عندها يامات جزت على منتجعات سياحية في ولاية بومرداس متوسطة على العموم و عادية راهي ممتلئة حتى لشهر سبتمبر يعني حاجة مليحة تحركت السياحة بصح كي شفت الأسعار في متناول الجميع إلا المواطن الجزائري 😂
بينڤالو عادي جدا ل 5 أشخاص و تحسوا ضيق غرفتين و دوش فقط 25000 دج لليلة الواحدة تسما أسبوع عشرين مليون ! و يقبلوا العائلات فقط (من جهة عندهم الحق ومن جهة أخرى كاين شباب محترمين)
لهذا الناس تفضل تروح لتونس أسبوع النقل و فندق 4 نجوم و الأكل و الخرجات ب 4 ملاين…
Posted in Tourism
مام تونس راهي سمانة بعشرين مليون
الاسعار في دزاير راهي خيالية والخدمات عادية
كارثة الاسعار و الشعب طايح عادي
من اسبوع كنت نبحث شقق جاهزة للكراء في ولاية مستغانم، اصحاب هذه الشقق شقة بغرفتين 12000 شقة ب 3 غرف من 13000 إلى 15000 للليلة الواحدة قتلهم راكم بعقلكم هادي برك مستغانم ولاية فيها بحر و فقط و شقة للنوم فقط لا مرافق و لا أي شيء ونعرفو العقلية و شكون يجولها ، الحمدلله جامي نخمم نجوز فاكونص في الجزائر و نحط دراهم في الجزائر.
السياحة في الجزائر حبر على ورق او دراهم بزاف شغل حنا سياح اجانب جايين نكتشف بلاد جديدة
ايه تونس خير بمراحل
الجزاير غالية ومعاها الزوبية البشرية والبيئية
تهرب لحاجة نقية وفارزة تصيبها غالية على مدخول العام
ماناش مستثمرين لا في انسان ولا في بنى تحتية او مرافق سياحية ..
نهار شباب يخسرهلك دبور تاع باركينغ .
لوكان ما لقاوش ناس تكري بهذا السعر راح ينقصو
من بعد يقلك الموال يبيع غالي وهو يكريلك دار ما يخسر معاك والو يقلك 7000 دج والا كنت بلا العائلة غير مع صحابك ينض للشيب في رأسك باش تصيب وين تكري
تعرف السبب !
السبب راك قلتو في البداية ، راهم قع محجوزين مادام غاليين و الحجز كاين علاه يخفضو الأسعار؟
للاسف عندك الحق
تونس ربعة ملاين سمانة ؟! او صيف و ربعة ملاين اي تلاتة يام مش سمانة و اي للعبد مش للعايلة
بصح بنغالو ب 25000 دج ياسر خلاه
كاين حاجة يسموها الطلب و العرض
مادام الطلب اكثر من العرض سي نورمال تلقى الاسعار غااااالية