سلام عليكم اليوم جبتلكم موضوع مدارتش عليه الهضرة بزاف فالجزائر google street وهو تطبيق تابع لشركة google فيه صور 360° للشوارع والاماكن العامة … يعني قادر تحوس في بلاد وحدوخرا ولا تشوفها حقيقية قبل ماتروحلها تتقدم مع الطريق ولا تولي تشوف من جهة اليمنى واليسرى تدخل الشوارع لي حبيت شرط تكون مصورة من قبل باينة المختصر المفيد شغل راك تمشي فالطريق … اوجه الناس وترقيم السيارات فيها محجوبة … باش تاكتيفيها لازم طلع تطبيق google street ولا تقدر حتى من خريطة google تشوف من التحت رمز تاعها كي تاكتيفيه تولي الطرق فالخريطة زرقاء
– السؤال المطروح هنا علاه مكاش فيها الطرق الجزائرية؟!
– وحتى الصور داخل المحلات بتقنية 360° قليلة جدا ؟!
ولي عندو معلومات اكثر عليها ينورنا بيهم
Posted in Tech
الخوف من التجسس في الوقت الراهن صعب شوية
العجائز الحاكمين يقولك تجسس و تهديد الامن القومي
قبل ما تبدى تجلد في الكهول اعرف إذا Google أصلا جربت أنها توفر الخدمة في الجزائر ولا غير مهتمة بذلك أصلا…
صاحبنا بايت يحوس في بيداپاست
منروحوش بعيد تونس وعندهم هاذ التقنية دزاير ديما روطار فالتقنيات ماعرف علاه
راك حاب يتجسسو علينا تاع الماسونية ؟؟
ممنوعة لاسباب امنية …. حنا كامل امة الارض يا يبغوناش و يحبولنا الشر … دونك اغلق و سكر كلش Double 6
يجيبوها لجزاير نكسرها ☠️
ويكفي استحمار في التعليقات والله
روح سقسي لبنان كيفاش طاحت بسبب درويش فقط خليك يا عفسة كيما هادي
تطبيق google street view راح يحبسوه في 28 مارس 2023 و تبقى تقدر طلع الصور في الموقع google street studio و تستطيع ايضا تحميل itinéraire photo تكون تمشي دير فيديو على طول الطريق لي مشيتو حتى و لو داخل السيارة و تقلب الهاتف بشكل عرضي و تحمله عن طريق التطبيق
موالف ندور فبلدان اخرى كي قريت الستاتي تاعك جربتها فمدينتي سطيف لقيتها كاينة !! ولا
ممنوع لأسباب امنية
ضرب استقرار البلاد … التجسس .. الما..سو’نية’ ..
و لوكان يسرحولها … تمشي ب كورتاج تاع جوندارم
الله أعلم ڨوڨل اوقفت دعم هاد التطبيق شافت بلي ماعندوش اهمية كبيرة للناس و فئة قليلة تستعملو
زعما راك تكوف في روحك؟ ما علابالكش بلي لدواعي أمنية؟؟
كوريا الجزائرية ما فيهاش لحوايج هادو مالڤري ما عندناش كيم جون اون وما عندناش النووي تاني .
الدولة عندها الحق كل البيانات التي تجمعها غوغل تذهب لوكالة الامن القومي الامريكي NSA.
كان تتواصل مع المسؤولين على المشروع في شكرة Google يجاوبوك على السبب. لا ارى انك تلقى الاجابة هنا، لاني لا اعتقد وجود شخص يعمل في Google وفي نفس الوقت هنا
لي راهم يڨولو التجسس منكم صح …… إفريقيا بكل مبيوعة بيها بثرواتها ومعمرة خونة على حتى يسقاو يتجسسو علينا
بقينا مع توالي راك شايف ذي هي تحت ذريعة التجسس و خروطي و كلش
في ميزك انت الدرون و منعوها عارفين بلي شعب يجيب مشاكل مع بعضاه يطيرها باش يكابتي ناس بيها و كلش ر اك عارف عقلية جزائري و مانيش نجمل على كامل شعب.
مكاش باسكو غوغل هي لي تصور مشي حنا
راك حاب نتبهدلو كيما صرات في وهران السائح الفرنسي صور لعجب الاوساخ والخراب حتى ولا يقول وكأننا في حرب
عندي كامرا 360 درجة وعندي صور في منطقتي مصورهم
اصحاب المحلات مش مهتمين بهذا النوع من الصور مع انها تاخذ نظرة شاملة للمحل
وللعلم فقط انو تطبيق غوغل ستريت رح يتوقف في نهاية شهر مارس
الجزائر نحاتلهم الترخيص، و بالتالي سيارات قوقل لا يمكنهم القيام بهاذ العمل.
ماكانش حتى في بعض الدول المتطورة ، و حتى الدول الموجودة فيها لن تجدها في كل المناطق !!!!
هذي داخلة في أمن واستقرار البلاد مزال اصبرو شوي ذرك نخدمولكم جدار برلين لا دخلة لا خرجة
راك حاب حلف النيطو يدخل علينا ؟ 😂
راك قديم
تونس فيها
الباراج لول لي تلقاه قدامك يديرلك تحقيق قد حملاوي مع مصادرة كل شيء
احنا الكاميرات في المنازل والمحلات تعتبر اجهزة حساسة ، وانت تحوس اجانب يجو يصورولك البلاد كامل !!!؟
ChatGPT Has the answer
جربتها شحال من مرة اغلب الاماكن ما يطلعوش
يسمعوووك الكهووول متفراااااش
الحرمة
العالم الثالث 🤷♂️
لأنها بلاد العجائب والغرائب….. و لا ننسى الغموض
اليوم تصور قوقل طريق معين غدا تجده شبه منحر….ف
و الفاهم يفهم