#منقولة من صفحة سائحة مصرية أي حد يقولك أي معلومة عن كوريا الشمالية .. اسأله ب

#منقولة من صفحة سائحة مصرية 😱😱😱😱😱
أي حد يقولك أي معلومة عن كوريا الشمالية .. اسأله باشا انت رحت هناك
لو قالك اه اسمع منه .. لو قالك لا قوله يبقا خليك في حالك الله يصلح حالك
كوريا الشمالية برغم من كل اللي هي فيه الا انها مش من ضمن الدول الخمسة الممنوع السفر لها … ايه السبب ماتفهمش بقا …. لكن ملهاش سفارات أساسا إلا في كام حتة كده
في الأول لازم تعرفوا أنا ايه اللي وداني هناك ؟..
سبق وكلمتكوا قبل كده عن اقتصاد الـ Back doors ، فاحنا كنا رايحين بناءا على طلب الحكومة الكورية لهذا السبب
أولا : مدخل كوريا الشمالية هو سفارتها في بكين
بس استنى يا حمادة انت مش بتروح على السفارة كده وتقوله اديني واحد تأشيرة دخول وصلّحه
انت بتتواصل مع مكتب بيوصلك بمكتب تاني تروح تسلم فيه نسخة من كل أوراقك و يصورك صورة بكاميراته هو .. وبعد 72 ساعة يحددلك ميعاد في السفارة .. بتقابل فيه كائنات زوحلفية الـ IQ بتاعها معادل لغطا حلة ألمونيا
هيستجوبوك كأنك في أمن الدولة
والمحقق لازم يتأكد ان حضرتك مش صحفي ولا سياسي ولا ناشط اجتماعي ولا اتسجنت قبل كده في بلدك
وبما إن انا باسبوري كان متسجل فيه فيه دخول الولايات المتحدة 4 مرات .. فتم استجوابي 3 ساعات ، وقعدت علي جهاز كشف الكذب !!
أيوه زي ما قريتها كده حضرتك ،، جهاز كشف الكذب
وكل ده و الزيارة كانت بناءا على طلب الحكومة بتاعتهم أصلا ، مش انا اللي لقحت جتتي عليهم وقلتلهم والنبي نفسي أزور بلدكم
ولما ربنا يكرمك ويتوافق على دخولك ، بيحددلك ميعاد سفرك، وهو اللي بيحجزلك الفندق .. لأن هو أصلا فندق واحد مرمي علي حدود العاصمة «بيونج يانج» اسمه فندق اقامة الأجانب ، واسمه «يانج جاك دو» وهو مبنى مكون من 48 طابق وبيسموه « نُـزُل » مش أوتيل ، عشان ممنوع هناك استعمال تعبيرات أو كلمات مستوردة من الحضارة الغربية
قبل ميعاد السفر بيوم بتروح مكتب تاااالت غير دوكها الأولاني والتاني … بيعرفك علي اسم المراقب اللي هيلازمك طول مدة اقامتك وصورته عشان هيستناك في المطار
ويعرفك المصيبة اللي انت داخل عليها
هيصادر منك أي كتب أو مجلات أو جرايد أو كاميرات أعلى من 150 مللي .. او أي كتاب مقدس
يعني مثلا اتاخد مني المصحف والسبحتين وسلسلة مفتاح الحياة لأنها بتشبه الصليب … في كوريا الشمالية لا يوجد دين أو إله … الإله هو الزعيم شمس الشموس الرفيق «كيم سونج إيل» ، و ده اللي هما فاهمينه وبيعتقدوه ، هو بالنسبة لهم مش مجرد رئيس أو حتى زعيم تاريخي ، دا إله بيعبدوه وطاعته واجبة
ممنوع منعا باتا ممارسة أي شعائر دينية من صلاة أو أي نوع من العبادات الخاصة بأي دين ، لأن «كيم سونج » الكبير جد الكلبوظة بتاعهم ومؤسسس الدولة ، أول حاجة عملها لما مسك الحكم هو انه أعلن إلغاء وجود الإله ، وأطلق شعار God has gone away
يعني انا كنت بصلي جوا الدولاب بتاع الهدوم وأقفل عليا من خوفي ، لأنهم مضوني على إقرار اني في حالة ممارستي لأي شعائر دينية واتمسكت هعرض نفسي للسجن
بتوصل مطار «بيونج يانج» بتفضل واقف مكان ما نزلت من الطيارة بتستنى المراقب بتاعك ييجي يستلمك ويوصلك للفندق الوحيد المحدد لاستقبال الأجانب على حدود الجزيرة ..
بتطلع الغرفة المحددة وبيركب معاك الأسانسير ، والحاجة الغريبة اللي لاحظتها ان الأدوار من 7 إلى 15 ممنوع انه حد غريب يدخلهم، ومحدش يعرف مين عايش فيهم
البلد دي بتصحى الصبح على صوت منبه عام زي البوق بتاع صفارات الانذار كده بيرن في الدولة كلها الساعة 5 الصبح .. الناس بتنزل شغلها 7 الصبح وتمشي 5 ونص بالليل … يروحوا ياكلوا ويلعبوا شوية رياضة، و الساعة 7 بالليل الكهربا بتتفصل في الشوارع فبسرعة الناس بتفصلها في البيوت وتنام ، يعني النور بيطفي في الدولة كلها، والشباك اللي يبقا منور بعد الساعة 7 بيتقبض على أهل البيت كلهم
هل الناس دي سعيدة ؟
الغريبة انه بالرغم من كل ده الشعب سعيد جدا وعندهم يقين انهم أرقى شعب في العالم وشايفين نفسهم متميزين، لأنهم معيشينهم في كوكب موازي
عندهم حاجة اسمها «البروباجندا» بيتصرف عليها 40% من موازنة الدولة و الـ 52% تسليح ، والباقي من الموازنة اللي هما 8% فقط دول بيتصرفوا على الشعب ومع ذلك راضي وسعيد
البروباجندا دي منقسمة لكذا حاجة :
★ تماثيل «كيم سونج » و «كيم إيل» اللي هما أبو وجد الزعيم الحالي .. محاوطاك في كل مكان ، والضريح والحرم بتاعهم مقدس ، وزيارتهم فرض عين على كل زائر أو سائح لكوريا …. يعني هتروح هتروح ، مش بمزاجك هي .. ولما تروح الضريح فمن واجبات وآداب الزيارة شوية حاجات كده لازم تعرفهم .. زي مثلا انه ممنوع ارتداء قبعات الرأس أو أي غطاء .. ممنوع ارتداء نضارات الشمس .. ممنوع وضع ايديك في جيبك ، وما ينفعش تشاور على تماثيل أو صور الزعما بصوابعك ..لازم بايديك الاتنين… ولازم وانت بتبصلهم تنحني نصف انحناءة ، وإلا تعرض نفسك لعقوبة 15 سنة سجن
وممنوع أي حد يعلق في بيته أي صورة غير صور الزعيم وأبوه وجده ، واللي يظبطوه معلق صورة أي حد تاني بيتم إقتياد رب الأسرة للسجن فورا
هتفولي وهما هيعرفوا منين .. نسيت أقولك انه فيه عندهم حاجة اسمها اللجنة ودي بتكون ضابط وشوية عساكر ، وانت في أي وقت ممكن تلاقيهم بيخبطوا عليك أو حتى يكسروا عليك باب الشقة ويدخلوا يفتشوك انت والبيت وأهل البيت، وأصلا مفيش تصوير هناك إلا بإذن المراقب وصور معينة في أماكن معينة
★ شارات بيلبسها كل الشعب على صدورهم بتحمل صور الزعما بتوعهم ، أو بالأصح الألهة اللي بيعبدوها ، اللي هما الزعيم «كيم» وأبوه و جده
★ صور ولوحات في كل الشوارع والميادين والمباني عبارة عن صور للجيش الكوري في معاركه المنتصرة علي الجيوش الأمريكية والغربية … وحمايته للكوكب
★صور للمنتخب الكوري اللي بيحصل على كاس العالم دايما
أومال فين الجيش والمنتخب ؟ ….. الشعب الكوري فاهم انهم متواجدين في جزر أمريكية احتلوها بعد الانتصارات
طاب ازاي الناس دي مش عارفة انهم عايشين في أوهام وأكاذيب ؟
الجواب ، لأنهم عازلينهم وفاصلينهم تماما عن العالم ..مفيش انترنت .. مفيش جرايد الجريدتين القوميتين بيتطبعوا كل يوم ويتحطوا في لوحات زجاجية في الشوارع ، وانت من حقك تقراهم بس مش من حقك تشتريهم … مفيش إعلام ، هما قناتين .. قناة بتذيع اخبار الزعيم من 7 لـ 7 وبعد كده تقفل ، وقناة تانية بتذيع تقارير عن الانتصارات اللي بيحققها الجيش الكوري و عظمته في حماية الكوكب من الأوبئة والفيروسات والإشعاعات اللي بيعيش فيها العالم والزعيم العظيم بيحمي شعبه منها …
والناس هناك ممنوعين من تعلم اللغات، يعني بيتكلم اللغة الكورية وبيتعلموا اللغة الشعبية قبل الانفصال عن الجنوبية عشان دي قوميتهم
اللي بيتكلم لغات هما الاطباء ، ودول برضو ظباط في الجيش ، يعني الطب هناك عسكري
والعسكريين بيتعلموا لغات عشان تكنولوجيا تطوير السلاح والمراجع والمراقبين اللي بيستقبلوا الوافدين و دول أفراد عسكريين برضو
المكتبة الوحيدة اللي عندهم كل الكتب اللي فيها ألفها كيم إيل سونج وابنه اللي هما جد و ابو الزعيم الحالي، وطبعا كلها عبارة عن وجهة نظرهم في الحياة ونظرية الذوتشهه والسونكون
وطبعا مترجمينهم للانجليزي والفرنسي
وأي زائر لازم غصب عن عين أمه يتاخد للمكتبة دي ويتصفح الكتب دي وأضافوا اليها الكتب اللي بيكتبها كلابيظو كمان .. ما هو اكتشف فجأة انه أديب ومفكر وشاعر كمان
مفيش عندهم كُتّاب ولا مفكرين ولا مثقفين عشان الزعيم وأجداده بيفكروا بدل منهم ومش عاوزين يتعبوهم ، دا غير انهم لو فتشوا بيتك ولقيوا كتاب مثلا أو مجلة، كل العيلة هيتم اعتقالها واعتقال اللي وصلها الممنوعات دي
وأساسا لو حبوا يتثقفوا هيتثقفوا منين وهيطلعوا مفكرين ومثقفين إزاي ، ماهو مفيش لا نت ولا إعلام ولا كتب
و فيه هناك حائط عليه اسم الدول اللي اعتنقت الشيوعية لفترة واللي زارها المؤسس كيم سونج واللي اتبعت لها كتب الذوتشهه والسونكون ومنها لبنان والسودان والاردن، ومعرفش مين في السودان ممكن يقرا النظريات دي اصلا
على فكرة ، انت كزائر ممنوع انك تتكلم مع حد من الشعب .. المراقب هيبلغ عنك ويسلمك بتهمة التجسس ـ وأصلا الشعب هناك مش ممكن يقرب يتكلم معاك كشخص غريب، لأنه خايف منك عشان انت اكيد مشبع بالاشعاعات النووية الخارجية بتاعة الحروب اللي دايرة برا وهتضرهم
وممنوع منعا باتا ان أي حد من الشعب ده كله بيخرج بره كوريا لأي سبب ، وأي محاولة للخروج هي محاولة هروب تستوجب الاعدام ، وأصلا صعب جدا انك تلاقي حد هناك عايز يخرج بره البلد ، ما هما مفهمينهم ان العالم كله خارج كوريا عايش في حروب ومتدمر وكله اشعاعات نووية
الشعب ده منفصل عن العالم ومغيب تماما
لكنه رغم كل ده شايف نفسه جنس آخر متميز و أرقى
يعني انت كشخص غير كوري غير مسموح لك انك تنال شرف التعامل بالعملة المحلية اللي عليها صورة شمس الشموس انما انت بيعتبروك كائن درجة تالتة حقير تتعامل بالعملات الحقيرة زي اليورو والدولار وأصلا البيع والشرا مع الحكومة
العياط والشحتفة اللي بتشوفوها في التليفزيون دي حقيقية .. الراجل ده بالنسبة لهم إله عظيم وبيحميهم
الفقر في البلد دي فوق ما تتخيلوه .. الناس دي ماتعرفش طعم اللحم البقري والضاني ، لأن اللحوم دي غالية ومحدش بياكلها غير ضباط الجيش وأهل الحكم ، انما الشعب بياكل قطط وكلاب وفيران
كل حاجة عندهم بيحددها لهم الزعيم ومساعديه
الملابس محددة .. تسريحات الشعر محددة ..حتى نغمات التليفون والأغاني لازم تكون موسيقى ونغمات حربية
مفيش تليفون دولي .. مفيش راديو بيذيع حاجة إلا اذاعة بيانات وخطب الزعيم الملهم ، مع فواصل من الاغاني الحماسية والانتصارات
والترفيه الوحيد اللي عندهم هو مهرجان سنوي للرقص و الهيلاهوب و ركوب الدراجات
عمرك شفت رئيس دولة محدش يعرف عياله أو عددهم أونوعهم ؟
حتى أخته اللي هي أشرس منه واللي بيجهزوها للحكم لو مات فجأة ، حتى اخته دي ماتعرفش عدد اولاده ونوعهم
المترو هناك بدائي جدا ، هو محطتين بنركب من محطة وتنزل ستاير سودا على شبابيك المترو ويقف في محطات الأبواب مش بتفتح فيها وماقدرتش أعرف فيها إيه ، لأنه فيه محطات داخلية غير مسموح للأجانب بالنزول فيها..
المترو تحت الأرض بـ 100 متر ومحصن ضد الانفجارات النووية والصواريخ …. واللي عامل المترو ده السوفييت
لكن رغم كل ده الناس مقتنعة انهم أفضل شعب لأن عندهم اكل وشرب ومعندهمش اشعاعات ولا نووي
الشعب لأنه مؤمن بالانتصارات دي فبيضحي من اقتصاده للتسليح …. لدرجة ان طفلة سألتني هو انتي سويدية فلما سألتها ليه قالتلي عشان عينيكي زرقا، قولتلها لا أنا مصرية .. هي وأبوها وأمها مايعرفوش ان مصر دولة مستقلة، هما يعرفوا ان افريقيا كلها تحت سيادة الزعيم الكوري الكبير
ويعرفوا السويد لأن دي الدولة الوحيدة اللي لها سفارة هناك عشان أخدوا منهم 1000 عربية فولفو سنة 1972 ومادفعوش فلوسهم لحد دلوقت
وهما اللي موجودين لحد الآن
طاب هما مصدر دخلهم إيه… يعنى الدولة بتنتج إيه أو بتكسب إيه عشان تشترى بيه أكل للشعب ؟
بيصنعوا حاجات محتاجها الصين وفيتنام وروسيا بيصنعوها عندهم أرخص وياخدوا مكانها احتياجات غذائية
يعني يصنعوا مثلا تليفزيونات و راديوهات للصين
يقفلوا عربيات لروسيا
أغذية معلبة وخمور لفيتنام و ماليزيا
دا غير انهم شعب زراعي أصلا وعندهم زراعات حبوب وفواكه ، والسبب اللي رحنا عشانه هو تسويق منتجات زراعية .. لكن ممنوع تكلم حد من مدرسة الزراعة، فيه ظابط مخابرات بياخد منهم الكلام ويترجملك
العرض العسكري اللي بنشوفوه ده حقيقي وكل ده نووي فعلا ، عشان كده امريكا أجبن من انها تزعلهم أو تمد ايديها عليها .. لأن الناس دي بتؤمن بنظرية السوكون يعني الشعب هو السيد العسكري على الكوكب وإلا فليذهب الكوكب للجحيم
اللي بياكل ويشرب ويتصل مع العالم هما حاشية الزعيم «كيم» فقط
الشعب ده مش هيثور ولا نفسه يخلص من «كيم» لأنه بيعبده وبيعبد أبوه و جده ، ومحدش يخلص من ربه … عايشين سعدا جدا وحاسين بالتميز كمان
المنطقة الحدودية بين كوريا الشمالية والجنوبية عبارة عن منطقة أرضية مزروعة بالألغام ومكهربة كلها بكهرباء صعق عالي وترسانة حربية
محدش محاصر كوريا الشمالية.. هي اللي محاصرة العالم وتعتبر كابوس على كوريا الجنوبية واليابان
محدش يعرف تعداد الشعب ومحدش يعرف اسم زوجة الزعيم الحقيقي ولا أهلها ولا عدد أولاده
وهو اللي بيحدد لها تتنفس امتى مش تروح فين بقا
عندهم هناك خبراء في تحليل لغة الجسد ، ولغة جسدك ممكن تكون سبب للسجن ، لأن الكوريين بيعتبروا لغة الجسد عدائية ضد الزعيم وسخرية منه، فبيبلغوا عنك بنفسهم ويقبضوا عليك
وأنا لأني body talking فكنت دايما مربعة ايدي لأني عايزة أخرج منها ..
فيه عندهم شارع اسمه علماء المستقبل هو واهمهم ان الشارع ده عايش فيه العلماء والعباقرة والمهندسين التكنولوجيين الكوريين اللي مسيطرين على العالم كله
فتخيلوا شعب زي ده ممكن يثور إزاي .. وهو مغيب ومعزول عن العالم كله
كانت زيارة سودا أصابتني بكوابيس زي كوابيس رأفت الهجان كده … ومكررتهاش وانسحبت من الشغلانة كلها
انا يوم ما خلصنا ووصلت مطار «بكين» قعدت أعيط وماكنتش متخيلة اني هشوف عيالي تاني
انا كنت في سجن كبير
ده بقى حكم العسكر كما يجب أن يكون .. مش تقولي مصر
🖋 / چيلان قاسم.

Posted in

40 Comments

  1. Sirine Birgitte Oulmi dňa مارس 31, 2022 o 5:16 م

    كوريا وتونس نحير في الناس لي يروحولهم بكامل قواهم العقلية

  2. Rose Ch dňa مارس 31, 2022 o 5:21 م

    كتاب بصح كملتو 😂. مداهش

  3. Imad Eddine dňa مارس 31, 2022 o 5:23 م

    فين الملخص يا عم

  4. Amir Brd dňa مارس 31, 2022 o 5:26 م

    ابراهيم سرحان راح لكوريا الشمالية و ايضا جو حطاب و كاين فيديوات فاليوتوب لي يبغي يتفرج

  5. Hayattan Adalet dňa مارس 31, 2022 o 5:26 م

    اي تشابه مع واقع بعض الدول ، هو ليس مجرد صدفة 😹😹😹😹😹😹

  6. Bochra Bendjeddi dňa مارس 31, 2022 o 5:41 م

    C’est grave 😳

  7. Mira Lebr dňa مارس 31, 2022 o 5:41 م

    منعرفش كوريا الحقيقية
    بصح مستحيل تكون بهذه السوداوية
    قبائل الأمازون وبالاك مهيش هكا

  8. Amira Adam dňa مارس 31, 2022 o 6:04 م

    وهي كيفاه عرفت هاذ المعلومات كامل باش المرافق يخرج اسرارهم مستحيل الشعب قاتلك ماتقدرش تحكي معاه ومبعدا حكات مع الطفلة هذيك مافهمت والو🤦‍♀️

  9. May Ssam dňa مارس 31, 2022 o 6:23 م

    شفت روبرتاج عليها كامل قلتي سواسوا

  10. هد يل dňa مارس 31, 2022 o 6:48 م

    واو يعني المسلمين ميروحوش بسبب الخمار ولا الصلاة لي بلاك دايرينلك كاميرا في الاوتيل أصلا ،تقول هوليوود ، خرط حتى شبع عليهمم مش للدرجة هدي ،
    تخيل تسجن بسبب لغة الجسد 😂😂

  11. سفيان جوابي dňa مارس 31, 2022 o 7:24 م

    شوف اليوتوب تفهم كلشي الحاجة المليحة عندهم الهدوء وتحس روحك في عهد التسعينات والثمنينات

  12. Imane Maandi dňa مارس 31, 2022 o 7:28 م

    و زعما التزيار هذا كامل وقدرت تعرف هاذ المعلومات كامل

  13. Sôù Mà dňa مارس 31, 2022 o 7:37 م

    المصريين واش يحبو يتفلسفو, قريت السطر الاول و فوت لقيتها جريدة مستحيل نقرا التفاهة تاعهم

  14. Faiza Ham dňa مارس 31, 2022 o 8:03 م

    من جهة ماتقدرش تتواصل مع الشعب و ماتعرفش لغتهم و مايفهموش لغتها و من جهة عرفت قاع هاذ المعلومات

  15. مسقم الطيب مسقم dňa مارس 31, 2022 o 8:11 م

    الكاتبة مصرية إذا لا تصدق أنت ترى قنواتهم وخزعبلاتهم على المباشر

  16. Fatmazohra Reguieg dňa مارس 31, 2022 o 8:15 م

    واش هاذا كابوس ام شيء آخر كيفاش راحت وكيفاش ر او ولات بخير بكامل قواها العقليه

  17. Ilafe Youcef dňa مارس 31, 2022 o 9:05 م

    ايوه يا حبيبتي انت كتبتي المقال ده كلو علشان توصلي للجملة الأخيرة

  18. Rahim Dadi dňa مارس 31, 2022 o 9:18 م

    الجماعة الي ماقدرتش تكمل …الجملة الاخيرة تختصر كل شيء 😂

  19. Imene Djili dňa مارس 31, 2022 o 10:17 م

    بعدااا زعما صح للدرجة هادي غالقين عليهم 😓

  20. Mohamed Ghebbache dňa مارس 31, 2022 o 10:55 م

    شكون جاه الحماس يروح هههههه

  21. Ãnn Drę dňa مارس 31, 2022 o 11:16 م

    كلامها صح روحو شوفو المقابلة لي دارها جو حطاب مع وحدة كانت عايشة لتما و كيفاش حتى هربت تحكي فيها على العيشة لتما صدقني جحيم للدوك مازالها تتعالج عند طبيب نفسي

  22. Mohamed Bourkache dňa مارس 31, 2022 o 11:16 م

    الدراما المصرية حاضرة بقوة

  23. La Hadjer dňa مارس 31, 2022 o 11:16 م

    سبحان الله و كأنها تحكي على المسلسل الكوري crash landing on you 🙄😏
    غي المسلسل صح صوروهم عايشين هكا، تفتيش البيوت العشوائي ، حكم الجيش ، تحية الرفيق كل يوم ، ماكانش هواتف ولا اي اتصال مع العالم الخارجي … حتى تسريحاتهم تاني عندهم catalogue يتبعوه ..مانعرف إذا راهي تهدر في الصح ولا تخرط خاطر كاين شوية تناقضات في مقالها

  24. Lm Sara dňa أبريل 1, 2022 o 12:17 ص

    قريتها برك حكمتني الغمة.

  25. Raya Nne dňa أبريل 1, 2022 o 12:38 ص

    رواية 1984

  26. Moha Kellal dňa أبريل 1, 2022 o 1:15 ص

    ماهذا الجنون

  27. Kami La dňa أبريل 1, 2022 o 1:59 ص

    المصريين كي يبداو يزيدو عليها 🙄🙄 منها ممنوع يحكيو مع الغرباء منها درتي معاها حكاية و سويدية و عينين زرق …باين مش للدرجة هاذي

  28. Hamza Chitti dňa أبريل 1, 2022 o 2:01 ص

    لازم ينحو كوريا من الخريطة لانه اساسا عايشين منعزلين عن العالم

  29. Mouh Hawas dňa أبريل 1, 2022 o 2:36 ص

    عجزت نقرا

  30. Yahïa Hamada dňa أبريل 1, 2022 o 6:14 ص

    لقد قلت انتظر ياحمادة . أنا انتظر.لكن متى سنقلع؟

  31. Amira Bourenane dňa أبريل 1, 2022 o 8:13 ص

    وكأنك أعدت كتابة رواية أورويل (1984).

  32. Mohamed Meknaci dňa أبريل 1, 2022 o 8:46 ص

    حاسس أنّ السيسي هو اللي كاتب المقال
    علشان يفهمك أن مصر جنة فوق الأرض و الشعب عايش عيشة الرفاهية و الحرية

  33. Princo Med dňa أبريل 1, 2022 o 10:03 ص

    زادت عليها تو ماتش في عدة أمور رغم نقلها لبعض الحقائق، هذا بلد صديق للجزائر و عندنا معاهم علاقات دبلوماسية قديمة و عندهم سفارة عندنا.

  34. Takoua Boumeddine dňa أبريل 1, 2022 o 11:16 ص

    هي بالغت في بعض النقاط، لكن صح عايشين تقريبا كيما راها تحكي و لي مش مصدق راهم كاين كوريين شماليين على ريسانهم في اليوتيوب يحكو على حياتهم كي كانو في كوريا الشمالية، الموضوع ما عندو ما دخلو في propaganda حكم العسكر و السيسي و ما نعرف واش لأنو فعلاااا كوريا الشمالية هي دولة تبع عقيدة Juche أسسها جد الرئيس الحالي (مستوحاة من Marxism و Leninism) و كيم جونغ اون فعلا يعبدوه عبادة رغما عنهم كيما كانو يعبدو الاب نتاعو و جدو قبلو.. أسوء دولة في درب التبانة

  35. Betty Sgr dňa أبريل 1, 2022 o 1:43 م

    إذا كان الامر صحيح كان الله في عون أناس مثلهم

  36. Imane MO On dňa أبريل 1, 2022 o 3:21 م

    😲😲😲😱😱😱 زعما كاينة منها صح !!

  37. Manue Lla dňa أبريل 1, 2022 o 7:58 م

    الكلام هذا صحيح لكن بالنسبة لي راه تڨول الشعب معلبالوش وش كاين برا هذا غير صحيح. الناس علبالهم خاصة الشباب وكاين ناس تهرب حوايج من برا ودخلهم لكوريا كيما افلام موسيقى الخ بصح يا ويلو لي يتحكم.

  38. Marwa Benadel dňa أبريل 4, 2022 o 2:41 م

    الحمدلله الي عافانا بن كلبوظة 🤣

  39. Ŝøsi Tā dňa فبراير 20, 2023 o 10:09 م

    كيفاش ميخلوكش تهدري مع شعب و نتي هدرتي مع طفلة كيفاش معندهمش قنوات وهوما يصنعو لصين تلفزيونات اي تلفزيونات يصنعوها تع العهد الحجري ؟! ومع الآخر تطبيل لسيسي خرط في خرط

  40. Hicham dňa مارس 10, 2023 o 2:03 م

    فيها شوية مبالغة لانو كاين وثائقي مصور حول كوريا الشمالية ودارو واحد امريكي اللي يعتبروهم اعداء

أترك تعليق