مين داك هنا نتلاقى بتعاليق شاذة و خارج الموضوع بصح الأغلبية تصيبهم يعلقو لاباس

مين داك هنا نتلاقى بتعاليق شاذة و خارج الموضوع بصح الأغلبية تصيبهم يعلقو لاباس بيهم ، الناس لي تصيبها تسافر بزاف خارج الوطن عندها هذيك ثقافة تقبل الرأي الآخر .. كي تسافر خارج الوطن راح تتلاقى مع أجناس و ثقافات و ديانات مختلفة، تسافر لأي مدينة مثل لندن ولا باريس و لا نيو يورك تخليك تتلاقى و تتعرف على عيباد من دول كنت تسمع عليهم برك ، تحكي مع كاش واحد من جامايكا و لا أستراليا ولا الهند و تشوف كيفاش يخمم و واش يعبد و نتا تحكيلو على طريقتك في العيش تخليك نظرتك في الحياة تتبدل ، ماشي لازم تتوافق معاه بالطبع بصح على الأقل تعرف كيفاش الأجناس الأخرى يخمو و بالاك تخرج بنتيجة إيجابية من المحادثة هذيك ، كي تكون عايش و تخالط نفس الأشخاص و نفس العقلية و ما تخرجش من البيئة ديالك تخمامك بالاك يقعد محدود و تقعد تخمم غير في الأشياء لي ما عندهم حتى معنى و بالك أشياء سلبية قاع ( بالاك راني غالط ) .. الحاجة المليحة هنا رغم بعض الناس الله غالب ما قدرتش نسافر بصح تصيبها تعرف تخمم و تناقش بإحترام ❤️👏🏻