في الجزائر تحب ترفد الزوجة ديالك و تروح لكاش بلد خارج الوطن سياحة لازم و دائما تصيبو واحد من العائلة هذاك لي عايش حياتك و يقولك أخطيك و ما تبذرش دراهمك و خبي للزمان عقوبة و المرأة هذي ساحراتو و ما لقيتش الحكيم …… إلخ تصيب روحك رايح لكاش بلاد و نتا راك بين يا تقول لداركم راك مسافر و تحمل الهدرة هذيك و بين تكذب عليهم و تقوللهم راك رايح لحمام بوحنيفية برك باش يرضاو عليك برك و يقولو عليك سبع 🙄
Posted in Tourism
زيدلها لي يدي امو تحوس يقولو وليد ماماه ✅
كونك مهني راهم يروحو بالتخبية واحد ما يسمع بيهم
عيش حياتك و خلي الناس تهدر و تمد رأيها
خلاص هذيك العقلية كانت بكري
وهو علاه يقولهم أصلا =__=
كي يسمعوا بيا بش نسافر : الناس راهي دير في الذهب و انت ابقي من بلاصة لبلاصة وقولي عايشة حياتي 😂😂
اسمع يا تشيكوا كي تلقى زوجة تحب تسافر راك هايل هههه تخاف طيح في حكيكمة لي تقولك خلييي ،نروحوا لحمام ڨرڨور كيما ختى زبيدة و راجلها الطيب 🙆
Koul wa7ed y 3ich 7yatou ….
فعلاً👌
😂😂😂🤣🤣 u are crazy 😂😂
صرات لواحد من معارفنا رايح هو ومرتو لتونس و ماقالوا لحتى لواحد(مش بضرورة يسمعوا) أيا بزهرو بنت اختو تخدم في الحدود قاتلوا مدلي وثائق جاء يشوف لقاها بنتو اختو قالها حتى هنا ولحقتوني قالها راني رايح لا شفتيني لا شفتك وما تقولي لحتى واحد 😂🤦
اودي في دزاير تخرجها تحوس تقولك بزاف عييت كون غير ديتني لدارنا نريح شوية 😂😂
على هاذي مخرجناش مالولاية تاعنا 😔 مام متقدرش تخرج لولاية اخرى وين يا البلاد مع العادات والتقاليد الغبية
تخرج تشريلها برك يقولو عليك ساحراتك فما بالك تديها ل تركيا
ما تقلهمش دير لي في راسك
هذا يرجع لشخصية الراجل كون جاء فارض روحو وعندو هيبة في دارهم واحد مايدبر عليه ويدير وش يحب هو ومرتو بصح اذا عاد بوذينة ومغلوب على امرو هوما يفصلو وهو يلبس
كل شحص و شخصيته و واش راه داير حدود لناس
بنسبة لي دراهم اذا معشتش بهم و سعدت بهم ما عندك علاه دير دراهم و تخبي
Absolutely 💯 💯
هذا هو المجتمع نتاعنا فيه بزاف افكار وعقليات تعيي متقدر تبدلها متقدر تتاقلم معاها المهم الواحد كي يحب حاجة يديرها مدام مراهش يعصي ربي
ماعندناش هاد الشخص .. عايلتنا كل واحد تاع راسو
قولهم راني رايح مع صحابي و هي نخليها في دارهم ماكانش ني عطلة ني حمام، هكدا يفرحوا بيك كثر هههههه
اواه الدار كي يعرفوا بلي الراجل يشتي تحواس والخرجات من بكري كي يتزوج تبانلهم عادي كي يخرج مع مرتو بصح لوكان يكون خاطيه من قبل هو يتزوج ويولي يحوس يخرج مع مرتو ثم يقولو ساحراتو. 😅😅
إنها العقلية الجزائرية لكن فالسنوات الأخيرة تعدلت شوي بصح غالبا فالمدن الكبيرة
تبع هدرة الغاشي ماتعيش ماتتمتع برزقك مع مرتك خاطر هاذاك اللي تلقاه يهدر ويقولك آه لالا ماتبذرش يا تلقاه عايش حياته بصح مايحبش الناس تعيش حياتها ولا تلقاه حياته كامل عايشها في حفرة مايتحرك ما يندب ويحب الناس تبقى في حفرة كيما هو إذًا كل واحد يعيش حياته وكلام الناس يديرهم دروج يطلع بيهم والسلام
داركم في بلاصتهم وحياتكم الخاصة بيناتكم مادخل حتى واحد في قرارتكم
👏👏👏👏👏 نصفقلك من لصباح و ما نوفيش على هدرتك من لاخر عبرتي على احساس شعب دزاير و ما جاوره كامل
تتخيل الامر بالنسبة للمراة العزباء ؟
كاين فئة نعرفها حتى تلقى روحها ما بين تقولهم عندي فورماسيون ولا رايحا نحوس .
و زعمة حمام بوحنيفية يسلكوا كيف كيف لازم تبقى فدار ولا ماكاش
هوما هادرين هادرين الواحد يعيش حياته و اللي بغا يهدر العام فيه 12 شهر مدام الواحد ما راهش يغضب ربي و الله ما علابالي بحد قاع
ماشي شرط قاع الناس تعرف خطواتك و حياتك الخاصة لا بغا اهلك
الخوف اذا قلت حمام بوحنيفية و قالو نروحو معاك 😂😂
خليه يهدر المهم نتمتع معا زوجة تاعي ولي بغا يهدر يهدر لحياة هذي نعيشوها خطرة وحدة
و اي ازمة مادية تقع فيها و لو بعد سبعين سنة راهي باينة السبة وش
الناس لا ترضى لوكان تشعل صباعك شموع
قولهم وخليهم يهدرولك الهدرة لي خلاتنا ليشتا رايحين لحمام نقولو يخي كاين فدار ….تعيش مرة وكلش يتخلف
عايشين للمجتمع 😂😂