السلام عليكم،
عندي شريحة هاتف تاع الأب نمشي بيها والبارح بدون علم مني كنت ندور فالتلغرام جاني اشعار بلي تفتح حساب بيها لانو الرقم مسجل عنديmine N(منيش حافظة فيه)، ومنبعد مدة وجيزة كيفكيف لحقني كود من تطبيق WeChat تم وين توسوست
وش درت دخلت للتلغرام هذا لقيته باسم Mr حاجة وال device لي كانت عليه الجلسة من قبل ما ندخل انا ف Russia 😆😆، الغيتو وحذفت الحساب (لقيت صحاباتي لي يعرفوني بهذا نمرو ديجا باعثينله messages)
وتطبيق WeChat منعرفوش حبست ما خربتش، 1)ضك مفهمتش اين الخلل مين كل الحسابات هادي والنمرو مزاله عندي وكفاه قدر يفتح تلغرام المرة اللولة بدون ما يوصلني كود.
2) كفاه نعرف كل الحسابات المسجلة بيه
3) كفاه يقدر يكون عند شخص آخر غيري؟! واصلا راهو من بكري عند الأب، والمشكل حسابي على fiverr و خمسات موثق بيه مم عندي زوج Gmails مرتبطين بالنمرو😆.
#sos
.
….
…
…
…
…
..
…
…
…
…
….
تلڨرام تقدري تحذفيه نهائيا
ممكن الشريحة معروضة في احد المواقع لتاكيد الهويات
مهتم
ايه تصرا بيسك نوامر راهي تتباع ف المواقع دولية
لي سكامر يبيعو هواتف ( ارقام ) وكل رقم و سعرو هدي كل يديروها ب كراك
صرات معانا بابا تيليفونو حطبة جانا اشعار تفتح تلغرام بيه و مشكل مجا حتا مساج ولا و كي جيت نرجعو نلقا ندار كود و مشكل تيليفون كان في دار لوقت لي تفتح فيه يعني مكنش كفاه
We chat ميمشيش هنا 🙂
ثغرة في التلغرام … بزاف صراتلهم و انا واحد منهم اليوم الصباح في التلغرام
ديري انتهاء الجلسة اللي تفتحت و هي فرات
..
رقم مسرب والهاتف كامل يتفرجو عليه
أعطيني وي شات نتاعك الله يعيشك و نبدلو رقم ونديرو برفم نتاعي نحتاجو أخر والله عيت نحل واحد
كان مفتوح من قبل بما ان الرقم عندك جديد والسيد راه يحاول يرجع الحساب ديالو هذا ماكان
نفس المشكل بصح كفاه تنحي الحساب ولا تسترجعو مع العلم الرقم جامي تحل بيه تلغرام من قبل
نسقسيك الأخت مالحقكش ميساج بلي راح تفتحي حساب واتساب باللغة الروسية ؟
صرالي نفس المشكل تحل فايبر و واتس و تيليقرام و فايس بوك الحمد لله قدرت نمحي الحسابات الكل الا الفايس مقدرتش لانو دايرين المصادقة الثنائية لي يعرف كاش طريقة باه نقدر نمحيه يقلي !
تواصلي مع دعم الفايبر و والواتس قوليلهم الرقم تهكر اغلقولي الحسابات ضرك يطلبو عليك تأكيد الهوية و ينحوهم اما تيليقرام ساهل ادخلي بنفس الرقم وامحيه بعد شهر يتكسر
طار حمام
كامل هكذا و مكيش مسمحاتو؟؟؟
نيمراوات دزيريين راهم يتباعو بالعرام في التيليغرام 😂لي بوت دايرين حالة
صرات ل شريحة تاع ماما راهي ف تيليفون حطبة و لحقنا ميساج بلي دخلت ف فايبر بصح ملحق والو ل تيليفونها
كان داير اسم واقيل دزيري
قدرت نسوبريمي ل كونت بصح مفهمتش كيفاه قدر يفتحً ب رقم ديالها