كاين واحد الظاهرة ما فهمتهاش، هي الناس لي تقول “يكثر خير فرنسا خلات بنيان فالعاصمة، و الا ما بنينا والو”
خويا و اختي، اذا كان تخمم هكذا، معناها راك تاخذ التاريخ من منحى ضيق..
يكفي تدخل احد منازل القصبة باش تعرف بلي الجزائر كانت لها حضارة و ثقافة و فن معماري جميل جدا، و الشي لي هدماتو فرنسا أكثر من ما بنات خاصة فالقصبة السفلى، و باستعمارها و طغيانها قتلت ثقافة السكان الأصليين و خلاتهم ما يقدروش يحافظو على ثقافة البنيان لشح الموارد من جهة، و لأن المستعمر كان يحاول يفرض روحو فالعاصمة من جهة أخرى (وهذا لي خلا فرنسا تبني النيو موراسك فالقرن العشرين لمحاولة استمالة السكان الأصليين)
بعد الاستقلال وش صرا؟ الجزائر بنات وش قدرت كدولة خارجة من استعمار شنيع، بصح الوقت تبدل، و الانفجار الديموغرافي فرض علينا، كيما على باقي أنحاء العالم، التخلي عن النمط الجميل للعمران و التوجه للتكعيب (le cubisme).
الناس كامل ولات تحب تسكن المدن الكبرى و منها العاصمة بأقل سعر ممكن، كيفاه نبنولهم بأقل سعر؟ الشقق و البيوت المكعبة و التخلي عن الزخارف و الفسيفساء و الاعمدة و الأقواس تدريجيا هو لي يخلي سعر الإنتاج ينقص و بالتالي الناس تقدر تشري بصفة أكبر، و هو ما يحصل في باقي العالم، فمثلا بناء صيني فال1920 و فال1980 تلقى نفس المشكل (رغم انو فالجزائر قادرين يحسنو شوية الباطيمات و الفيلات لكن المشكل الأساسي راني شرحتو)، بكري كانو الناس يبنيو فرزقهم بأه يسكنو، ضرك راهم يبنيو بأه يبيعو، ولا باه يمدو السوسيال و لاديال بأقل تكلفة ممكنة.
يعني فالفترة الذهبية لفن العمارة و لي سبقت تسطح و تكعب العمران، الجزائري مكانش قادر يحط ثقافتو و إبداعو بالعمران بسبب الاستعمار، بل بالعكس تم تقييده و تقريبا منعه من البناء لمدة أكثر من 130 سنة و لما فاق لقى العالم تبدل و متطلبات الناس كذلك (حتى فاواخر فترة الاستعمار فرنسا بدأت تبني المسطحات كيما فالحراش مثلا و هذا بسبب تغير ثقافة العمران ككل)
المهم حاولو ديما تفتخرو بلادكم، و مهما طاح بيكم الزمان عمركم ما تشكرو الاستعمار، خاطر حتى الشي القليل لي بناوه، بناوه لعمرهم ماشي للانديجان.
الصورة لمتحف باردو بالعاصمة و معمار مزغنة الجميل
#سياحة
احسنت النشر والله
منشور تنويري بارك الله فيك
صح و يا ريييت البنيان الجديد والا الفيلات يبنوهم بهاذ الستيل هذا هو الطابع تاعنا الحقاني
ياودي جهلاء برك في فرانسا ميتروبوليتان و ستيل باروني يقتصر على مناطق تاريخية فقط اما لي تبنات في سبعينات و ثمانينات كلها كيما دزاير و روسيا و صين …الخ ستيل تاع مكعبات سامبل فرض روحو بقوة و روح شوف بنايات hlm في ضواحي ..الخ
لي يقولو هكك معلبالهمش بلي لو كان مدخلتش فرنسا من لول مراهش صاري لبلادنا هكك
ماعليش الاستعمار راه فات خلينا منو، كثر من ستين سنة استقلال كاشما بنينا مدن لائقة؟ غير تلقا مكعبات اسمنتية بشعة فيها ثقوب مربعة يطل منها السكان، لا مساحات خضراء ولا ذوق ولا جمالية في التصميم تحسب قراو غير الشكل المربع فالمدارس تاعهم.
المعيشة في مدن بشعة تخرجلك انسان غير سوي ولا يملك ذوق ولا حسا جماليا في حياته كيما المجتمع لي عندنا.
بارك الله فيك ولك احسنت نشر
شكرا بارك الله فيك على هذا المنشور المفيد ..صحيح انتشرت كثيرا حكاية كثر خير فرنسة و أراها غير بريئة إطلاقا ..إضافة على واش قلت نحن كشعب نتحمل جانب كبير من المسؤولية فيما أصبح عليه نمط العمران الآن ..كمثال فقط الدولة في سنة ٢٠٠٨ اصدرت قانون ١٥-٠٨ لمطابقة البنايات واتمامها فماذا حصل توقف وشلل للنشاط الاقتصادي نتيجة عدم الاستجابة لهذا القانون ..
المشكلة أنهم ما علابالهمش بلي بنيان فرنسا مبني فوق انقاد مباني مورسكية فائقة الجمال فرنسا هدمت نسبة كبيرة مل الجزائر
التكعيب عقلية وليس حتمية
حسب اقوال المهندسين،،، هناك وثيقة اتفاق من فرنسا تقول انو لازم الدولة الجزائرية تحافظ على التراث الفرنسي وتجعل منه مقر للادارات الرسمية وكذلك تبقى الدولة مسؤولة على الترميم والتجديد لكل مرة
هاذ الشي فيه هدرة طويلة ، مختصرها أنو الجزائر قبل الفرنسيين كانت حضارة قائمة بمعمارها وثقافتها الخليط بين العثمانيين في جهات من البلد و إرث الحماديين والزيانيين في جهات أخرى .
كي دخلت فرنسا عملت على تسوية كل معالم الحضارة بالأرض ومن ضمنها النمط المعماري باش تقطع الصلة بين الأجيال الجديدة آنذاك وبين الأرض من جهة ومن جهة خلاف لنواياها بالإستقرار الأبدي هنا ، يعني كي الطفل يشوف المعمار والمدن المبدلة راح يدير في بالو باللي لاعلاقة له بهذا المكان .
من الناحية التقنية المعمار المورسكي الجديد لي بناتو كان لهدف اقتصادي بحت خطاش المعمار تعهم الرومانسيك مكلف ويتطلب وقت من جهة ومن جهة خلاف سعات باش ادير حاجة تواتي التنوع تع البشر لي جابتهم يعيشو هنا تحت اسم ( المعمرين ) لي كانوا من كل جنس .
بالعودة للنمط اللي تبناتو الجزائر بعد الاستقلال كان فيه قصر نظر والخطأ آنذاك هو غياب جهة استشرافية من جانب الدولة تخطط للانفجار الديمغرافي المتوقع والحالات الطارئة ( واللي حدثت فعلا ) ومن جانب الشعب كان الجهل بالأنماط العمرانية نتيجة التراكمات لي وقعت فالبلاد على مر السنين و حالة اللامبلاة قبل العشرية ثم الخوف والاستعجال أثناء وبعد العشرية ، إضافة لبزاف عوامل لي خلات التشوه العمراني يطغى فالصورة العامة للمدن تعنا .
المهم ، لي يقلك كثر خير فرانسا اعرف باللي فيه اللوش وشكرا .
نتكلم عن الحاضر أعطيني مدينة جديدة بنيت بطريقة عصرية و حتى تأثروا بالكريقة الفرنسية في البناء
الفئة الكبيرة راهي مستعمرة فكريا فالتعليقات
هه و بعد الاستقلال واش زدنا بنينا؟ ها باينة كلش خلاتو فرنسا حتى المستشفياات الجامعية ماكانش مستشفى واحد بناتو الجزائر
وزيد هذاك المكعب الأسمنتي لي راهم يضحكو عليه باه تبنيه برك لازمك مليار سنتيم، و الماصو يرجعك تمشي بالكاشيات و تفلس و تشيخ ونتا ما كملتها، بلا ما نحكيو على الأرض تاعها لي سعرها من مليار فما فوق، وشهار جزائري باه يلم زوج ملاير لازم يخدم ميتين سنة، معناه هذا المكعب الأسمنتي البشع يعتبر حلم صعب أن لم يكن مستحيل التحقيق
الشعور بعدم الانتماء و الدونية و جلد الذات إحدى الصفات الجينية في أجيال التي انبعثت ما بعد التسعينات
لكن ماشي غير بلادنا برك عندها بنيان تاع مستعمر حتى البلدان الأخرى مثلا العربية عندهم مازلت بنايات دول مستعمرة سواء فرنسية أو انجليزية و زيد هذا بلادنا جازت فيها حضارات وخلفت أثارها
مطعم دار السلطان بالقصبة لي كان حمام
بارك الله فيك أخي … شرح مفصل ومدقق للحالة اللي رانا فيها …
الكعب فكر شكارة حليب وخبزة ودولة تعملك كلش ماراحش يفهمو باسك راهم متاكدين من احقيتهم بالسوسيال
يوو يعطيك الصحة على شرح سلسل ولي يدخل للعقل وين نلقا كتل تشوح هك بهاد طريقة سلسلة وبسيطة ؟!!
هذو جماعة صديقي ميخمموش مهم لكبير يبينو بلي الجزائر سوداء في كلش وانو استعمار هو لمليح
62 لذركا مكنش طابع معماري يمثل دزاير يا تع فرنسا يا عثماني ….
في منشورك نوع من التبرير للفساد والمفسدون وكأننا نتحدث عن دولة فقيرة عندما تتحدث عن التكلفة بالنسبة للمواطن وتقول “تسقام غالية” تقدر الدولة الغنية جدا تبني بنيان شباب ومتناسق وانيق والسكان يخلصو بالفاصيليتي هناك افكار وبدائل لوكان كانت النية ولوكان طاحت في يد تحب بلادها للاسف البلاد نهبوها السراق وقتلوا فيها ثقافة الابداع والشعور بالانتماء.. مابني على باطل فهو باطل..
و هل القصبة هو تراث جزائري ؟؟
ردي على من يمجد إرث الاستعمار الفرنسي :
قرأت كامل التعليقات والاغلب استخدم ضمير( نحن) لجلد الذات وتحقير ها قبل أن تجمع كل شرائح المجتمع، (نحن) ضمير يأتى للدلالة على ثلاثة أشياء (المتكلم ، المخاطب ، الغائب ) أي أنك ايها المنتقد والجالد للذات مشارك فيما يحدث للجزائر وسيحدث مستقبلاً (الموضوع حول طريقة وهندسة البناء المتخلفة على الرغم ان اغلب المعلقين يجهلون ان فن المعمار الدزيري الذي تم التخلي عنه بفعل الاستعمار الفرنسي 132 سنة ماشي قليلة (سياسة طمس للثقافة الجزائية المختلفة بماضيها المميز بما فيها اللغة، الدين، ، العادات، التقاليد، الفن، الهندسة، والعلم) تعويضها بقشور الثقافة الفرنسية، حتى هندسة بنائهم القديمة و الحديثة لم يقوموا تعليمها للجزائريين بل توارثنا هندسة معمارية رثة شاحبة دون أي فن او ديكور… فما بالك بالامور التي تخص ثقافة التعامل (الاستعمار اخرج ما ليس فينا بفعل التجويع والتجهيل)…ولا يزال لحد الان البعض يمجد ما تركه الاستعمار من بناء خلفيته طمس لكل ما هو دزيري بهدف مسمى الجزائر فرنسية ،الجزائر قبل التواجد الفرنسي كانت حضارة قائمة بذاتها (دين، علم، ثقافة، وفن) ارض بخيراتها قبل أن تظهر الثروات الباطنية كانت ثروة حيوانية تمت سرقتها بالكامل وتحويلها لفرنسا (بما فيها انواع نادرة من الحيونات الاسد الاطلسي مثلا) ثروات تم استخراجها بالاطنان مثل الذهب والحديد.. والفترة ما كانت هناك تجربة نووية لا تزال آثارها لحد الان….لو اكمل الكتابة لن انتهي لذا ساتوقف هنا.
واصبحت العقليات و التربية و الاخلاق مكعبة حتى الان لان الهيشر يحب التكعاب
C’était pas pour les algériens que la France construisez c’était pour ces enfants ce sur