🔴أكثر شيئ أتمناه بداية من هذا الموسم الاصطيافي هي عدم فتح الشواطئ المعزولة و عدم فتح ممرات تؤدي أو حتى لو تقربك إليها
🔴لانه صراحة جمال هذه الشواطئ عندما تكون معزولة ولا يكون فيها أي شخص إلا أصحاب التخييم أو الناس لي تتعب باع تلقى راحتها صح و تعرف قيمة هذه الأماكن
و ايضا طفح الكيل ، بزاف شواطئ في الجزائر ولات لا تطاق بسباب وحد الفئة لي عرفت هذه الشواطئ عبر التيكتوك أو الانستغرام و ولات تحرم على الناس الاسترخاء و راحة البال بوضع الموسيقى في مكبرات الصوت و. الاكثر من ذلك رمي الأوساخ
علابالي دوك تقولي علاه البحر تاع باباك؟ لكن صراحة أصبحت لا استطيع رؤية هادوك الناس لي يجي يديرلك الباف و الموسيقى العالية و يزيد يرمي الوسخ و يشوي و يروح كي شغل ماصرا والو
واحد من هذه الشواطئ هو شاطئ كاب ايفي بمستغانم الذي بعدما كان جوهرة تجمع بين رمال ذهبية صحراوية و البحر أصبح يعتبر سلة مهملات و فضلات في كل مكان باستثناء الجهة الخاصة بالفندق
عيب يا خواتي كاين ناس جات تريح من ظغط الخدمة و هم دنيا تجو نتوما تزيدو الطين بلة رانا في 2023 لازم نبدلو عقليتنا مشي شرط تجيبلي دربوكة معاك ولا تسمعني موسيقتك باعلى الصوت ياخي رآه كاين اربود و سمع ل روحك
#1001_توعية
#1001_سياحة
حسبنا الله ونعم الوكيل ما سلك لا بحر لا غابة لا صحراء لا شوارع .
عندك الحق في كل كلمة قلتها
كاين شواطيء معزولة جيهة سكيكدة و القل ملي عرفوها تاع قسنطينة رجعوها زريبة
ملي دخلو les réseaux hadou et avec des publicités pour des placettes méconnues tt est changer , que ce soit les forêts le désert les montagnes les plages tt est sale
أتفق ألف بالمية 😢
عندك ألف حق، نكاد نصدق أن يأجوج و مأجوج يخرجون بصفة دورية في الصيف ليأكلوا الأخضر و اليابس.
لأن هذه الاماكن ملك للجميع يجب الحفاظ عليها و هذا بمراقبة الداخل و الخارج. هذا هو بترول الغد
حاب نخرج مع العائلة وغابتلي وان نروح الشواطئ كامل فيها غاشي كبير مكانش شاطئ معزول يكون ساهل شوي نقدر نروحلو مع العائلة بارك الله فيكم مع العلم انا مشرق
وسمو الشاطئ لي فالصورة
لقهويين من جيهة و. لعرا من جيهة اخرى لبحر تكرهوا
كاين وحد الشاطئ معزول نروح ليه نتمنى يبقى كيما راه و ميفيقوش بيه الاوباش
والله صح الأسبوع الماضي كنت في كاب إيفي حالة كارثية جهة الشعب الزوالي الغير مبالي رمي أوساخ وشجار بين المصطافين على من يجلس أمام الآخر حتى راجل مسكين رفد صوالحه وغادر الشاطئ هو وعائلته والجهة الأخرى تاع الفندق نظيفة ومكانش اللي يمر منها والطابلة ب 3000 دج كارثة …شاطئ جميل شوهه الشعب الغير مسؤول
لازم لا بوليس كيما هادو
والله وليت حتى وين نروح الصحراء ونلقى مكان مليح مانحكي عليه للناس لأنه لو يعرفوها يوسخوها وينحو شجرها ويصيدوو حيواناتها ..
وليت بمنطلق أستمتع بالسر
أتفق بشدة👍
خلال الايام الماضية كنت في جزيرة paloma (الحمامة)
صدقني كل أنواع المأكولات مرمية هناك رغم أن الذهاب اليها يكلف 1500 دج او أكثر
غياب الوعي والردع (في الاماكن العامة ) يجعل الانسان غير منتبه لما يعمل
ايضا الاماكن المعزولة كلما ذاع صيتها كثرت اوساخها وبعد سنين ستصبح مكان لرمي الأوساخ
كاين وحد الجملة انتشرت : البحر تاع باباك
هادي الجملة خلات الكعب يكثرو ويديرو عفايس يتعبوك في مخك
أكثر شيء نتمناه أنوا بعض #العنابر تاع les randonnées يخلوا هاذ الشواطئ المعزولة tranquille ! ولاو يجوا جماعات جماعات ياكلو و يشربوا و يخلوا الوسخ موراهم ! بلا ما ننسوا لي يجيبوا معاهم النسا باللباس الفاضح و يباتوا على الموسيقى و المنكرات تقول راك في salle des fêtes !
معك في الرأي.. وين كاين مكان هادىء و جميل تم تلويثه بالقمامة و الأصوات و التصرفات المزعجة من أشخاص همهم فقط اخذ الصور.. لا احترام الغير، لا احترام الطبيعة..
كون ليا ندير شرطة خاصة لهاد النوع من البشر.