سلام عليكم
شحال تستقاملي رحلة لتركيا مدة اسبوع بالتذكرة بالفندق بالتنقل ثماك يعني كل شي
من أجل سياحة
#1001_سياحة
#1001_help
Posted in Forum
سلام عليكم
شحال تستقاملي رحلة لتركيا مدة اسبوع بالتذكرة بالفندق بالتنقل ثماك يعني كل شي
من أجل سياحة
#1001_سياحة
#1001_help
.
..
المتوسط 30 مليون
9 ملاين تذكرة الطيران ذهاب اياب
2 ملاين فيزا
8 ملاين فندق
البقية مصاريف منا ومنهيه
فواياج اورقانيزي تخرجي فيها خير وحدك تستقاملك
Voyage organisé 14 millions w 500 € masrouf w yeb9alek sarf heda budget alaise
..
شوفي ف يوتوب ..هنا ناس تحب طيح لمورال…اقل من18مليون تروحي عادي
ديري حساب تاع 9 ملاين تذكرة و 5 ملاين في فندق مليح و الباقي قد ما تدي معاك راهم فالفايدة
20 مليون
Sakhi Tours هذه الوكالة عندها عروض مليحة
ادا كنتي من الناس المحبة للأكل من خمسين مليون وطلع 🤣
اسبوع عندك بيي ب 7ملاين اقل شيءفيزا 1مليون بالتقريب(واحدة قاتلي 17000) تاع شهر ديري حساب الفندق 20€لشخصين=يعني 120€اذا كنتو2تتقاسموها خيري الفندق لي فيه فطور الصباح وزي….تفطري مليح والله ما تحوسي على الفطور حتى للعشية …والعشاء علي حساب لي تحبي كاين الغالي وماين الرخيس
واذا حبيت تتنقل من مدينة لاخرى عندك الكار ماشي غالي تدي معاك 300€تكفي ويبقى
تقريبا 25 مليون للفرد الواحد. ممكن أقل حسب الفندق و نوعية الاكل
عشرة ايام نعطيك تحويسة مليحة
فيزا زوج ملاين تذكرة 7 حتى 8
اوتال اذا كنتي فحلة انصحك بهوستلز ملاح من 200 400 ميتلف لليلة
تلحقي طول اشري اسطنبول كارت ديري فيها ميتينلف بصواردنا للتنقل
مصروف من 200 ل 400 ميتلف بصواردنا نتي و وين حابة تروحي اذا تحوسي خطة سياحية اسطنبول زايد مدينة او مدينتين ريبونديلي
.
عشرين مليون
Ça dépend wach mn saison , février ta9dr tahbat hata 9m fiha koulchi ( avec une agence hôtel normal moyen ) sans transport w les dépenses personnelles
Bon voyage
25 مليون
ادخلي عند نور براهيمي اي. حاطة رحلة الى تركيا مع الاسعار والاماكن وكلش
……
أقل من 18 مليون تروحي عادي تعليقات يحبو يطيحو مورال
عشرين مليون وزيري روحك
..
Le traitement du dossier pr le visa prend combien se temps au bureau d’alger ??
الشئ الوحيد الذي تقدر تسأل عليه هو ثمن التذكرة، أما الباقي كل واحد ومستواه كاين لي يأكل الا اللحم ويبات في فنادق راقية وكاين لي يأكل أكل بسيط وينام في مراقد ، كاين لي يشتري من المحلات وكاين لي يروح يصور فقط. يعني تختلف من شخص لٱخر واحد يصرف 20 مليون واحد 10 ملاين
40 مليون
من الأحسن روح مع وكالة اسطنبول مع انطاليا تحوس امليح وتبات في فندق من أربعة نجوم إلى خمسة نجوم دير ثمانية أيام مليحة خير من تمرميد تروح وحدك تسقام أكثر بكثير مع الوكالة تقدر تروح شحال بلاصة على حساب برنامج تاعهم
اذا تحب كلش واجد شوف مع هذا تقدر تفوت فواياج توب سيرتو مدن الجنوب انطاليا وفتحية وبودروم
Nihat Taş pour un voyage organisé
38 مليون ل شخصين
راني رايح والله لا علابالي بجدها كيما جات تجي 😂 المهم كان مارجعتش قبل اكتوبر شوفو اردوغان راني خوكم 😂
نعطيك نصيحة متركبش فطاكسي اشري كارطة و تحرك بيها فالبوس ولا طرام عن تجربة
في إسطنبول، المترو والحافلة بحوالي 50دج للرحلة، السفينة ب 100، 150دج للرحلة بين الجهة الاوروبيه والاسياوية. الأكل تلقى الشواء ابتداءا من 500دج للشخص. سندويتش من 300 دج وطلع، كاين السوق المصري السلع غالية بثلاث أضعاف على المحلات الي برا، بطبيعة الحال الأسعار أغلى في شارع النصر، قدام آية صوفيا، وفي الأماكن السياحية.
بناو برح شامليكا فيه اطلالة على كامل إسطنبول، الدخول ب 1500 دج للشخص….