج فيسبوكات لنفرض إسمهم فA و فB. راني باعثة لنفسي من فA لل فB و العكس، راني باعثة مئاات المنشورات منها الدينية و منها الثقافية التعليمة، و منها الكثير من روابط الدروس و الفيديوهات التعليمية و غيرها الكثيير. بالمختصر منشورات مهمة بزاف بنسبة ليا تعبت باش لقيتهم و بعثتهم من فيس لآخر قبل ماتكون لخاصية تاع تبعث لنفسك غير من كونت واحد. و ذرك حبيت نغلق الفيسبوك فB نهائيا لأني منحتاجوش لهذا درت طرونسفار لكااامل المنشورات من فB ل فA. لكن لما رح نغلق فB رح يتحذفو كااامل 😭 كيفاش ندير؟؟ مكاش كيفاش nsélécionni كاامل المنشورات في ضربة وحدة و نعاود ندير طرونسفار من فA لل فA بالبيسي ولا كاش عفسة تصلح، و هل رح يبقاو بهذي الطريقة ؟؟! ماتتجاهلوش منشوري رجاءً بقدر مايبانلكم الأمر تافه بقدر ما هو مهم بنسبة ليا، و مشكورين كامل.
للأسف مكانش كيفاه تحددهم كل لازم بالواحد وتحول
ديري كونط ف C أبعثي فيه وبلوكي كونط ف B
تيليشارجي la discussion من historique
كاين حل واحد برك هو انك تدخليلهم بلواحد من فايس A وتبعثيهم لروحك يعني Aفي A وربي يقدرك
المرة الجاية ديري حفظ للمنشور ديراكت بلا ماتبعثي من كونت لكونت
فلمسنجر كي تدخلي ديسكيسيون بينك وبين فايس زاوج دخلي وين تشوفي تصاور لي بعثينهم بيناتك تلقاي تصاور وتلقاي لي فيشي وتلقاي لي سيت من فم تنجمي تدخلي لكل سيت وعاودي ديري برطاجي للفايس لي راكي حابة تبعثيلو شوية هاذ طريقة تنقس عليك متحوسيش بزاف يخرجولك كاملين واذا مفهمتيش نفهمك بريفي ختي
في المستقبل إستمعلي تطبيق raindrop لحفظ كل شيء روابط فيديوهات ودروس ، من خلال الضغط على مشاركة المنشور ثم اختاري raindrop ، وهذا التطبيق يعمل على الاجهزة، ويمكن حفظ ما تشائين في تصنيفات واقسام.
تقدري تهزي الشات في البيسي
متنحيش كونت bوهي فرات اخدمي غير باللول
قررت نعتمد على طريقة “حفظ المنشور” لأنو أغلبكم قالي هي الطريقة الوحيدة المتاحة، من فضلكم حبيت نسألكم، هل يبقاو دائما لما نديرلهم حفظ مايروحوش بعد مدة محددة؟؟