#وجهة_نظر
السلام عليكم
راني في عطلة مع العائلة (ولاية ساحلية دون ذكرها) لاحظت شوية حاجات حبيت نهدر عليهم من باب النصيحة والمناقشة وفقط، راح نهدر على الدار لي كريتها.
الامور لي لاحظتهم رغم أنهم صغار ولكن عندهم أثر كبير على الناس لي يجيو يكرو وخاصة انهم جايين يرتاحوا، اي واحد يحب يكري داروا على الاقل يقوم بيها شوية ويوفر فيها الضروريات بلا ما يكلف روحو مثال صغير فالمطبخ الكيسان والطباسا علاش تحطوا كل واحد بلون ولي مكسر ولي مشقوق يعني كاين يتباعوا رخاس ويكونوا نظاف، مثال آخر الحمام أعزكم الله العين تقطر ومبوشي، الكليماتيزور كاين لكن ما يمشيش؟! (على الاقل تتأكد منو قبل ما يدخل أي واحد لدار)
هاد الحاجات بالاك تشوفوهم صغار وماشي لازمين لكن صدقوني راح يديروا فرق كبير، كاين لي يقولولي لي يحب كلش مسڨم كاينين يزيد يخلص زيادة برك لكن هاد الحاجات مراهمش كماليات ولكن ضروريات بما أن الدار مكرية على اساس مفروشة (كريت العام الماضي بسعر أقل من هاد العام والدار كانت خير ألف مرة من هاد العام) يعني مسألة فكر ماشي مسألة دراهم
في الأخير هذا رأيي الشخصي ونشوف بلي لازم الواحد يهدر عليها ممكن تتحسن الامور واي واحد يرد بالو لهاد الحاجات راح ينجح والناس يحبو دايمن يرجعوا ليه احسن من كل مرة يبقاو يحوسوا
#1001_سياحة
تكري دار يقولك فيها كلشي كي تروح تلقا غير الحيط 😑
عندك الحق ، كاين ناس يكروا ديارهم و هو ما عندهش بديل في حالة انقطاع المياه ، يعني مكان لا خزان لا والو .
النصيحة لي نقدر نمدها انا كذلك ، أنه ما تكريش في ديار الصوصيال . لاسباب عديدة مع كامل احترامي للجميع
اخي عندك الحق انا شخصيا شفتها و عشتها الله يهدي البعض في بلادنا مقارنة بالبلدان المجاورة كلش في بلاصتو
و حنا يحطلك شياط عليه و موسخ و مكسر و ي من فوقها يدي دراهمو كثر من حقها هادي انا شفوها مقصودة و سموها غش و انعدام الضمير و الجشع و الجهل بادنى معنى للسياحة و السياح الله يهدي ما خلق الله المستعان على الباطل و السرقة اي تصرى في موسم الاصطياف
حنا كرينا دار قالت مولاتها نهارين تجي العين مجات ماوالو نشفنا من ماء تروح للبحر تحصل مع ماء كيفاه دير حتى ماء الى معمراتو لازم تنقلو من تحت وتطلع بيه باه تقضي بيه امورك مفيهاش مجرة كي تجي تدوش لازم توقف فوق بنوار ريحة روقار تقتل في دار هذيك 😃حالة وفرات 🥴
لا ما تقوليش صغار و ماش لازمين..كون ما يكونش المكان اللي ترتاحي فيه نظيف و مريح ما تحسيش بالعطلة..اشكيو و عيطولو كل دقيقة على الحوايج الناقصين..باه يتعلمو انهم يهيأو المكان و يحسنو منو ماش غير يلمو الدراهم برك
كريت دار، كليما مكانش، فريجيدار موسخة، مكانش مواعين، ماطلات موسخين، الما مشا النهار لول ومن بعد مكانش، التواليت حاشاكم موسخة. ميزيرية ميش تحواسة. الناس ما تخسرش على رزقها.
Vous avez totalement raison on a louer une maison à annaba pour 15000 da la nuitée c était catastrophe les coupure d eau les sanitaires son parler du linge une mauvaise expérience pour un prix pareil
حنا مرة كرينا شقة ماطلش حتى على البحر كريناها 5000 دج لليوم كي دخلنا لقينا الماء مكانش كي عيطنا لمولاها قالنا الماء مقطوع!! تخيل تكري باش تبحر و الدوش وين ندوشوا؟!
كي زيرناه بلي ماهيش قاع خدمة و نخرجوا عاد طلقنا العين نعم يا سادة هو قاطعها زعمة باغي يستحفظ
للاسف جينا من بلاصة بعيدة ومانعرفوش كون والله مازدنا قعدنا دقيقة
حوايج صغار بصح يلعو دور هذي مافيهاش هدرة من باب احترام الناس لي تكريلهم ديرهم ، هل كي تروح للفندق ولا مركب سياحي وتلقى حاجة ما تمشيش ، تتصل بla réception باه يتدخلو ، يعطيك الصحة على لفت الانتباه ، آنا نضن تاني بلي الناس لي تكري لازم تاني يهدرو لانه كرالك بموافقة تاعك على معلومات هو مدهالك (كل مايتوفر في السكن) ان هو حكالك على حاجة ومادقيتهاش ولا لقيتها ماتمشيش يعتبر خداع واحد مايقل يتخدع
ياريت كاين موقع خاص للكراء كيما ياسير. يكون اكثر امن ووتكون هنالك متابعة ومنافسة. حنا سياسة البريكوالاج هي لي فسدت البلاد
عندك الحق
الخلاصة
نهار تخرجي تحوسي برا الجزاير تكرهي السياحة في الجزائر،،، على الرغم خرجت مرة وحدة برك
ياريت يكون فيه سيت كيما ebooking تاع الخارج. هكذا الناس تخلي كومنتارات و الناس تولي تخدم على السمعة
السياحة في الجزائر تعد تبذيرا للمال و هي حرام
اظن تقدر ومن حقك تضرب دورة فيها قبل ماتحط دراهم الكراء خاصة الأساسيات الكليماتيزور والماء
Amine T
صح كاين صوالح ماتقدرش تسييهم من قبل حتا ولو تضرب طلة فالدار قبل كا تكرييها كاين امور يبانو من بعد ..
لكن الظشكلة الكبيرة هي في لعض اصحاب المنازل لكريلك دار ويحط كرسي تاع بلاستيك ابيض ونهار كامل مقابل الدار ..
تخرج تلقاه مقابلك تدخل تلقاه مقتبلك تطل من التاقة تلقاه مقابلك هههه
زعمة يقوللهم انا واقف على رزقي ..
يا ودي احترم شوية خصوصية تاع الناس ماشي هكدا
oui tu as raison, 3la hadik g3adna lakhrine f le tourisme, nass tchouf f drahem bark
ماتكون غير الولاية لي قتلونا بالحرمة والسياحة اصلا غايبة
Amin Tls vous avez raison. Ana li ji yesraq wa iheress. Ma khalaw les draps les verres les assiettes . Même une émigré det la bassine en plastique. Wallah Law kan 3andi medkhoul mlih j’ai une petite retraite Wahed ma yedkhol . Et je ne vous dis pas l’état des lieux min iroho
نصيحة أجمع المال وسافر الى أي بلد ثقافة جديدة بلد جديد راحة ومترميش دراهمك في باطل .
عندك حق تروح لتونس تكري دار بسومة معقولة تلقى فيها كل متطلبات الخياة كليماتيزور وفراشات ولماعن ذات جودة
عكس في دزاير لازم تكري فوق المليون بش تلقى دار قايمة
تحطلهم اللوكس يكسرو و يفسدو و يخرجو و يخلو الدار معفونة ماشي كامل الناس يستاهلو تكريلهم
من حقك تهدر اخي هاذو مش حاجات صغار ولكن كبار لانك فاكونص رايح تريح مش تتميزر هو يخلص عليك خمس مية الف ليلة ما يحشمش وتسكت على اقل صوالح يمكن تستعملهم ؟ من حقك اهدر اخي الكراية ما يحشومش يحوسوا الاموال وخدمات ضعيييفة
الضروريات:
يكون فراش نقي و متوفر… سرابت في الدوش…حتى شامبو ياوكان تاع ساشيات… ملح سكر ثلاجة و ماعن لي ضرورية…الحالة نقية طبعا…. هادو في الخارج مدأقل ما يكون… و مهما كان سعر الشقة…
الكماليات: تخلي طبق فواكه مثلا، كتب، ورقة فيها أحسن المطاعم، ورقة فيها أفضل الأماكن السياحية في المنطقة….
المفيد حنا خاطينا!
لانه ماكنش الرقابة من طرف مصالح السياحة المختصة
في شرم الشيخ صدقني الاستوديو لي كريتو ماعن تيفال تخبط بلا ما ننساو كلش جديد و ليكس و يطل عل المسبح
لالا والله صح عندك الحق طلابين ميحبوش يصرفو كاين عباد هكا تخمامهم مالقري حاجة تاع فاميل والله ميشروها
الحمدلله عندي سكن تاعي على شط البحر يجو عندي من كل الولايات جامي خدعت ولا كذبت على واحد ، إذا قريب يجي يشوف بعينه ، إذا بعيد نزيفطله تصاوير ونهار يجي نوريه الطريق حتى يوصل ، يصيف ويعوم ويفوت يامات ويروح فرحان
جيعانين يحوسو غير على الدراهم.
واش فيها يشري شواية مواعن و يسڨم الكليماتيزور و يجيب بلومبي يدور بالعيون و التيوات تع الدار هءا الندبة كاملة تستقام 2ملاين على أقصى تقدير و هو غير شهر جويلية و شهر أوت يضرب فيهم18مليون.
يالطيف على بوعرابن مايتسڨموش.
أنا شخصيا كي نروح نكري والله غير لو كان مانصيبش هذا الصوالح فالدار والله مانحط فيها رجلي
انا العام لفات الدار لكريتها لقيت فيها حشرة بق الفراش الكارثة اني جبت لداري عقبت معاها شتاء اسود بعد مارميت نص العفش حتى أصبت بفقر الدم من كثرة الإعياء واحنا محاربة فيه واولادي صغار يباتو يبكيو من الحكة ندمت على الرحلة وضوك حكمتني فوبيا ميغيتش نروح لاي مكان
كاين و كاين