علبالي كي نقول بوليود يجي في بالكم الغنا و الرقص فالنو بصح والله ما ڨاع السينما الهندية هاك ووهاذ الفلم ابسط مثال على شا راني نقول
هاذ الفلم حكايته على امرأة في مقتبل العمر يموت راجلها و تكون مجبورة تتعامل مع الناس و المجتمع لي يأمن بالخرافات و تولي هي زعما لي كانت السبة في موته و هي لي كانت وجه شر على العائلة و فوق هاذ شي تكتشف سر كان مخبيه راجلها.
الفلم يحكي بصفة عامة على النساء الأرامل لي يكونوا صغيرات فالعمر و كيفاه المجتمع يتوقع منهم يموتوا بموت ازواجهن حتى وهوما حيين، الفلم كان عنده ابعاد بزاف و لحاجة لي لاحظتها انو الناس الوحيدة لي كانت صح حزنانة على الميت هوما والديه، خوه غي مات بغا يورثه و مرته كانت متزوحة بيه تقليدي و ماكانش عندها حتى الفرصة باش تتعرف عليه و فاميلته جايين ياكلوا و يشربوا تحسب راهم في عطلة ماسي جنازة كي تقعد تخمم و تحط روحك في بلاصت الشخصية لي ماتت…..
الفايدة الفلم عنده عمق شباب و ما زاده رونقا الكوميديا السوداء لي فيه 😂 مدولنا افلام هاك تكون تعالج قضايا فالواقع و يكون عندها معنى
سلام
#1001_movies
