❌ادمن اقبل رآه الناس ماطيحش في الغلطة ❌
ظاهرة شفتها بزاف مؤخرا و الناس رآها نشتكي بزاف منها و هي ماراهمش يلقاو الراحة التامة في سكنات الكراء بالرغم من غلاء الأسعار أو يتم خداعهم كليا بعد قطع مئات الكيلومترات خاصة ماس الصحراء
اي واحد فينا لازم يكون واعي قبل لا يتخذ أي خطوة و اي تحرك لازم تديرلو الف حساب لانو حتى لو تم خداعك لازم تكون متفطن
كاين بزاف أخطاء مالازمش ديروهم باه على الأقل مايتمش خداعكم بالرغم من انو فات الحال و الموسم الصيفي على وشك الانتهاء
🔴1- لما تروح لكراي و يقولك لازم تبعتلي دراهم ب ccp هذا اعرفو سراق من الاخر لانو مكانش كراي يرفد الدراهم قبل لا يعطيك المفتاح
🔴2- لما يبعتلك صور و مكان المنزل حاول تشوف وسيط يكون من العائلة أو من اقربائك يكون. في ذيك الولاية هو لي يروح يشوف السكنة و يتقفدها ادا صح كيما لي رآها في التصور
🔴3- قبل لا تقلع للولاية لازم الاتصال بكاري البيت ادا مارفدش عليك مكنلاه تتحرك بسيارتك
🔴4- ادا كنت جاي من مكان بعيد حاول انك تبكر يعني 10 لازم تكون في المدينة تاع المنزل لانو حتى لو مارفدش عليك الكراي ( بمعنى طرطقك ) تقدر تتفحص مواقع التواصل و متاكد تلقى سكنة على الأقل تبات ليلة و تعاود ترجع أو ربما ربي يلاقيك ب ناس الخير يكبرو بيك
هدي هي أهم الاخطاء لي مالازمش طيحو فيها كي لا يتم خداعكم و لازم اخوتي ثقافة تبليغ يالوكان في مواقع التواصل باه لي طاح في الخطأ مايعاودش يرجعلو الخر
و حسبي الله و نعم الوكيل فناس لي رآها تخون فالعيباد ملتربحو ني دنيا ني آخرة
و لي يقولك نكري الدار و طيح الكلمة و تروفز كراين وحدخرين ، مبعد مايجيش ، كيفاه ؟ ccp يمد مبلغ رمزي برك
اللولة ماكانش منها
انا نخدم بالعربون ccp و الحمد الله نخافو من ربي و فقط
يرسلي عربون تاع ليلة لانه في حالة ما تحايل عليا و لا حب يغير لادات راني حاكم عربون ليلة
خاطرش الله يبارك كي مايكونوش راسلين عربون ليلة يلعبو بيك لعب و يصرالهم موت الفجأة بزاف 😂😂
W toujours toujjjoouur lazem plan B
En moins tkon hadar m3a deux ou 3 personne Bach ga3 w darha bik lawal ykono andk deux contact
ثاني لوكان الي يكري دار و يلقاها نظيفة و مليحة يبعث الي يعرفهم عند الي كرالو، و الي يلقاها العكس يحذر من الشخص و من موقع المنزل. و لوكان يديرو مجموعات خاصة بكراء المنازل تاع كل ولاية خير و خير
اتكل على الله و بكر بكري و كي تلحق للمدينة راك توجد سبعين واحد يكري و خير كيما تحب .
لازم قانون يحمي السائح لكراء البيوت السياحية ماش ارواح واكري .للامان الفندق احسن
انا في مستغانم في نهاري لول رحت ل bureau d’affaires قبالة حكيت مع راجل ورالي l’appartement لي يكري فيها شفتها verifiteha عجبتني و جوزت فيها يامات
بارك الله فيك
اهم حاجة لازم يكون التعامل مع وكالات معتمدة يغلط مع تشكي به
بلا مانحكي على لي يكريلك دار مسكو نة وعلابالو وتبدا تشوف اشياء وذراري صغار مايسكتولكش خاصة فليل غير لبكا
النقطة الأولى راك غالط خويا لي يطلب الدفع مسبقا ماشي سارق ماللخر ماتخلوش القبيح يفسد على المليح
لأنو كاين ناس تخدم المواسم تجي انت تريسارفي سيمانة و يخليهالك و يجو بزاااف ناس يدومونديو يردهم على جالك و الدقيقة التالية انت تلغي ولا ماتبانش ماشي تغيضك؟؟
لهذا السبب بزاف ناس يديرو الدفع مسبقا على الأقل عربون
صحيح كاين نصابين بزاف و لكن ماشي بسبتهم تردو الناس قاع سراقين
كنت قادر تقول لي يقولك الدفع مسبق احذر و سقسي عليه الى موثوق او لا كاين حلول هنا لوكان راهي عندنا ثقافة التقييمات راه نقصو بزاف مشاكل
لازم تعطو حلول ترضي الطرفين في زوج ماشي الزبون فقط
كل هذا يحل لو كان لدينة منصة الكترونية للكراء مثل airbnb تخلص فيها تضمن حق الكاري وصاحب الدار والأهم تقيمات الزبائن التي لايمكن تزويرها والي تجبر صاحب المنزل وكذلك المستأجر على المعاملة الجيدة
Akid