مين داك كي نكون مسافر و نكون في المطار تشوف الأجناس و عائلات و صغار و كبار تقول وعلاش السفر في اوروبا حاجة عادية تقول راح تركب في باص ، ترفد الباسبور تحكم الطيارة بالجمعة مور الخدمة تروح لكاش بلاد تجوز ويكند و تعاود تدخل بالإثنين تخدم ، في لبلاد كل حاجة صعيبة ، الفيزا صعيبة ، رونديفو ب 6 ملاين ، التيكي غالي ، الإتجاهات ماكاش بزاف ، الناس تحسد ، القدرة الشرائية ضعيفة ، الزيادات الغير مبررة ، صحاب الباراصول و الباركينغ ، الشرعية الثورية ، الأيادي الخارجية ، الأفلان ، البريكس ، الفضائح في وسائل التواصل الإجتماعي ، وزير يحكي على السيالات. ، رئيس يحكي على العدس و اللوبيا في الصيف … و خلي خلي ، لبلاد صاح واعرة ، كليشي واحد يتعاود كل عام و العمر راه يروح و ماراحش عايش حياتك كيما الناس العاديين أجمل أيام حياتنا بين 20-35 سنة تصيبهم ما حوست ما عشت فيهم ، ما علاباليش اذا إبتلاء من عند ربي ولا على جال أفعالنا … سمحولي على السلبية بصح is the fact ، نهاركم مبروك 👏🏻
رونديفو فيزا مكاش شعب هايج سركالة بريكس دخلة تاع قرايا مكاش لي علابالو الرسمي ههه وزيد ..
الله المستعان 😔
الانغلاق هذا هلك عقليتنا
عندك حق اوروبا بعاد علينا ياسر والعالم كل مش غير اوروبا الزمن متوفق في الجزائر
لي يحل عينيه على هذا البوست كيفاه ؟
نرجعو نرقدو واقيلا 😆
والله غير صح تشوف الأجناس ف المطارات كيفاش تقول حنا وين وهما وين
مشي غير أوروبا، جل البلدان العربية تواكب الركب الحضاري و التطور
الله المستعان
صدقت
منشور يمثلني 😑
حقيقة مؤلمة .
للاسف صح تغيضك علاه عدنا كل شي حابس
عايشين في زريبة ان شاء الله تكون عيشتنا في هذي البلاد كفارة لينا يوم الاخرة
الواقع المر
Same tekhmam i have everytime
هم نظرتهم اقتصادية وهمهم دائما التحفيز المباشر والغير مباشر للافراد حتى يستهلكو ومنه تحقيق المنفعة المتبادلة، ربح الشركات من جهة وتحقيق الاشباع الذاتي من ترفيه وغيره من جهة أخرى، لكن حنا العكس تماما لا وجود لتوجه اقتصادي او كفكر اصلا بل حتى الشعب الاقتصادية مهمشة ومضحوك عليها من قبل الجميع ومنه لازلنا رهن الفكر الاجتماعي والدولة هي بابانا سمعا وطاعة.
والله اخي نقص الوعي ورانا عايشين في بلاد مخنوقين ….بلادنا كبيرة وجميلة لكن حابوا يضيقوا علينا في كل امور
الله المستعان
واش هوما السيالات؟
دزاير بدراهمك و ما تعيشش
“اللهم اخرجنا منها ،فإن عدنا فنحن ظالمين”
خلاصت ال35 ماخرجنا ما حوسنا زدت فكرتني في المأساة و بلي عمري 🥹 فات و انا ماركبتش في الطيارة …. الله المستعان ربي يعوضنا يا رب 💔💔
Hadi machi blad w wlh mem 3la 100 ans whdokhra ta93od hakda
كلام صواب…
الطيارة كما اللي في الصورة تسقاملهوم 20 30 يورو باه يروح من بلاد لبلاد وزيد هذه هي ميزة الإتحاد بين الدول الاوروبية حرية تنقل الأشخاص والاموال من بلد لبلد دون قيود .
وترجع تاني للعقليات حتى في بلادنا تلقاهم قادرين يسافروا و يعملو سياحة لكن لا تبانلهوم مضيعة للفلوس يحطها فالبيطون و الياجور خير او تشريها ذهب وقفطان خير ليها بلا ما ننساو تغيير السيارات. في اوروبا يفضل يتنقل فالحافلات او الدراجة وما يشريش سيارة و ما تلقاهمش مالكين مساكنهم تلقاهم وصلو للتقاعد ومازال يكريو فالديار ولكن تلقاهم زاروا 20 دولة اقل شئ… لا نلقي اللوم دائما على الدولة.
وين تنصحنا نروحو صحبي ، اهل العلم قالك بلاد الكفر ماشي مليح تسافر ليها ، الحاجة لي راني خايف منها هي نموت في بلاد الكفر ولا والدين يموتو و منقدرش نحضر للجنازة ، يا خويا شيكو هاذ التخمام تاع بزاف شباب ، سينون راهي فارغة البلاد
هذا هو الفرق بين الانسان و البهيم..!