#فيزا_سياحة_كندا
البارح نشرنا هاد المقال و قلنا شحال تسقاملك باش تبدل le statut ديالك من سائح الى طالب اول فيزا عمل.
و بزاف طرحو اسىلة راح نجاوب عليها هنا :
1- أولا 4 الاف ولا حنا 6 الاف دولار ( واحد من المتابعين طلبوها منو ) هادي شحال يحسبولك تراتمون يعني تروح عند محامي ولا consultant تقولو راني حاب نبدل فقط ( سعر بالدينار يعني أقل شيء 60 مليون ) هنا رانا نتكلمو على شخص يخدم بصفة قانونية تظمن بلي مراحش يسرقك ولا يطرافيكيلك دوسي ( راح تقدر تلقا ناس من فايسبوك ولا يبعتوك بيهم يحسبولك ب 500-800 دولار مي واحد ميقدر يضمنلك ).
2- هاد المبلغ لي راح تجيبو يعني زيادة بعيدا عن مصروفك الشهري لي يتراوح بين 900 حتا 1100 دولار . يعني شخص يطلع يريح شهرين مثلا و حاب يبدل عند محامي . يليق يطلع معاه اقل شئ 6000 دولار ( 6 الاف ).
3- نعم العمل ممنوع كي تكون بفيزا سياحة . نتكلمو عمل بصفة قانونية( منهدروش على اي نوع عمل آخر مهما كان . نقولو فقط واش يقول القانون و كل واحد يتحمل مسؤوليتو )
4- فالاخير تبقى وسمها فيزا سياحة يعني تروح تحوس و ترجع كيما باقي الدول . فقط ناس لي حابة تبدل الستاتي ديالها دير حسابها مليح و تراجع حساباتها سورتو فالدراهم.
5- معلومة صغيرة مصاريف فيزا دراسة من دزاير اكثر شي تسقاملك 15 مليون في حين كون تروح سياحة و تبدل راح تسقاملك حوالي 60 -80 مليون و مراحش يكون إختلاف فالتراتمون يعني
كي تكون فالحزاىر ولا فكندا نفس الشيء مكاش حاجة راح تمدلك شونس ولا إضافة للدوسي ديالك
ملاحظة اخيرة : ممنوع العمل بفيزا سياحة ❗❗
اقراو كامل المنشور قبل الرد 🙏🙏