أستاذ بزنس مانجمنت من مدرسة وارثون جامعة بنسيلفانيا قام بتحدي ال30 دقيقة مستخدما أدوات الذكاء الاصطناعي لعمل خطة تسويق كاملة التي تأخد أيام و الكثير من الموارد لعملها لكن أراد تجريب الA.I و كانت حسبه “مذهلة” واصفا اياه الإنسان الخارق Superhuman ..و كانت كالتالي :
1 – رح لل شات تع بينغ قاله سوف أعطيك معلومات عن لعبتي الخاصة و هي لعبة تعليمية هدفها تلقين المتعلم مهارات القيادة و التسيير في كوكب زحل ..بعد ما درسه و عرف كلشي على اللعبة.
الآن قاله تخيل نفسك خبير في التسويق رح نخدمو مع بعض لاطلاق حملة تسويق للعبة .
2 – اول حاجة اخدملي ايمايلات للحملة التسويقية تع اللعبة حسب الفئة المستهدفة. البوت اعطاه اربع ايمايلات بمجموع 1757 كلمة.
3 – بعد معاينتها من طرفه وجد الايمايلات جيدة و تفي بالغرض و بعدها راح عند شات تع openAI و عرفه بالمشروع و قاله الآن أنت محترف في الديزاين اكتبلي صفحة ويب واحدة بما فيها النص و الخطوط الجرافيك و خليها صفحة HTML باه نشوفها عندي من بعد حولها لcss. النتيجة مبهرة كالعادة…
4- من بعد سأله عن مقاييس الصور و اللوغو لي لازم يكونو فالصفحة تع الويب تاعه …البوت عطاه المقاييس.
5 – راح للMidjourney و عطاه prompts خدمله صورة تعبر عن اللعبة و خدم لوغو و كمل كلش من بعد اضاف الصور للصفحة الويب و النتيجة صفحة ويب احترافية.
6- رجع للشات بوت تع بينغ و قاله اخدملي منشورات للحملة التسويقية لاطلاق اللعبة على سوشيال ميديا …خدمله بعد البوستات لخمس منصات و كان الأستاذ راضي عن النتيجة.
7- بقاله فيديو للتعريف باللعبة… قال للشات تع بينغ اكتبلي سكريبت تع فيديو باه نخدمه للحملة التسويقية…النتيجة رائعة، راح لموقع elevenlabs حول النص لصوت و من بعد راح لموقع D-id و نسق الصوت بالفيديو.
يقول الأستاذ رهيب هذا الA.I كنت نحتاج فريق كامل و ساعات او ايام باه نخدم حملة تسويقية تتكون من ايملاسل ماركتينغ و صفحة ويب و حملة على سوشيال ميديا و فيديو …لكن بفضل الA.I كملتها في دقائق…ما كنتش نعرف المونتاج و عمري في حياتي ما درت حملة ايمايل ماركتينغ و عمري ما خدمت صفحة ويب و لا خدمت بال CSS و لا المونتاج….قال بلي هذه الادوات لازم نستغلوها في حاجة تفيدنا و نطلعوا المستوى بيها لأنها سلاح ذو حدين.
#1001sites
#1001ai
هل أنا الوحيد الذي يشعر بالخوف من الذكاء الاصطناعي ؟
استغرقتني أعوام طويلة لأحترف البرمجة لكن هذا الروبوت اتم عملي في ثواني
و هو في البداية و هذا مجال واحد
لا أريد أن أبدو ضيق الأفق
لكن الأمر مخيف حقا
كيما قالو ناس بكري لي يجي بالخف يروح بالخف -شوف مليح-
اكدت دراسات في موقع hackerone الفرق بين المواقع لي يخدمها بوت openai و المعمولة يدويا انها تتخطاها بحوالي 40% كلها ثغرات – تخيل يطيح عليه هاكر قاسح (REvill او kirnelwear . . . او غيرهم من متصيدي الفدية ) الخسائر لي رح يتلقاها تخليها يهبط للأرض جرفيا – لدا يتوجب على الانسان يذير حذرو ✌
عزالدين بن جبار
المبرمجين تهردت عليهم طول تبانلي مراحش تفوت عامين يبدلو الحرفة 180°