#وجهة_نظر
السلام عليكم..حبيت نحكيلكم على تجربتي هاذ العام في تونس وننصح الي حاب يروح لتونس نقلو غير اخطيك .
كانت اخر مرة زرت فيها تونس منذ 10 سنوات وكنت مادي عليها فكرة مليحة.قبل
زرتها هذا الصيف تشوكيت ماعجبتنيش خلاص لعدة اسباب نختصرهالكم.
راني نحكي على سوسة والحمامات. ونحكي على الاغلبية مش على الكل.
1_ اولا ماعادوش يحبونا وغير مرحب بينا و يشوفو فينا الفقراء الي يجي بزوج دورو ويتروجل ويخسر.
2_ النصب والاحتيال من طرف اغلب التجار نقول اغلب فقط باش مانظلمش البعض ا. يحطلك سعر خيالي في التيكي في مكان لا يظهر في السلعة ولما تسالو يوريلك التيكي يقلك هذا سعرها للسياح وانت جزائري نقصلك. وهو قد ماينقصلك راهو ناصب عليك.
محفظة حاطلها تيكي الداخل فيه سعر 260 دت قالي انت جزاري نحسبهالك ب 200 فقط و فالاخير شريتها 65 دت.. الالة الحاسبة عاود احسب موراه غالبا ماتلقى زيادة….الي يقلك على السعر ويتفاهم معاك ماهوش نفس الشخص الي يخلص عليك . خاطر كي تفيق يقلك صاحبي غلط فالسعر …
3_تشوف الفرق لكبير فالمعاملة بينك وبين اجنبي اخر حتى وتكون طالب خدمات أفضل واغلى منو.. مايدوهاش فيك خلاص.
4_غلاء الاسعار .. راحت مقولة تصيافة في تونس تستقاملك اقل من الدزاير…الطبق الرخيس في مطعم شعبي بسيط 100 والمطاعم الزينة من 300 وطلع.
قرعة ماء 21 الف فالمقاهي والمطاعم و 12 الف فالسوبيرات. باراصول وطابلة في بلاج مايصلحش 140 الف كادنى حد يوصل ل 250 الف.
مانيش نحكي على لقطة ولى زوج صراتلي مع تاجر .
لا هذي وقائع تقريبا مع كل من تعاملت معاهم ..بكثرة صراتلي..ونصحني قبل مانروح صديق ليا يخدم تونس وقلت راهو يكبر فالموضوع.
هاذ الشي لي راك تحكي عليه كاين في كل دول العالم ، منها مثلا تركيا كارثة على هاذ الشي ، مصر حدث ولا حرج.
و كاين بعض النقاط ما نهدرش فيهم أحسن ، لأنو راح يجو جماعة يتهموك ب ” جلد الذات ” كيما يقولو
ما فهمتش وش عجبكم في تونس
هي صح تبدلوا بصح الشي لي راك تهدر عليه كاين في بلادنا و أسوء
حقيقة عارفينها اغلب الناس لي راحت لكن قليل لي كبما انت عندو الشجاعة قال الحقيقة، للأسف كاين كيما يقول المثل( ما يحبش يطيح من العود) يعني يجوز واش جوزت و ما يقلوش فقط باش ما يقولوش بلي بلادك أفضل و أفضل و أفضل…
راك غالط…راني مازلت في سوسة…والشيء اللي راك تحكي فيه لا اساس له من الصحة…وين تحط روحك تلقاها…
الحمد لله من بكري مش مقتنع بتونس أبداً
تركيا احسن منها و ما تكلفش بزاف
تونس تخطيك من لوتال كلش سالك تتمرمد